གང་གིས་ཐུགས་བརྩེས་ཉེར་བཟུང་ནས།
ལྟ་བ་ཐམས་ཅད་སྤང་པའི་ཕྱིར།
དམ་པའི་ཆོས་ནི་སྟོན་མཛད་པའི།
གཽ་ཏམ་དེ་ལ་ཕྱག་འཚལ་ལོ།།
ས་དང་ཆུ་དང་མེ་དང་རླུང་། །
སྨན་དང་དགོན་པའི་ཤིང་བཞིན་དུ། །
རྟག་ཏུ་སངས་རྒྱས་ཐམས་ཅད་ཀྱིས། །
རང་དགར་དགག་མེད་སྤྱོད་པར་ཤོག །
སེམས་ཅན་རྣམས་ལ་སྲོག་བཞིན་ཕངས། །
བདག་ལས་དེ་དག་ཆེས་ཕངས་ཤོག །
བདག་ལ་དེ་དག་སྡིག་སྨིན་ཅིང་། །
བདག་དགེ་མ་ལུས་དེར་སྨིན་ཤོག །
ཇི་སྲིད་སེམས་ཅན་འགའ་ཞིག་ཀྱང་། །
གང་དུ་མ་གྲོལ་དེ་སྲིད་དུ། །
དེ་ཕྱིར་བླ་ན་མེད་པ་ཡི། །
བྱང་ཆུབ་ཐོབ་ཀྱང་གནས་གྱུར་ཅིག །
སྐྱེས་བུ་ས་མིན་ཆུ་མ་ཡིན། །
མེ་མིན་རླུང་མིན་ནམ་མཁའ་མིན། །
རྣམ་ཤེས་མ་ཡིན་ཀུན་མིན་ན། །
དེ་ལས་གཞན་དོན་སྐྱེས་བུ་གང་། །
སྐྱེས་བུ་ཁམས་དྲུག་འདུས་པའི་ཕྱིར། །
ཡང་དག་མ་ཡིན་ཇི་ལྟ་བ། །
དེ་བཞིན་ཁམས་ནི་རེ་རེ་ལའང་། །
འདུས་ཕྱིར་ཡང་དག་ཉིད་དུ་མིན། །
གཟུགས་ཀྱི་དངོས་པོ་མིང་ཙམ་ཕྱིར། །
ནམ་མཁའ་ཡང་ནི་མིང་ཙམ་མོ། །
འབྱུང་མེད་གཟུགས་ལྟ་ག་ལ་ཡོད། །
དེ་ཕྱིར་མིང་ཙམ་ཉིད་ཀྱང་མེད། །
རྟེན་ཅིང་འབྲེལ་བར་འབྱུང་བ་གང༌། །དེ་ནི་སྟོང་པ་ཉིད་དུ་བཤད། །
དེ་ནི་བརྟེན་ནས་གདགས་པ་སྟེ། །དེ་ཉིད་དབུ་མའི་ལམ་ཡིན་ནོ། །
གང་ཕྱིར་རྟེན་འབྱུང་མ་ཡིན་པའི། །ཆོས་འགའ་ཡོད་པ་མ་ཡིན་པ། །
དེ་ཕྱིར་སྟོང་པ་མ་ཡིན་པའི། །ཆོས་འགའ་ཡོད་པ་མ་ཡིན་ནོ། །
No comments:
Post a Comment