ཁ་ཅིག
- ཀུན་ནས་ཉོན་མོང་ཕྱོགས་ཀྱི་བདེན་པ་གང་ཞིག གྲོལ་པ་དོན་གཉེར་གྱི་སྐྱེ་བུས། ནད་དང་འདྲ་བར་ཤེས་པར་བྱ་བ་དེ་སྡུག་བསྔལ་བདེན་པའི་མཚན་ཉིད།
- དེ་གང་ཞིག གྲོལ་པ་དོན་གཉེར་གྱི་སྐྱེ་བུས། ནད་ཀྱི་རྒྱུ་ལྟར་སྤང་བར་བྱ་བ་དེ་ཀུན་འབྱུང་བདེན་པའི་མཚན་ཉིད་ཟེར་ན།
- རྣམ་བྱང་གི་བདེན་པ་གང་ཞིག དེས་ནད་དང་བྲལ་བ་ལྟར་མངོན་དུ་བྱ་བ་དེ་འགོག་བདེན་གྱི་མཚན་ཉིད།
- དེས་སྨན་ལྟར་དུ་བསྟེན་པར་བྱ་བ་ལམ་བདེན་གྱི་མཚན་ཉིད་ཟེར་ན།
ལྷག་བཅས་མྱང་འདས་ལ་གནས་པའི་ཉན་ཐོས་སྒྲ་བཅོམ་པའི་རྒྱུད་ཀྱི་ཉེར་ལེན་གི་ཕུང་པོ་ཆོས་ཅན། མཚན་ཉིད་དང་པོ་དེར་ཐལ། མཚོན་བྱ་དེའི་ཕྱིར། དེར་ཐལ། དེའི་རྒྱུ་ལ་སྡུག་བསངལ་བདེན་པ་ཡོད་པའི་ཕྱིར། དེར་ཐལ དེའི་རྒྱུད་ལ་འཁོར་བས་བསྡུས་པའི་ལས་ཡོད་པའི་ཕྱིར། དེར་ཐལ། དེ་ལས་དབང་གིས་འཁོར་བར་གནས་པ་ཡོད་པའི་ཕྱིར། རྩ་བར་འདོད་ན། དེའི་རྒྱུ་ལ་ཀུན་ནས་ཉོན་མོངས་ཕྱོགས་ཀྱི་བདེན་པ་ཡོད་པར་ཐལ། འདོད་པའི་ཕྱིར། འདོད་མི་ནུས་སོ།
གཞན་ཡང་།
སྡུག་བསྔལ་བདེན་པར་འགྱུར་བའི་དད་པའི་དབང་པོ་ཆོས་ཅན། མཚན་ཉིད་དེར་ཐལ། མཚོན་བྱ་དེའི་ཕྱིར། མ་གྲུབ་ན། དེར་ཐལ། དེ་ཡོད་པའི་ཕྱིར། དེར་ཐལ། ཀུན་འབྱུང་བདེན་པར་གྱུར་པའི་དེ་ཡོད་པའི་ཕྱིར། དེར་ཐལ། དེར་གྱུར་པའི་བསོད་ནམས་ཀྱི་ལས་འཁོར་དུ་ལྡན་པའི་གཙོ་སེམས་ཀྱི་འཁོར་དུ་བྱུང་བའི་དད་པའི་དབང་པོ་ཡོད་པའི་ཕྱིར། མ་གྲུབ་ན། དེ་འདྲ་བའི་གཙོ་བོ་སེམས་ཆོས་ཅན། ཁྱོད་ཀྱི་འཁོར་དུ་བྱུང་བའི་དད་པའི་དབང་པོ་ཡོད་པར་ཐལ། ཁྱོད་དགེ་སེམས་ཡིན་པའི་ཕྱིར། རྩ་བར་འདོད་ན། ཀུན་ནས་ཉོན་མོངས་ཕྱོགས་ཀྱི་བདེན་པ་ཡིན་པར་ཐལ། འདོད་པའི་ཕྱིར། འདོད་ན། མ་ཡིན་པར་ཐལ། རྣམ་བྱང་གི་དབང་པོ་ཡིན་པའི་ཕྱིར། དེར་ཐལ། དད་པའི་དབང་པོ་ཡིན་པའི་ཕྱིར།
No comments:
Post a Comment