དེ་ཡང་སྒྲ་དོན་འདྲེས་རུང་དུ། །འཛིན་པའི་ཞེན་རིག་རྟོག་པ་སྟེ། །དབྱེ་བ་རྟོག་པ་དོན་མཐུན་དང་། །རྟོག་པ་དོན་མི་མཐུན་དང་གཉིས། །མིང་སྦྱོར་དོན་སྦྱོར་རྟོག་པ་གཉིས། །བརྡ་རྟེན་ཅན་གྱི་རྟོག་པ་དང་། །དོན་གཞན་ལ་ནི་སྒྲོ་འདོགས་དང་། །ལྐོག་ཏུ་གྱུར་པའི་དོན་ཅན་གྱི། །རྟོག་པ་གསུམ་སོགས་དབྱེ་ཚུལ་མང་། །གཞན་ཡང་ཐོས་བསམ་སྒོམ་གསུམ་གྱི། །རྟོག་པ་གསུམ་ཡོད་དོན་རིམ་བཞིན། །སྒྲ་སྤྱི་ཙམ་གྱིས་འཛིན་པ་དང་། །དོན་ལ་བསམས་ནས་ངེས་རྙེད་དང་། །བསམ་བྱུང་དོན་ལ་ཡང་ཡང་དུ། །འདྲིས་པའི་གོང་སའི་ཞེན་རིག་གོ
No comments:
Post a Comment