________________________________________________
སྐྱེས་བུ་ཆེན་པོའི་ལམ་ལ་སྤྲོ་བ་བསྐྱེད་པའི་ཕྱིར་དུ་ཕན་ཡོན་བཤད་པ་ན་འདི་ལ་བཅུ།
- ཐེག་ཆེན་གྱི་འཇུག་སྒོ་སེམས་བསྐྱེད་ཁོ་ནར་བསྟན་པ།
- རྒྱལ་བའི་སྲས་ཞེས་བྱ་བ་མིང་ཐོབ་པ།
- ཉན་རང་རིགས་ཀྱི་སྒོ་ནས་ཟིལ་གྱིས་ནོན་པ།
- མཆོད་པའི་ཞིང་མཆོག་ཏུ་འགྱུར་བ།
- ཚོགས་རྒྱ་ཆེན་པོ་བདེ་བླག་ཏུ་རྫོགས་པ།
- སྡིག་སྒྲིབ་མྱུར་དུ་སྦྱང་བ།
- ཅི་བསམ་པ་འགྲུབ་པ།
- གནོད་པ་དང་བར་ཆད་ཀྱིས་མི་ཚུགས་པ།
- ས་ལམ་ཐམས་ཅད་མྱུར་དུ་རྫོགས་པ།
- འགྲོ་བའི་སྐྱིད་མ་ལུས་པ་འབྱུང་བའི་ཞིང་སར་འགྱུར་བ།
________________________________________________
ཇོ་བོ་རྒྱ་བོད་གཉིས་ཀར་འཕྲིན་ལས་དར་རྒྱས་ཆེ་བ་ཡང་བཤེས་གཉེན་བསྟེན་ཚུལ་དང་། བྱང་ཆུབ་ཀྱི་སེམས་ཀྱི་མཐུ་ལས་བྱུང་།བཀའ་གདམས་གོང་མའི་ཞལ་ནས།སེམས་འདི་མེད་ན་རྣ་རྩར་རྔ་བོ་ཆེ་བརྡུངས་ཀྱང་མི་གོ་བའི་ཏིང་ངེ་འཛིན་ཡོད་ཀྱང་གར་ཡང་མི་ཕྱིན་ཞེས་དང་། བླ་མ་རཱ་ཧུ་ལ་གུཔྟས་ཀྱང་། ཡི་དམ་གྱི་ལྷའི་ཞལ་མཐོང་བ་དང་། མངོན་ཤེས་དང་རྫུ་འཕྲུལ་ཐོབ་པ་དང་། ཏིང་ངེ་འཛིན་རི་རྒྱུད་ཙམ་ཡོད་པས་གར་ཡང་མི་ཕྱིན། བྱམས་སྙིང་རྗེ་སྒོམས་གསུངས། གཞན་ཡང་མདོ་ལས་བྱང་ཆུབ་ཀྱི་སེམས་ནི་འཁོར་བསྒྱུར་གྱི་འཁོར་ལོ་རིན་པོ་ཆེ་དང་། སྐྱེས་བུའི་སྲོག་གི་དབང་པོ་དང་། ལག་པ་དང་ཡང་འདྲ་བར་གསུངས་པ་དང་། རྒྱུད་བླ་མ་ལས།
ཐེག་མཆོག་ལ་མོས་ས་བོན་ཤེས་རབ་ནི། །ཞེས་གསུངས་པ་ལྟར། དཔེར་ན། ཕ་ནི་རིགས་ཀྱི་ཐུན་མོང་མ་ཡིན་པའི་རྒྱུ་དང་། མ་ནི་ཐུན་མོང་བའི་རྒྱུ་ཡིན་པ་ལྟར། བྱང་ཆུབ་ཀྱི་སེམས་རིན་པོ་ཆེ་ནི་སངས་རྒྱས་ཀྱི་རྒྱུ་ཐུན་མོང་མ་ཡིན་པ་དང་། སྟོང་ཉིད་རྟོགས་པའི་ཤེས་རབ་ནི་བྱང་ཆུབ་གསུམ་གའི་ཐུན་མོང་བའི་རྒྱུ་ཡིན་པས་ཤེས་རབ་སྟོང་ཉིད་ནི་ཐེག་པ་ཆེ་ཆུང་གང་དང་ཕྲད་ཀྱང་དེའི་བྱང་ཆུབ་ཀྱི་རྒྱུར་འགྲོ། དེས་ན་བྱང་ཆུབ་ཀྱི་སེམས་མེད་པའི་ཕྱག་རྫོགས་དང་། རིམ་གཉིས་བསྒོམ་པ། ལྷ་ཚོགས་མང་པོའ་ིཞལ་མཐོང་བ་སོགས་ལས་ཀྱང་བྱང་ཆུབ་ཀྱི་སེམས་ལ་གོ་བ་ཙམ་ཆགས་པ་མ་འོངས་པ་ན་འཚང་རྒྱ་བ་ལ་མྱུར་བས་དེ་གལ་ཆེ་བ་ཡིན། བསྟན་པ་འདིའི་དམ་ཆོས་ཐམས་ཅད་མཁྱེན་ཅིང་གྲུབ་པའི་ཇོ་བོ་ཆེན་པོའ་ིགསུང་གི་མཐིལ་ལ། བྱམས་སྙིང་རྗེ་བྱང་ཆུབ་ཀྱི་སེམས་སྒོམས་གསུངས་འདུག་ན།ལྷ་བསྒོམ་སྔགས་བཟླས་ཙམ་ལ་མི་རེ་བར་འདི་ལ་བརྩོན་པར་མཛད་དགོས། དེ་འདྲ་བའི་ཆོས་ཀྱི་སྙིང་པོ་འདི་རྒྱུད་ལ་སྐྱེ་བའི་དོན་དུ་དཀའ་བ་སྤྱད་དེ། འདི་ལ་བརྩོན་ནའང་བརྩོན་རིན་ཆོག་པ་ཡིན་ཞིང་བསྒོམ་ན་མི་སྐྱེ་བའང་མིན་ཏེ་འདུས་བྱས་སོ་ན་མི་གནས་པས་ངེས་པར་སྐྱེ་ལ། དེ་ཡང་ཇོ་བོ་ཆེན་པོ་མ་བྱོན་གོང་བོད་དུ་སེམས་བསྐྱེད་མཆོད་པའི་ཆོ་ག་འབོགས་ནས། ཆོ་གའི་འགོར། མ་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཐོབ་པར་བྱ། ཞེས་བརྗོད་པ་ཙམ་གྱིས་བྱང་སེམས་ཀྱི་གོ་ཆོད་པ་བྱེད་མཁན་བྱུང་ཡང་། བྱང་སེམས་རྒྱུད་ལ་སྐྱེ་བར་བྱེད་པ་ལ་བློ་སྦྱངས་དགོས་པ་ལས། བློ་མ་སྦྱངས་པར་སོ་ཐར་གྱི་སྡོམ་པ་འབོགས་པ་ལྟར་བྱས་པས་སེམས་སྐྱེ་བ་ལྟ་ཅི། དེ་ཙམ་གྱིས་བྱང་ཆུབ་ཀྱི་སེམས་ངོ་ཤེས་པའང་དཀའ་སྟེ། སྔོན་ཇོ་བོ་ཆེན་པོས་བོད་པ་རྣམས་ལ།བྱམས་པ་དང་སྙིང་རྗེ་ངོས་འཛིན་མི་ཤེས་པའི་བྱང་ཆུབ་སེམས་དཔའ་བོད་ཀྱིས་ཤེས་པར་འདུག་ཅེས་མི་མཉེས་པའི་ཚུལ་གསུངས། འོ་ན་གང་དགོས་ཞུས་པས། རིམ་ཅན་དུ་སྦྱངས་པ་ཡིན་མོད་གསུངས། དེས་ན་རང་རེས་ཀྱང་སྙིང་རྗེ་ཆེན་པོ་ལ་མྱོང་བ་མ་ཐོན་པར་བྱང་ཆུབ་ཀྱི་སེམས་སྐྱེ་ཐབས་མེད་པས་བློ་རིམ་གྱིས་སྦྱངས་པ་དགོས་གསུངས།
སངས་རྒྱས་ཆོས་བསྐྱེད་མ་དང་། །
No comments:
Post a Comment