རང་གི་གཞལ་བྱའི་ཡུལ་སྟེང་དོན། །གྲུབ་པ་མེད་ན་མི་འབྱུང་བའི། །ངེས་པ་རང་དང་གཞན་སྟོབས་ཀྱིས། །འདྲེན་པའི་ཚད་མ་རང་ལས་དང་། །གཞན་ལས་ངེས་ཀྱི་ཚད་མ་ཡིན། །རང་རིག་རྣལ་འབྱོར་མངོན་སུམ་གྱི། །ཚད་མ་གཉིས་དང་རྗེས་དཔག་དང་། །དོན་བྱེད་སྣང་ཅན་གོམས་པ་ཅན། །གང་རུང་གྱུར་པའི་ཚད་མ་ལྔ། །རང་ལས་ངེས་ཀྱི་ཚད་མ་ཡིན། །གཞན་ལས་ངེས་ཀྱི་ཚད་མ་ལ། །སྒྲས་བརྗོད་སྒོ་ནས་དབྱེ་བ་ནི། །དང་པོ་བ་དང་ཡིད་མ་གཏད། །མངོན་སུམ་འཁྲུལ་རྒྱུ་ཅན་དང་གསུམ། །སྣང་བ་རང་དང་བདེན་པ་གཞན། །སྤྱིར་ནི་རང་དང་ཁྱད་པར་གཞན། །སྣང་བ་ཉིད་ཀྱང་གཞན་ངེས་ཀྱི། །ཚད་མ་གསུམ་སོགས་བཤད་མོད་ཀྱི། །དངོས་བརྟགས་ཁྱད་པར་ཕྱེ་བ་གཅེས། །གཞན་ལས་ངེས་ཀྱིས་ཚད་མ་ལ། །ཚད་མས་ཁྱབ་ཀྱང་ཆོས་དེ་ལ། །གཞན་ལས་ངེས་ཀྱི་ཚད་མ་ལ། །དེ་ལ་ཚད་མ་མ་ཡིན་པས། །ཁྱབ་པ་ལ་སོགས་ཞིབ་ཆ་དགོས། །
No comments:
Post a Comment