ཐེག་ཆེན་གྱི་གདམས་ངག འཕགས་པའི་བདེན་པ་བཞི་བཤད་པ་ལས། སྡུག་བདེན་ལ་འདོམས་མཐའ་དཔྱད་པ། གཞན་ལུགས་དགག་པ། ག

• mp3 audio for April 13th, 2015

ཁ་ཅིག

• ཟག་བཅས་འབྲས་དུས་ཀྱི་ཆར་གྱུར་པ། སྡུག་བསྔལ་བདེན་པའི་མཚན་ཉིད།
• ཟག་བཅས་རྒྱུ་དུས་ཀྱི་ཆར་གྱུར་པ། ཀུན་འབྱུང་བདེན་པའི་མཚན་ཉིད།
• ཟག་མེད་འབྲས་དུས་ཀྱི་ཆར་གྱུར་པ། འགོག་བདེན་གྱི་མཚན་ཉིད།
• ཟག་མེད་རྒྱུ་དུས་ཀྱི་ཆར་གྱུར་པ། ལམ་བདེན་བདེན་གྱི་མཚན་ཉིད། ཟེར་ན།

ཀུན་འབྱུང་བདེན་པ་ཆོས་ཅན། མཚན་ཉིད་དང་པོར་དེར་ཐལ། མཚོན་བྱ་དེའི་ཕྱིར། འདོད་ན། སྡུག་བསྔལ་བདེན་པ་དེ་ཟག་བཅས་རྒྱུ་དུས་ཀྱི་ཆར་གྱུར་པར་ཐལ། འདོད་པའི་ཕྱིར། འདོད་ན། དེ་ཆོས་ཅན། ཀུན་འབྱུང་བདེན་པ་ཡིན་པར་ཐལ། འདོད་པའི་ཕྱིར། ཁྱབ་པ་ཁས། འདོད་མི་ནུས་ཏེ། མ་དག་པའི་སྣོད་ཀྱི་འཇིག་རྟེན་ཁྱོད་ཡིན་པའི་ཕྱིར།

གཞན་ཡང་།
མོས་པ་སྒོམ་ལམ་ཆོས་ཅན། མཚོན་བྱ་གཉིས་པ་དེར་ཐལ། མཚན་ཉིད་དེའི་ཕྱིར། དེར་ཐལ། ཟག་བཅས་གང་ཞིག རྒྱུ་ཡིན་པའི་ཕྱིར། དང་པོ་དེར་ཐལ། ཟག་བཅས་ཀྱི་ཤེས་པ་ཡིན་པའི་ཕྱིར། དེར་ཐལ། ཟག་བཅས་ཀྱི་ལམ་ཡིན་པའི་ཕྱིར། དེར་ཐལ། ཟག་བཅས་ཀྱི་འཕགས་པའི་ལམ་ཡིན་པའི་ཕྱིར། ཟག་བཅས་སྒོམ་ལམ་ཡིན་པའི་ཕྱིར།

གཞན་ཡང་།
རྣམ་མཁྱེན་ཆོས་ཅན། མཚོན་བྱ་གསུམ་པ་དེར་ཐལ། མཚན་ཉིད་དེའི་ཕྱིར། དེར་ཐལ། ཟག་མེད་གང་ཞིག འབྲས་བུ་ཡིན་པའི་ཕྱིར། སངས་འཕགས་ཆོས་ཅན། མཚོན་བྱ་བཞི་པ་དེར་ཐལ། མཚན་ཉིད་དེའི་ཕྱིར། དེར་ཐལ། ཟག་མེད་གང་ཞིག རྒྱུ་ཡིན་པའི་ཕྱིར།