གཉིས་པ་རང་ལུགས་ནི།
རང་རྒྱུ་ཀུན་འབྱུང་ལས་བྱུང་བའི་འཁོར་བའི་བསྡུས་པའི་ཟག་བཅས་དེ། སྡུག་བསྔལ་བདེན་པའི་མཚན་ཉིད། དེ་ལ་རྟེན་གྱི་སྒོ་ནས་དབྱེ་ན། མ་དག་པའི་སྣོད་བཅུད་གཉིད། ངོ་བོའོ་སྒོ་ནས་དབྱེ་ན། སྡུག་བསྔལ་གྱི་སྡུག་བསྔལ། འགྱུར་བའི་སྡུག་བསྔལ། ཁྱབ་པ་འདུ་བྱེད་ཀྱི་སྡུག་བསྔལ་དང་གསུམ།
རང་འབྲས་སྡུག་བསྔལ་བདེན་པ་སྐྱེད་བྱེད་ཀྱི་འཁོར་བའི་བསྡུས་པ། ཀུན་བྱུང་བདེན་པའི་མཚན་ཉིད། དེ་ལ་དབྱེ་ན་ཉོན་མོངས་པའི་ཀུན་འབྱུང་དང་། ལས་ཀྱི་ཀུན་འབྱུང་གཉིས།
རང་ཐོབ་བྱེད་ཀྱི་ཐབས་སུ་གྱུར་པའི་བར་ཆད་མེད་ལམ་གྱི་ངོ་སྐལ་གྱི་སྒྲིབ་པ་སྤངས་པའི་བྲལ་བ་དེ། འགོག་བདེན་གྱི་མཚན་ཉིད། དེ་ལ་དབྱེ་ན། ཐེག་པ་གསུམ་གྱི་འགོག་བདེན།
རང་གི་བྲལ་འབྲས་སུ་གྱུར་པའི་འགོག་བདེན་ཐོབ་བྱེད་ཀྱི་འཕགས་རྒྱུད་ཀྱི་མངོན་རྟོགས། རང་ཉིད་ལམ་བདེན་ཡིན་པའི་མཚན་ཉིད། དེ་ལ་དབྱེ་ན། ཐེག་པ་གསུམ་གྱི་མཐོང་སྒོམ་མི་སློབ་པའི་ལམ་གསུམ་དུ་ཡོད་དོ། །
No comments:
Post a Comment