ཡོངས་འཛིན་བློ་བཟང་ཚུལ་ཁྲིམས་བྱམས་པ་རྒྱ་མཚོའི་བློ་རིག་གི་རྣམ་བཞག་བཤད་པ་ལས་ གཉིས་པ་ཡུལ་ཅན་ལ། མཚན་ཉིད་དང་། དབྱེ་བ་གཉིས། སོགས།
Friday, 31 July 2015
Wednesday, 29 July 2015
བཅས་ཤེས།
༄༅། །བློ་སྡོམ་གསལ་བའི་མེ་ལོང་ཞེས་བྱ་བ་བཞུགས་སོ། །
༄༅། །ན་མོ་མཉྫུ་ཤྲཱི་ཡེ། །བློ་རིག་རྣམ་གཞག་བཤད་པ་ལ། །ཡུལ་ཅན་བློ་དང་ཡུལ་གཉིས་ལས། །སྤྱིར་ན་ཡུལ་ཅན་གྱི་མཚན་ཉིད། །རང་ཡུལ་ཅི་རིགས་ལྡན་པ་ཡི། །དངོས་པོ་དེ་ཡིན་དབྱེ་བ་ནི། །གཟུགས་ཤེས་ལྡན་མིན་འདུ་བྱེད་གསུམ། །བརྗོད་བྱེད་སྒྲ་ཀུན་དང་པོ་དང་། །ཤེས་པ་ཐམས་ཅད་གཉིས་པ་དང་། །གང་ཟག་མཐའ་དག་གསུམ་པ་ཡིན། །བློ་ལ་མཚན་ཉིད་རྣམ་གྲངས་དང་། །དབྱེ་བ་གསུམ་ལས་དང་པོ་ནི། །རིག་པ་བློ་ཡི་མཚན་ཉིད་ཡིན། །བློ་དང་ཤེས་པ་རིག་པ་དང་། །གསལ་བ་རྣམས་ནི་དོན་གཅིག་ཡིན། །དབྱེ་ན་རྣམ་པ་མང་ཡོད་དེ། །རྟོགས་པའི་བློ་དང་མ་རྟོགས་བློ། །བློ་རིག་བདུན་དུ་དབྱེ་བ་དང་། །ཚད་མ་དང་ནི་ཚད་མིན་དང་། །རྟོག་བཅས་རྟོག་མེད་བློ་གཉིས་དང་། །མངོན་སུམ་དང་ནི་རྗེས་དཔག་དང་། །སེམས་དང་སེམས་བྱུང་གཉིས་སོགས་མང་། །རང་ཡུལ་རྟོགས་དང་མ་རྟོགས་ལ། །རྟོགས་དང་མ་རྟོགས་བློ་ཞེས་བྱ། །བློ་རིགས་བདུན་ལས་མངོན་རྗེས་དང་། །བཅད་ཤེས་གསུམ་པོ་རྟོགས་པའི་བློ། །གཞན་བཞི་མ་རྟོགས་བློ་ཡིན་ལ། །དེ་ཡང་མཁས་པ་ཁ་ཅིག་གིས། །ཡིད་དཔྱོད་རྟོགས་བློར་གསུངས་པ་ནི། །ཡིད་དཔྱོད་ཙམ་གྱིས་རྟོགས་ལ་དགོངས། །རྟོགས་ལ་དངོས་རྟོགས་ཤུགས་རྟོགས་གཉིས། །རྣམ་པ་ཤར་དང་མ་ཤར་བར། །ཡུལ་དེ་རྟོགས་ལ་རིམ་བཞིན་འདོད། །སྡེ་བདུན་ཡིད་ཀྱི་མུན་སེལ་ལས། །སྤྱིར་བཏང་ཚད་མས་དངོས་ཤུགས་དང་། །མངོན་སུམ་དང་ནི་རྗེས་དཔག་གིས། །དངོས་རྟོགས་ཤུགས་རྟོགས་གསུངས་པ་དེ། །དང་པོ་གོ་ཐོབ་རིག་པ་དང་། །གཉིས་པ་མདོ་སྡེ་པ་ཡི་ལུགས། །ཡང་ན་ཕྱི་མ་གཉིས་པོ་ནི། །མངོན་རྗེས་བྱེ་བྲག་པ་ལ་དགོངས། །ཚད་མིན་བློ་ཡི་དངོས་ཤུགས་ཀྱིས། །རྟོགས་ཚུལ་གསུངས་པའང་དེས་རིགས་འགྲེ། །བློ་རིག་བདུན་དུ་དབྱེ་བ་ནི། །ཡིད་དཔྱོད་སྣང་ལ་མ་ངེས་པ། །བཅད་ཤེས་ལོག་ཤེས་ཐེ་ཚོམ་དང་། །མངོན་སུམ་རྗེས་དཔག་དང་བཅས་བདུན། །དེ་ཡང་རང་ཡུལ་བདེན་པ་ལ། །གསར་དུ་ཞེན་པའི་ཚད་མིན་བློ། །ཡིད་དཔྱོད་ཀྱི་ནི་མཚན་ཉིད་ཡིན། །དབྱེ་ན་རྒྱུ་མཚན་མེད་པ་དང་། །དེ་བཞིན་རྒྱུ་མཚན་འགལ་བ་དང་། །མ་ངེས་པ་དང་མ་གྲུབ་དང་། །ཡོད་ཀྱང་གཏན་ལ་མ་ཕབ་པའི། །ཡིད་དཔྱོད་དང་བཅས་རྣམ་པ་ལྔ། །མཚན་གཞི་གོ་རིམ་བཞིན་དུ་སྒྲ། །མི་རྟག་ཅེས་པའི་ངག་ཙམ་ལས། །སྒྲ་མི་རྟག་པར་འཛིན་པའི་བློ། །དེ་བཞིན་དུ་ནི་དེ་སྒྲུབ་ཀྱི། །འགལ་དང་མ་ངེས་མ་གྲུབ་པའི། །རྟགས་ལས་དེ་ལྟར་འཛིན་པ་དང་། །བྱས་པའི་རྟགས་ལ་བརྟེན་ནས་སྒྲ། །མི་རྟག་པ་རུ་འཛིན་པ་ཡི། །ཡིད་དཔྱོད་ལྟ་བུ་ཡིན་ཞེས་གསུངས། །བསྡུས་ན་གཉིས་ཏེ་དང་པོ་ནི། །རྒྱུ་མཚན་མེད་པའི་ཡིད་དཔྱོད་དང་། །ཡིད་དཔྱོད་ཕྱི་མ་བཞི་པོ་ནི། །རྒྱུ་མཚན་ཅན་གྱི་ཡིད་དཔྱོད་དོ། །ཐོས་བྱུང་ཙམ་གྱི་གོ་བ་ནི། །ཕལ་ཆེར་ཡིད་དཔྱོད་ཡིན་པས་ན། །དེ་རྒྱུན་བརྟན་པོ་མིན་ཞེས་གསུངས། །སྣང་ལ་མ་ངེས་པ་ཡི་བློ། །རང་གི་འཇུག་ཡུལ་རང་མཚན་ནི། །གསལ་བར་སྣང་ཡང་མ་ངེས་པའོ། །དབྱེ་ན་གསུམ་སྟེ་དེར་གྱུར་པའི། །དབང་མངོན་ཡིད་མངོན་རང་རིག་གསུམ། །དེ་ལ་རྣལ་འབྱོར་མངོན་སུམ་ནི། །གང་སྣང་ཐམས་ཅད་ངེས་པས་ན། །སྣང་ལ་མ་ངེས་པ་མེད་དོ། །དེ་འདྲའི་དབང་མངོན་ལ་ཡང་ལྔ། །ཡིད་ནི་གཞན་དུ་ཕྱོགས་དུས་ཀྱི། །སོ་སྐྱེའི་གཟུགས་འཛིན་དབང་མངོན་ནས། །རེག་འཛིན་དབང་མངོན་བར་ལྔ་འམ། །སོ་སྐྱེའི་རྒྱུད་ཀྱི་དབང་མངོན་ལྔའི། །སྐད་ཅིག་ཐ་མ་ལྟ་བུའོ། །སོ་སྐྱེའི་དུས་མཐའ་སྐད་ཅིག་མའི། །ཡིད་མངོན་དང་ནི་རང་རིག་ཀུན། །སྣང་ལ་མ་ངེས་པ་ཡིན་ལ། །འཕགས་པའི་འདིར་བསྟན་ཡིད་མངོན་ནི། །ཚད་མར་རིགས་པའི་རྒྱན་ལས་གསུངས། །དེ་འདྲའི་རང་རིག་མངོན་སུམ་ནི། །རྒྱང་འཕེན་པ་དང་གཅེར་བུ་པའི། །རྒྱུད་ཀྱི་རྗེས་དཔག་ཚད་མ་དང་། །ལོག་པའི་ཤེས་པ་ལ་སོགས་པ། །ཉམས་སུ་མྱོང་བའི་རང་རིག་དང་། །རང་སྡེ་བྱེ་བྲག་སྨྲ་བ་ཡི། །རྒྱུད་ཀྱི་རང་རིག་ལྟ་བུ་དང་། །སོ་སྐྱེའི་རྒྱུད་ཀྱི་རང་རིག་གི །སྐད་ཅིག་ཐ་མ་ལྟ་བུ་མང་། །རྟོགས་ཟིན་རྟོགས་པའི་ཚད་མིན་གྱི། །རིག་པ་བཅད་ཤེས་ཀྱི་མཚན་ཉིད། །དབྱེ་ན་མངོན་སུམ་རྗེས་དཔག་གི །རྒྱུན་དུ་གྱུར་པའི་བཅད་ཤེས་དང་། །དེ་གཉིས་གང་རུང་མ་ཡིན་པའི། །བཅད་ཤེས་དང་བཅས་གསུམ་དུ་ཡོད། །དང་པོ་ལ་ཡང་དབང་ཡིད་དང་། །རང་རིག་རྣལ་འབྱོར་མངོན་སུམ་གྱི། །བཅད་ཤེས་ལ་སོགས་དུ་མ་ཡོད། །རིམ་བཞིན་དབང་མངོན་ལྔ་པོ་དང་། །གཞན་སེམས་ཤེས་པའི་མངོན་ཤེས་དང་། །རྒྱུན་དང་ལྡན་པའི་རང་རིག་དང་། །སློབ་པའི་རྣལ་འབྱོར་མངོན་སུམ་གྱི། །སྐད་ཅིག་གཉིས་པ་ལྟ་བུའོ། །མངོན་སུམ་སྐད་ཅིག་གཉིས་པ་ནི། །དེ་བཞི་གང་རུང་མ་ཡིན་པའི། །བཅད་ཤེས་སུ་ནི་འཇོག་ཀྱང་རུང་། །གཉིས་པ་རྗེས་དཔག་ཚད་མ་ཡི། །སྐད་ཅིག་གཉིས་པ་ལྟ་བུ་ཡིན། །གསུམ་པ་མངོན་རྗེས་སོ་སོ་ཡིས། །དྲངས་པའི་ངེས་ཤེས་ལྟ་བུ་དང་། །ཚད་མ་སྐད་ཅིག་གཉིས་པ་བཞིན། །བསྡུ་ན་རྟོག་པ་བཅད་ཤེས་དང་། །རྟོག་མེད་བཅད་ཤེས་གཉིས་སུ་འདུས། །ལོག་ཤེས་མཚན་ཉིད་རང་གི་ཡུལ། །ཕྱིན་ཅི་ལོག་ཏུ་འཛིན་པའི་བློའོ། །དབྱེ་ན་རྟོག་པ་ལོག་ཤེས་དང་། །རྟོག་མེད་ལོག་ཤེས་གཉིས་སུ་ཡོད། །རང་གི་ཞེན་ཡུལ་ལ་འཁྲུལ་བའི། །ཞེན་རིག་དང་པོའི་མཚན་ཉིད་དང་། །རང་གི་འཛིན་སྟངས་ལ་འཁྲུལ་བའི། །གསལ་སྣང་ཅན་གྱི་རིག་པ་དེ། །རྟོག་མེད་ལོག་ཤེས་ཀྱི་མཚན་ཉིད། །དང་པོ་ཆོས་དང་གང་ཟག་གི །བདག་འཛིན་རྣམ་གཉིས་ལྟ་བུ་དང་། །གངས་རི་སྔོན་པོར་སྣང་བ་ཡི། །དབང་ཤེས་ལྟ་བུ་གཉིས་པ་ཡིན། །ཚད་མ་ཡིད་ཀྱི་མུན་སེལ་ལས། །ལོག་རྟོག་རྟོག་པ་ལོག་ཤེས་དང་། །སྒྲོ་འདོགས་གསུམ་པོ་དོན་གཅིག་དང་། །དོན་མི་འགྱུར་གྱི་ཐེ་ཚོམ་ཡང་། །རྟོག་པ་ལོག་ཤེས་ཡིན་པར་གསུངས། །རང་གི་ཡུལ་ལ་མཐའ་གཉིས་སུ། །དོགས་པའི་སེམས་བྱུང་ཐེ་ཚོམ་སྟེ། །དོན་འགྱུར་མི་འགྱུར་ཆ་མཉམ་པའི། །ཐེ་ཚོམ་གསུམ་ཡོད་རིམ་པ་བཞིན། །སྒྲ་མི་རྟག་གམ་སྙམ་པ་དང་། །དེ་བཞིན་རྟག་གམ་སྙམ་པ་དང་། །རྟག་གམ་མི་རྟག་སྙམ་པའི་བློའོ། །ཐེ་ཚོམ་ལ་ནི་རྩ་ཉོན་གྱིས། །ཁྱབ་པར་བཞེད་དང་ཉོན་མོངས་ཅན། །ཡིན་མིན་གཉིས་སུ་ཕྱེ་བའང་ཡོད། །རང་མཚན་དང་ནི་སྤྱི་མཚན་ཉིད། །རིམ་བཞིན་སྣང་ཡུལ་བྱེད་པའི་བློ། །མངོན་སུམ་དང་ནི་རྟོག་པ་འོ། །དེ་ཡང་རྟོག་བྲལ་མ་འཁྲུལ་བའི། །རིག་པ་མངོན་སུམ་གྱི་མཚན་ཉིད། །དབྱེ་ན་དབང་མངོན་ཡིད་མངོན་དང་། །རང་རིག་རྣལ་འབྱོར་མངོན་སུམ་བཞི། །འཁྲུལ་རྒྱུ་བཞི་སྟེ་རྟེན་དང་ཡུལ། །གནས་དང་དེ་མ་ཐག་རྐྱེན་ལའོ། །བདག་རྐྱེན་དབང་པོ་གཟུགས་ཅན་ལས། །བྱུང་བའི་མངོན་སུམ་དབང་མངོན་ཏེ། །དེ་ལ་གཟུགས་འཛིན་དབང་མངོན་ནས། །རེག་བྱ་འཛིན་པའི་དབང་མངོན་བར། །ལྔ་ཡོད་དེ་རྣམས་རེ་རེ་ལའང་། །ཚད་མ་དང་ནི་བཅད་ཤེས་དང་། །སྣང་ལ་མ་ངེས་པ་གསུམ་ཡོད། །བདག་རྐྱེན་ཡིད་དབང་ལ་བརྟེན་ནས། །བྱུང་བའི་མངོན་སུམ་ཡིད་མངོན་ཏེ། །གཟུགས་འཛིན་ཡིད་མངོན་སོགས་ལྔ་ཡོད། །རྟོག་པ་དང་བྲལ་མ་འཁྲུལ་བའི། །འཛིན་རྣམ་རང་རིག་མངོན་སུམ་སྟེ། །དེ་གཉིས་ལ་ཡང་གོང་ལྟར་དུ། །ཚད་མ་ལ་སོགས་གསུམ་གསུམ་བཤད། །དེ་ལ་རྣལ་འབྱོར་མངོན་སུམ་ནི། །བདག་རྐྱེན་ཞི་ལྷག་ཟུང་འབྲེལ་གྱི། །ཏིང་འཛིན་བསྒོམས་སྟོབས་ལས་བྱུང་བའི། །འཕགས་པའི་རྒྱུད་ཀྱི་མངོན་སུམ་ཡིན། །རྟེན་གྱི་སྒོ་ནས་དབྱེ་ན་ནི། །ཉན་རང་ཐེག་ཆེན་འཕགས་པའི་གསུམ། །ངོ་བོའི་སྒོ་ནས་རེ་རེ་ལའང་། །མཐོང་སྒོམ་མི་སློབ་ལམ་དང་གསུམ། །ཡུལ་གྱི་སྒོ་ནས་གཉིས་ཡིན་ཏེ། །ཇི་ལྟ་ཇི་སྙེད་མཁྱེན་པ་འོ། །ལྡོག་ཕྱོགས་མངོན་སུམ་ལྟར་སྣང་ནི། །འཁྲུལ་དང་ཀུན་རྫོབ་ཤེས་པ་དང་། །རྗེས་དཔག་རྗེས་སུ་དཔག་ལས་བྱུང་། །དྲན་དང་མངོན་འདོད་ཅེས་བྱ་འོ། །མངོན་སུམ་ལྟར་སྣང་རབ་རིབ་བཅས། །ཞེས་གསུངས་དང་པོ་དྲུག་པོ་ནི། །རྟོག་པ་མངོན་སུམ་ལྟར་སྣང་དང་། །ཐ་མ་རབ་རིབ་ཅན་གྱི་བློ། །རྟོག་མེད་མངོན་སུམ་ལྟར་སྣང་སྟེ། །གོ་དོན་རིགས་རྒྱན་སོགས་སུ་ལྟོས། །རྟོག་མེད་མངོན་སུམ་ལྟར་སྣང་དང་། །མེད་པ་གསལ་སྣང་ཅན་གྱི་བློ། །རྟོག་མེད་ལོག་ཤེས་དོན་གཅིག་གོ །དེ་ཡང་སྒྲ་དོན་འདྲེས་རུང་དུ། །འཛིན་པའི་ཞེན་རིག་རྟོག་པ་སྟེ། །དབྱེ་བ་རྟོག་པ་དོན་མཐུན་དང་། །རྟོག་པ་དོན་མི་མཐུན་དང་གཉིས། །མིང་སྦྱོར་དོན་སྦྱོར་རྟོག་པ་གཉིས། །བརྡ་རྟེན་ཅན་གྱི་རྟོག་པ་དང་། །དོན་གཞན་ལ་ནི་སྒྲོ་འདོགས་དང་། །ལྐོག་ཏུ་གྱུར་པའི་དོན་ཅན་གྱི། །རྟོག་པ་གསུམ་སོགས་དབྱེ་ཚུལ་མང་། །གཞན་ཡང་ཐོས་བསམ་སྒོམ་གསུམ་གྱི། །རྟོག་པ་གསུམ་ཡོད་དོན་རིམ་བཞིན། །སྒྲ་སྤྱི་ཙམ་གྱིས་འཛིན་པ་དང་། །དོན་ལ་བསམས་ནས་ངེས་རྙེད་དང་། །བསམ་བྱུང་དོན་ལ་ཡང་ཡང་དུ། །འདྲིས་པའི་གོང་སའི་ཞེན་རིག་གོ །ཚད་མའི་གྲངས་ལ་མང་ཉུང་གི །ལོག་རྟོག་བྱུང་ཚུལ་འདི་ལྟ་སྟེ། །རྒྱང་འཕེན་པ་དང་གཅེར་བུ་པས། །མངོན་སུམ་ཚད་མ་གཅིག་ཙམ་འདོད། །གྲངས་ཅན་པ་ནི་མངོན་རྗེས་དང་། །སྒྲ་བྱུང་ཚད་མ་གསུམ་ཡིན་ཟེར། །རིགས་པ་ཅན་པས་དེ་གསུམ་སྟེང་། །དཔེ་ཉེར་འཇལ་དང་བཞི་རུ་འདོད། །རྒྱལ་དཔོག་པ་ནི་དེ་བཞི་དང་། །དོན་གྱི་གོ་བའི་ཚད་མ་དང་། །དངོས་པོ་མེད་པའི་ཚད་མ་དང་། །དྲུག་པོ་ཁོ་ནར་གྲངས་ངེས་ཟེར། །ཙ་རི་ཀ་པས་དེ་དྲུག་སྟེང་། །རིགས་པ་དང་ནི་མི་དམིགས་དང་། །ཞེས་གྲགས་པ་དང་སྲིད་པ་དང་། །སྙམ་སེམས་པ་ཡི་ཚད་མ་བཅས། །བཅུ་གཅིག་ཏུ་ནི་གྲངས་ངེས་ཟེར། །རང་ལུགས་མངོན་རྗེས་གཉིས་སུ་ངེས། །དེ་ལ་གསར་དུ་མི་སླུ་བའི། །རིག་པ་ཚད་མའི་མཚན་ཉིད་ཡིན། །དབྱེ་ན་མངོན་རྗེས་ཚད་མ་གཉིས། །གཞན་ཡང་རང་ལས་ངེས་པ་དང་། །གཞན་ལས་ངེས་ཀྱི་ཚད་མ་གཉིས། །སྒྲས་བརྗོད་སྒོ་ནས་སྐྱེས་བུ་དང་། །ངག་དང་ཤེས་པ་ཚད་མ་གསུམ། །རྟེན་རྟགས་ཡང་དག་ལ་བརྟེན་ནས། །ལྐོག་གྱུར་དོན་འཇལ་རྗེས་དཔག་སྟེ། །དབྱེ་ན་དངོས་སྟོབས་གྲགས་པའི་དང་། །ཡིད་ཆེས་རྗེས་དཔག་གསུམ་དུ་བཤད། །རྗེས་དཔག་རྗེས་དཔག་ཚད་མ་གཉིས། །དོན་གཅིག་ཏུ་ནི་ཤེས་པར་བྱ། །རང་གི་གཞལ་བྱའི་ཡུལ་སྟེང་དོན། །གྲུབ་པ་མེད་ན་མི་འབྱུང་བའི། །ངེས་པ་རང་དང་གཞན་སྟོབས་ཀྱིས། །འདྲེན་པའི་ཚད་མ་རང་ལས་དང་། །གཞན་ལས་ངེས་ཀྱི་ཚད་མ་ཡིན། །རང་རིག་རྣལ་འབྱོར་མངོན་སུམ་གྱི། །ཚད་མ་གཉིས་དང་རྗེས་དཔག་དང་། །དོན་བྱེད་སྣང་ཅན་གོམས་པ་ཅན། །གང་རུང་གྱུར་པའི་ཚད་མ་ལྔ། །རང་ལས་ངེས་ཀྱི་ཚད་མ་ཡིན། །གཞན་ལས་ངེས་ཀྱི་ཚད་མ་ལ། །སྒྲས་བརྗོད་སྒོ་ནས་དབྱེ་བ་ནི། །དང་པོ་བ་དང་ཡིད་མ་གཏད། །མངོན་སུམ་འཁྲུལ་རྒྱུ་ཅན་དང་གསུམ། །སྣང་བ་རང་དང་བདེན་པ་གཞན། །སྤྱིར་ནི་རང་དང་ཁྱད་པར་གཞན། །སྣང་བ་ཉིད་ཀྱང་གཞན་ངེས་ཀྱི། །ཚད་མ་གསུམ་སོགས་བཤད་མོད་ཀྱི། །དངོས་བརྟགས་ཁྱད་པར་ཕྱེ་བ་གཅེས། །གཞན་ལས་ངེས་ཀྱིས་ཚད་མ་ལ། །ཚད་མས་ཁྱབ་ཀྱང་ཆོས་དེ་ལ། །གཞན་ལས་ངེས་ཀྱི་ཚད་མ་ལ། །དེ་ལ་ཚད་མ་མ་ཡིན་པས། །ཁྱབ་པ་ལ་སོགས་ཞིབ་ཆ་དགོས། །ཡུལ་ལ་སྣང་གཟུང་ཞེན་འཇུག་བཞི། །སྣང་ཡུལ་གཟུང་ཡུལ་དོན་གཅིག་ཅིང་། །ཕྱི་རོལ་ཡུལ་ལ་མི་ལྟོས་པའི། །སྐྲ་ཤད་འཛག་སྣང་སོགས་མ་གཏོགས། །ཤེས་པ་ཀུན་ལ་སྣང་ཡུལ་ཡོད། །ཞེན་ཡུལ་རྟོག་པའི་སྒོས་ཆོས་ཏེ། །རྟོག་པ་དོན་མཐུན་ཀུན་ལ་ཡོད། །འཇུག་ཡུལ་ཚད་མས་བཅད་དོན་ཏེ། །ཚད་མ་དང་ནི་དེ་ལྡན་གྱི། །སྐྱེས་བུ་ཀུན་ལ་ཡོད་པ་ཡིན། །རྟོག་པའི་ཞེན་ཡུལ་རྟོག་པ་ལ། །སྣང་ཡང་དེ་ཡི་སྣང་ཡུལ་མིན། །དེ་བཞིན་དེ་ཡི་སྣང་ཡུལ་ནི། །ཞེན་ས་ཡིན་ཡང་ཞེན་ཡུལ་མིན། །དབང་མངོན་རྣམས་ལ་དམིགས་རྐྱེན་དང་། །བདག་རྐྱེན་དེ་མ་ཐག་རྐྱེན་གསུམ། །གཟུགས་འཛིན་དབང་པོའི་མངོན་སུམ་ལ། །རང་གི་རྣམ་པ་གཏོད་བྱེད་ཀྱི། །རྐྱེན་དེ་དེ་ཡི་དམིགས་རྐྱེན་ཡིན། །མཚན་གཞི་དཔེར་ན་གཟུགས་ལྟ་བུ། །དེ་འདྲའི་དབང་མངོན་རང་དབང་དུ། །སྐྱེད་བྱེད་རྐྱེན་དེ་བདག་རྐྱེན་ཏེ། །ཐུན་མོང་ཐུན་མོང་མ་ཡིན་པའི། །བདག་རྐྱེན་གཉིས་ཡོད་དང་པོ་ནི། །དེ་ཡི་བདག་རྐྱེན་ཡིད་དང་ནི། །གཉིས་པ་མིག་དབང་ལྟ་བུའོ། །དེ་འདྲའི་དབང་མངོན་གསལ་རིག་ཏུ། །སྐྱེད་པའི་རྐྱེན་ནི་གསུམ་པ་སྟེ། །དེ་ཡི་སྔ་ལོགས་དེ་མ་ཐག །བྱུང་བའི་ཡིད་ཤེས་ལྟ་བུའོ། །དེ་ཡིས་སྒྲ་འཛིན་སོགས་ལའང་འདྲ། །སེམས་ཙམ་ལུགས་ལ་བདག་རྐྱེན་དང་། །དེ་མ་ཐག་རྐྱེན་ཕལ་ཆེར་འདྲ། །དམིགས་རྐྱེན་ལ་ནི་དངོས་བཏགས་ཀྱི། །འཇོག་ཚུལ་མི་འདྲའི་ཁྱད་པར་ཡོད། །འདིར་བསྟན་ཡིད་མངོན་སྐྱེ་ཚུལ་ལ། །དབང་མངོན་སྐད་ཅིག་གཉིས་པ་ཕན། །ཡིད་མངོན་དང་ནི་དབང་ཡིད་གཉིས། །སྤེལ་མར་སྐྱེ་དང་འགྲོས་གསུམ་དང་། །རྒྱུན་གྱི་ཡིད་མངོན་འདོད་ཚུལ་རྣམས། །མི་འདོད་རང་ལུགས་དབང་མངོན་གྱི། །རྒྱུན་མཐའ་ཁོ་ནར་སྐྱེ་བར་བཞེད། །རྟོག་བཅས་རྟོག་མེད་ཁྱད་པར་ཡང་། །ཕལ་ཆེར་གོང་སྨོས་ཤེས་པར་ནུས། །དབང་ཤེས་དང་ནི་མངོན་སུམ་གཉིས། །རྟོག་མེད་ཤེས་པ་ཁོ་ན་ཡིན། །ཡིད་ཤེས་ལ་ནི་རྟོག་བཅས་དང་། །རྟོག་མེད་ཤེས་པ་གཉིས་སུ་ཡོད། །སེམས་དང་སེམས་ལས་བྱུང་བ་ནི། །སེམས་དང་ཡིད་དང་རྣམ་ཤེས་རྣམས། །དོན་གཅིག་མིང་གི་རྣམ་གྲངས་ཡིན། །དབྱེ་ན་མིག་གི་རྣམ་ཤེས་ནས། །ཡིད་ཀྱི་རྣམ་ཤེས་བར་དྲུག་ཡོད། །སེམས་བྱུང་ལྔ་བཅུ་རྩ་གཅིག་སྟེ། །ཀུན་འགྲོ་ལྔ་དང་ཡུལ་ངེས་ལྔ། །དགེ་བ་བཅུ་གཅིག་རྩ་ཉོན་དྲུག །ཉེ་ཉོན་ཉི་ཤུ་གཞན་འགྱུར་བཞིའོ། །ཚོར་བ་འདུ་ཤེས་སེམས་པ་དང་། །ཡིད་ལ་བྱེད་དང་རེག་པ་ལྔ། །གཙོ་སེམས་ཀུན་གྱི་འཁོར་དུ་ནི། །འགྲོ་ཕྱིར་ཀུན་འགྲོ་ཞེས་བྱའོ། །འདུན་པ་མོས་པ་དྲན་པ་དང་། །ཏིང་འཛིན་ཤེས་རབ་ལྔ་པོ་ཡུལ། །བྱེ་བྲག་པ་ལ་འཇུག་ངེས་ཕྱིར། །ཡུལ་ངེས་ཞེས་པར་བཤད་པ་ཡིན། །དད་དང་ངོ་ཚ་ཤེས་ཁྲེལ་ཡོད། །འདོད་ཆགས་དང་ནི་ཞེ་སྡང་དང་། །གཏི་མུག་མེད་པའི་དགེ་རྩ་གསུམ། །བརྩོན་འགྲུས་ཤིན་སྦྱངས་བག་ཡོད་དང་། །བཏང་སྙོམས་རྣམ་པར་མི་འཚེ་རྣམས། །གཉེན་པོ་ངོ་བོ་མཚུངས་ལྡན་སོགས། །ཅི་རིགས་སྒོ་ནས་དགེ་བའོ། །འདོད་ཆགས་ཁོང་ཁྲོ་ང་རྒྱལ་དང་། །མ་རིག་ཐེ་ཚོམ་ལྟ་བ་དྲུག །རྩ་ཉོན་ཡིན་ཏེ་སེམས་རྒྱུད་ནི། །ཉོན་མོངས་བྱེད་པའི་གཙོ་བོ་འོ། །ཁྲོ་བ་ཁོན་འཛིན་འཆབ་དང་འཚིག །ཕྲག་དོག་སེར་སྣ་སྒྱུ་དང་གཡོ། །རྒྱགས་དང་རྣམ་འཚེ་ངོ་ཚ་མེད། །ཁྲེལ་མེད་རྨུགས་རྒོད་མ་དད་དང་། །ལེ་ལོ་བག་མེད་བརྗེད་ངས་དང་། །ཤེས་བཞིན་མ་ཡིན་རྣམ་གཡེང་བཅས། །ཉི་ཤུ་རྩ་ཉོན་འཕེལ་སྐྱེ་དང་། །ཉེ་ཕྱིར་ཉེ་བའི་ཉོན་མོངས་སོ། །གཉིད་འགྱོད་རྟོག་དཔྱོད་གཞན་འགྱུར་ཏེ། །ཀུན་སློང་མཚུངས་ལྡན་ཅི་རིགས་ཀྱིས། །དགེ་དང་མི་དགེ་ལུང་མ་བསྟན། །གཞན་དང་གཞན་དུ་འགྱུར་བའོ། །མདོ་སྡེ་སྤྱོད་པའི་དབུ་མ་པ། །ཐལ་འགྱུར་བ་དང་བྱེ་སྨྲ་གསུམ། །མངོན་སུམ་ལ་ནི་དབང་ཡིད་དང་། །རྣལ་འབྱོར་མངོན་སུམ་གསུམ་འདོད་དེ། །རང་རིག་མངོན་སུམ་ཁས་མི་ལེན། །མདོ་སྡེ་པ་དང་སེམས་ཙམ་པ། །རྣལ་འབྱོར་སྤྱོད་པའི་དབུ་མ་པས། །དབང་མངོན་ཡིད་མངོན་རང་རིག་དང་། །རྣལ་འབྱོར་མངོན་སུམ་བཞིར་བཞེད་དོ། །འདིར་ནི་མང་དུ་དོགས་པའི་ཕྱིར། །ཕལ་ཆེར་རྐང་གྲངས་ཙམ་ཞིག་བསྟན། །སོ་སོའི་མཚན་གཞི་གོ་དོན་སོགས། །སྤྱི་དོན་རིགས་རྒྱན་སོགས་ལ་ལྟོས།། །།
སྨྲས་པ། །བློ་གྲོས་ཞིབ་མོས་བླང་དོར་གྱི། །བློ་ཡི་སྤུ་རིས་འབྱེད་པའི་ཕྱིར། །བློ་རིག་སྡོམ་ཚིག་མདོར་བསྡུས་འདི། །བློ་བཟང་མིང་ཅན་ཞིག་གིས་བཀོད། །འདིར་འབད་དགེ་བས་འགྲོ་བ་ཀུན། །ལེགས་ཉེས་ལྟ་བའི་མིག་ཕྱེ་ནས། །མ་ནོར་ལམ་བཟང་མཐར་ཕྱིན་ཏེ། །ཀུན་མཁྱེན་གོ་འཕང་མྱུར་ཐོབ་ཤོག །ཚུལ་འདི་ལྷག་བསམ་དགེ་བ་ཅན། །དགེ་སློང་ངག་དབང་བཟོད་པ་ཡིས། །མཐུན་རྐྱེན་སྦྱར་ཏེ་པར་དུ་བསྒྲུབས། །འདིས་མཚོན་དུས་གསུམ་དགེ་བའི་མཐུས། །ཚེ་འདིའི་ཕ་མས་ཐོག་དྲངས་པའི། །མཁའ་མཉམ་འགྲོ་བ་མ་ལུས་པ། །དལ་འབྱོར་རྟེན་བཟང་རིམ་བརྒྱུད་ནས། །སྐུ་གསུམ་གོ་འཕང་མྱུར་ཐོབ་ཤོག།། །།
Tuesday, 28 July 2015
གཉིས་པ་བདག་གཅེས་འཛིན་གྱི་སྐྱོན་སྒོ་དུ་མ་ནས་བསམ་པ།
གཉིས་པ་བདག་གཅེས་འཛིན་གྱི་སྐྱོན་སྒོ་དུ་མ་ནས་བསམ་པ་ནི།
བླ་མཆོད་ལས།
རང་ཉིད་གཅེས་པར་འཛིན་པའི་གཅོང་ནད་འདི། །
མི་འདོད་སྡུག་བསྔལ་བསྐྱེད་པའི་རྒྱུར་མཐོང་ནས། །
སོགས་དང༌། སྤྱོད་འཇུག་ལས།
འཇིག་རྟེན་སྡུག་བསྔལ་ཇི་སྙེད་པ། །
དེ་ཀུན་བདག་བདེ་འདོད་ལས་བྱུང༌། །
ཞེས་དང༌།
འཇིག་རྟེན་དག་ན་འཚེ་བ་གང་ཡོད་དང༌། །
འཇིགས་དང་སྡུག་བསྔལ་ཇི་སྙེད་ཡོད་གྱུར་པ། །
དེ་ཀུན་བདག་ཏུ་འཛིན་པ་ལས་བྱུང་ན། །
འདྲེ་ཆེན་དེས་ཀོ་བདག་ལ་ཅི་ཞིག་བྱ། །
ཞེས་དང༌། འདིའི་རྩ་ཚིག་ལས་ཀྱང༌།
ལེ་ལན་ཐམས་ཅད་གཅིག་ལ་བདའ། །
ཞེས་པ་ལྟར་རང་ལ་མི་འདོད་པ་གང་བྱུང་བ་ཐམས་ཅད་རང་གཅེས་འཛིན་ལས་བྱུང་བ་ཡིན་ཏེ། མཚོན་དང༌། དུག་དང༌། ལྷ་ཀླུ་སོགས་མི་མ་ཡིན་གྱི་གནོད་པ་དང༌། དམྱལ་བ་ཡི་དྭགས་དུད་འགྲོ་སོགས་སུ་སྐྱེ་བའང་རང་བདེ་ཐབས་ཀྱི་ཁེ་ཞིག་ཐོབ་པའི་རེ་བ་བྱས་ནས་གཞན་གྱི་སྲོག་བཅད་པ་དང༌། སེར་སྣ་བྱས་པ་དང༌། གཞན་ཁྱད་དུ་བསད་པ་སོགས་ཀྱི་སྐྱོན་ཡིན། དེ་བཞིན་དུ་ད་ལྟ་རླུང་མཁྲིས་བད་ཀན་སོགས་ན་ཚ༑ དགྲའི་འཇིགས་པ་དང༌། གྱོད་ཁ་མཆུ། དཔོན་པོའ་ིཁྲིམས་ཀྱི་འཇིགས་པ་སོགས་ཐམས་ཅད་རང་གཅེས་པར་བཟུང་ནས་ཟས་ཀྱི་ཚོད་མ་ཟིན་པ་སོགས་དང༌། ལྟོ་གོས་གཏམ་གསུམ་བློས་མ་ཐོངས་པ་དང༌། ནད་མ་ཐེག་པའི་སྐྱོན་ཁོ་ན་ཡིན་ཞིང༌། མཐོ་ས་ནས་འཇིག་རྟེན་གྱི་རྒྱལ་བློན་དང་རྒྱལ་ཁབ་ཕན་ཚུན་འཐབ་པ་ནས་བཟུང་སྟེ། དམའ་ས་ནས་འབངས་མི་ཁྱིམ་སོགས་མི་མཐུན་པ་དང༌། གྲྭ་རྐྱང་ཕན་ཚུན་འཐབ་པ་ཚུན་རང་གཅེས་པར་བཟུང་བའི་སྐྱོན་ཏེ། གཅེས་འཛིན་མ་བྱས་པར། ང་ལ་ཁྱད་པར་མེད་ཁྱོད་གང་དགའ་གྱིས་ཟེར་བ་ཞིག་བྱུང་ན། སྔ་མའི་སྐྱོན་དེ་དག་ཐམས་ཅད་མི་འབྱུང༌། རྐུན་མ། ཇག་པ། ཐ་ན་བྱི་བས་རྩམ་ཁུག་ལ་བུ་ག་ཕུག་ནས་མི་བདེ་བ་བྱུང་བ་ཚུན་ཀྱང་རང་གཅེས་འཛིན་གྱིས་བྱས། དུག་གིས་ཤི་བ་དང་། ཟས་མ་འཕྲོད་ནས་ཤི་བའང་རང་གཅེས་པར་བཟུང་ནས་ཟས་མི་ཟ་དགུ་ཟ་མང་པོ་ཞིག་ཟོས་པ་ལས་བྱུང་ཕྱིར་དུག་གིས་བསད་པ་མིན་གྱི། རང་གཅེས་འཛིན་གྱིས་བསད་པ་ཡིན། ད་རེས་ཕར་གང་ཡང་མ་བྱས་པར་རྐུན་ཁག་བྱུང་བ་ལྟ་བུ་ཡང་རང་གཅེས་འཛིན་གྱིས་གཞན་ལ་གནོད་པ་བསྐྱལ་བའི་འབྲས་བུ་ཡིན། དེར་མ་ཟད། མཐོ་རིས་དང་ཐར་པའི་སྲོག་གཅོད་པའི་བཤན་པ་ལྟ་བུ། དུག་གསུམ་གྱི་རྐྱལ་བ་ཁུར་ནས་དགེ་བའི་ལོ་ཏོག་བརྐུ་བའི་ཆོམ་རྐུན་ལྟ་བུ། མ་རིག་པའི་ཞིང་ས་ལ་ལས་ངན་པའི་ས་བོན་བཏབ་ནས་འཁོར་བའི་ལོ་ཏོག་འགྲུབ་པར་བྱེད་པའི་སོ་ནམ་མཁན་ལྟ་བུ། མདའ་མདུང་གྲི་ཁ་འཐབ་པའི་དཀྱིལ་ཚུན་ནས་ཁེ་ཞིག་ཐོབ་ཏུ་རེ་བའི་བརྣབ་སེམས་མཁན། གྱོང་འདུག་ན་བླ་མ་མཁན་པོ་ཕ་མ་ཚུན་གྱི་ཐོག་ཏུའང་གཡུག་ཕོད་པའི་ཁྲེལ་མེད་གཞུང་ངན་པོ། ཐོག་མེད་ནས་ལེགས་པའི་ཡོན་ཏན་གང་གིའང་དོན་མ་གྲུབ་པའི་སྒྲེན་མོ་ལག་སྟོང་ཅན། རེ་དོགས་མེད་པ་ལ་རེ་དོགས་བྱེད་མཁན། མཐོ་མཉམ་དམན་གསུམ་ལ་ཕྲག་དོག །འགྲན་སེམས། ཁྱད་གསོད་བྱེད་ཅིང༌། བསྟོད་ན་དྲེགས་ཤིང་སྨད་ན་ཁྲོ་བ། འཇིག་རྟེན་གྱི་མི་ལེགས་པ་ཐམས་ཅད་འགུགས་མཁན། མི་དགེ་ཐམས་ཅད་ཀྱི་འབྱུང་ཁུངས། ཐོག་མེད་ནས་རང་ཉིད་སྡུག་བསྔལ་ལ་སྦྱོར་མཁན་ཕུང་བྱེད་འུག་པའི་མགོ་ཅན་དང་འདྲ་བའང་རང་གཅེས་འཛིན་ཡིན་པས། གཏད་རང་གི་སྙིང་དབུས་སུ་ཡོད་པ་ལ། བསྐུལ་དང་གཏོར་མ་བརྒྱག་ན་འདི་ཐོག་ཏུ་བརྒྱག་དགོས་པ་ལས། ངེད་ཚོས་གཏོར་བརྒྱག་གི་སྐབས་དགྲ་ཨམ་ཞིག་ཡིན་ཟེར་ནས་མ་རྒན་སེམས་ཅན་གྱི་སྟེང་དུ་གཏོར་རྒྱག་བྱེད་པ་གོ་ནོར་བ་རེད།
Monday, 27 July 2015
སྣང་ལ་མ་ངེས།
༄༅། །བློ་སྡོམ་གསལ་བའི་མེ་ལོང་ཞེས་བྱ་བ་བཞུགས་སོ། །
༄༅། །ན་མོ་མཉྫུ་ཤྲཱི་ཡེ། །བློ་རིག་རྣམ་གཞག་བཤད་པ་ལ། །ཡུལ་ཅན་བློ་དང་ཡུལ་གཉིས་ལས། །སྤྱིར་ན་ཡུལ་ཅན་གྱི་མཚན་ཉིད། །རང་ཡུལ་ཅི་རིགས་ལྡན་པ་ཡི། །དངོས་པོ་དེ་ཡིན་དབྱེ་བ་ནི། །གཟུགས་ཤེས་ལྡན་མིན་འདུ་བྱེད་གསུམ། །བརྗོད་བྱེད་སྒྲ་ཀུན་དང་པོ་དང་། །ཤེས་པ་ཐམས་ཅད་གཉིས་པ་དང་། །གང་ཟག་མཐའ་དག་གསུམ་པ་ཡིན། །བློ་ལ་མཚན་ཉིད་རྣམ་གྲངས་དང་། །དབྱེ་བ་གསུམ་ལས་དང་པོ་ནི། །རིག་པ་བློ་ཡི་མཚན་ཉིད་ཡིན། །བློ་དང་ཤེས་པ་རིག་པ་དང་། །གསལ་བ་རྣམས་ནི་དོན་གཅིག་ཡིན། །དབྱེ་ན་རྣམ་པ་མང་ཡོད་དེ། །རྟོགས་པའི་བློ་དང་མ་རྟོགས་བློ། །བློ་རིག་བདུན་དུ་དབྱེ་བ་དང་། །ཚད་མ་དང་ནི་ཚད་མིན་དང་། །རྟོག་བཅས་རྟོག་མེད་བློ་གཉིས་དང་། །མངོན་སུམ་དང་ནི་རྗེས་དཔག་དང་། །སེམས་དང་སེམས་བྱུང་གཉིས་སོགས་མང་། །རང་ཡུལ་རྟོགས་དང་མ་རྟོགས་ལ། །རྟོགས་དང་མ་རྟོགས་བློ་ཞེས་བྱ། །བློ་རིགས་བདུན་ལས་མངོན་རྗེས་དང་། །བཅད་ཤེས་གསུམ་པོ་རྟོགས་པའི་བློ། །གཞན་བཞི་མ་རྟོགས་བློ་ཡིན་ལ། །དེ་ཡང་མཁས་པ་ཁ་ཅིག་གིས། །ཡིད་དཔྱོད་རྟོགས་བློར་གསུངས་པ་ནི། །ཡིད་དཔྱོད་ཙམ་གྱིས་རྟོགས་ལ་དགོངས། །རྟོགས་ལ་དངོས་རྟོགས་ཤུགས་རྟོགས་གཉིས། །རྣམ་པ་ཤར་དང་མ་ཤར་བར། །ཡུལ་དེ་རྟོགས་ལ་རིམ་བཞིན་འདོད། །སྡེ་བདུན་ཡིད་ཀྱི་མུན་སེལ་ལས། །སྤྱིར་བཏང་ཚད་མས་དངོས་ཤུགས་དང་། །མངོན་སུམ་དང་ནི་རྗེས་དཔག་གིས། །དངོས་རྟོགས་ཤུགས་རྟོགས་གསུངས་པ་དེ། །དང་པོ་གོ་ཐོབ་རིག་པ་དང་། །གཉིས་པ་མདོ་སྡེ་པ་ཡི་ལུགས། །ཡང་ན་ཕྱི་མ་གཉིས་པོ་ནི། །མངོན་རྗེས་བྱེ་བྲག་པ་ལ་དགོངས། །ཚད་མིན་བློ་ཡི་དངོས་ཤུགས་ཀྱིས། །རྟོགས་ཚུལ་གསུངས་པའང་དེས་རིགས་འགྲེ། །བློ་རིག་བདུན་དུ་དབྱེ་བ་ནི། །ཡིད་དཔྱོད་སྣང་ལ་མ་ངེས་པ། །བཅད་ཤེས་ལོག་ཤེས་ཐེ་ཚོམ་དང་། །མངོན་སུམ་རྗེས་དཔག་དང་བཅས་བདུན། །དེ་ཡང་རང་ཡུལ་བདེན་པ་ལ། །གསར་དུ་ཞེན་པའི་ཚད་མིན་བློ། །ཡིད་དཔྱོད་ཀྱི་ནི་མཚན་ཉིད་ཡིན། །དབྱེ་ན་རྒྱུ་མཚན་མེད་པ་དང་། །དེ་བཞིན་རྒྱུ་མཚན་འགལ་བ་དང་། །མ་ངེས་པ་དང་མ་གྲུབ་དང་། །ཡོད་ཀྱང་གཏན་ལ་མ་ཕབ་པའི། །ཡིད་དཔྱོད་དང་བཅས་རྣམ་པ་ལྔ། །མཚན་གཞི་གོ་རིམ་བཞིན་དུ་སྒྲ། །མི་རྟག་ཅེས་པའི་ངག་ཙམ་ལས། །སྒྲ་མི་རྟག་པར་འཛིན་པའི་བློ། །དེ་བཞིན་དུ་ནི་དེ་སྒྲུབ་ཀྱི། །འགལ་དང་མ་ངེས་མ་གྲུབ་པའི། །རྟགས་ལས་དེ་ལྟར་འཛིན་པ་དང་། །བྱས་པའི་རྟགས་ལ་བརྟེན་ནས་སྒྲ། །མི་རྟག་པ་རུ་འཛིན་པ་ཡི། །ཡིད་དཔྱོད་ལྟ་བུ་ཡིན་ཞེས་གསུངས། །བསྡུས་ན་གཉིས་ཏེ་དང་པོ་ནི། །རྒྱུ་མཚན་མེད་པའི་ཡིད་དཔྱོད་དང་། །ཡིད་དཔྱོད་ཕྱི་མ་བཞི་པོ་ནི། །རྒྱུ་མཚན་ཅན་གྱི་ཡིད་དཔྱོད་དོ། །ཐོས་བྱུང་ཙམ་གྱི་གོ་བ་ནི། །ཕལ་ཆེར་ཡིད་དཔྱོད་ཡིན་པས་ན། །དེ་རྒྱུན་བརྟན་པོ་མིན་ཞེས་གསུངས། །སྣང་ལ་མ་ངེས་པ་ཡི་བློ། །རང་གི་འཇུག་ཡུལ་རང་མཚན་ནི། །གསལ་བར་སྣང་ཡང་མ་ངེས་པའོ། །དབྱེ་ན་གསུམ་སྟེ་དེར་གྱུར་པའི། །དབང་མངོན་ཡིད་མངོན་རང་རིག་གསུམ། །དེ་ལ་རྣལ་འབྱོར་མངོན་སུམ་ནི། །གང་སྣང་ཐམས་ཅད་ངེས་པས་ན། །སྣང་ལ་མ་ངེས་པ་མེད་དོ། །དེ་འདྲའི་དབང་མངོན་ལ་ཡང་ལྔ། །ཡིད་ནི་གཞན་དུ་ཕྱོགས་དུས་ཀྱི། །སོ་སྐྱེའི་གཟུགས་འཛིན་དབང་མངོན་ནས། །རེག་འཛིན་དབང་མངོན་བར་ལྔ་འམ། །སོ་སྐྱེའི་རྒྱུད་ཀྱི་དབང་མངོན་ལྔའི། །སྐད་ཅིག་ཐ་མ་ལྟ་བུའོ། །སོ་སྐྱེའི་དུས་མཐའ་སྐད་ཅིག་མའི། །ཡིད་མངོན་དང་ནི་རང་རིག་ཀུན། །སྣང་ལ་མ་ངེས་པ་ཡིན་ལ། །འཕགས་པའི་འདིར་བསྟན་ཡིད་མངོན་ནི། །ཚད་མར་རིགས་པའི་རྒྱན་ལས་གསུངས། །དེ་འདྲའི་རང་རིག་མངོན་སུམ་ནི། །རྒྱང་འཕེན་པ་དང་གཅེར་བུ་པའི། །རྒྱུད་ཀྱི་རྗེས་དཔག་ཚད་མ་དང་། །ལོག་པའི་ཤེས་པ་ལ་སོགས་པ། །ཉམས་སུ་མྱོང་བའི་རང་རིག་དང་། །རང་སྡེ་བྱེ་བྲག་སྨྲ་བ་ཡི། །རྒྱུད་ཀྱི་རང་རིག་ལྟ་བུ་དང་། །སོ་སྐྱེའི་རྒྱུད་ཀྱི་རང་རིག་གི །སྐད་ཅིག་ཐ་མ་ལྟ་བུ་མང་། །རྟོགས་ཟིན་རྟོགས་པའི་ཚད་མིན་གྱི། །རིག་པ་བཅད་ཤེས་ཀྱི་མཚན་ཉིད། །དབྱེ་ན་མངོན་སུམ་རྗེས་དཔག་གི །རྒྱུན་དུ་གྱུར་པའི་བཅད་ཤེས་དང་། །དེ་གཉིས་གང་རུང་མ་ཡིན་པའི། །བཅད་ཤེས་དང་བཅས་གསུམ་དུ་ཡོད། །དང་པོ་ལ་ཡང་དབང་ཡིད་དང་། །རང་རིག་རྣལ་འབྱོར་མངོན་སུམ་གྱི། །བཅད་ཤེས་ལ་སོགས་དུ་མ་ཡོད། །རིམ་བཞིན་དབང་མངོན་ལྔ་པོ་དང་། །གཞན་སེམས་ཤེས་པའི་མངོན་ཤེས་དང་། །རྒྱུན་དང་ལྡན་པའི་རང་རིག་དང་། །སློབ་པའི་རྣལ་འབྱོར་མངོན་སུམ་གྱི། །སྐད་ཅིག་གཉིས་པ་ལྟ་བུའོ། །མངོན་སུམ་སྐད་ཅིག་གཉིས་པ་ནི། །དེ་བཞི་གང་རུང་མ་ཡིན་པའི། །བཅད་ཤེས་སུ་ནི་འཇོག་ཀྱང་རུང་། །གཉིས་པ་རྗེས་དཔག་ཚད་མ་ཡི། །སྐད་ཅིག་གཉིས་པ་ལྟ་བུ་ཡིན། །གསུམ་པ་མངོན་རྗེས་སོ་སོ་ཡིས། །དྲངས་པའི་ངེས་ཤེས་ལྟ་བུ་དང་། །ཚད་མ་སྐད་ཅིག་གཉིས་པ་བཞིན། །བསྡུ་ན་རྟོག་པ་བཅད་ཤེས་དང་། །རྟོག་མེད་བཅད་ཤེས་གཉིས་སུ་འདུས། །ལོག་ཤེས་མཚན་ཉིད་རང་གི་ཡུལ། །ཕྱིན་ཅི་ལོག་ཏུ་འཛིན་པའི་བློའོ། །དབྱེ་ན་རྟོག་པ་ལོག་ཤེས་དང་། །རྟོག་མེད་ལོག་ཤེས་གཉིས་སུ་ཡོད། །རང་གི་ཞེན་ཡུལ་ལ་འཁྲུལ་བའི། །ཞེན་རིག་དང་པོའི་མཚན་ཉིད་དང་། །རང་གི་འཛིན་སྟངས་ལ་འཁྲུལ་བའི། །གསལ་སྣང་ཅན་གྱི་རིག་པ་དེ། །རྟོག་མེད་ལོག་ཤེས་ཀྱི་མཚན་ཉིད། །དང་པོ་ཆོས་དང་གང་ཟག་གི །བདག་འཛིན་རྣམ་གཉིས་ལྟ་བུ་དང་། །གངས་རི་སྔོན་པོར་སྣང་བ་ཡི། །དབང་ཤེས་ལྟ་བུ་གཉིས་པ་ཡིན། །ཚད་མ་ཡིད་ཀྱི་མུན་སེལ་ལས། །ལོག་རྟོག་རྟོག་པ་ལོག་ཤེས་དང་། །སྒྲོ་འདོགས་གསུམ་པོ་དོན་གཅིག་དང་། །དོན་མི་འགྱུར་གྱི་ཐེ་ཚོམ་ཡང་། །རྟོག་པ་ལོག་ཤེས་ཡིན་པར་གསུངས། །རང་གི་ཡུལ་ལ་མཐའ་གཉིས་སུ། །དོགས་པའི་སེམས་བྱུང་ཐེ་ཚོམ་སྟེ། །དོན་འགྱུར་མི་འགྱུར་ཆ་མཉམ་པའི། །ཐེ་ཚོམ་གསུམ་ཡོད་རིམ་པ་བཞིན། །སྒྲ་མི་རྟག་གམ་སྙམ་པ་དང་། །དེ་བཞིན་རྟག་གམ་སྙམ་པ་དང་། །རྟག་གམ་མི་རྟག་སྙམ་པའི་བློའོ། །ཐེ་ཚོམ་ལ་ནི་རྩ་ཉོན་གྱིས། །ཁྱབ་པར་བཞེད་དང་ཉོན་མོངས་ཅན། །ཡིན་མིན་གཉིས་སུ་ཕྱེ་བའང་ཡོད། །རང་མཚན་དང་ནི་སྤྱི་མཚན་ཉིད། །རིམ་བཞིན་སྣང་ཡུལ་བྱེད་པའི་བློ། །མངོན་སུམ་དང་ནི་རྟོག་པ་འོ། །དེ་ཡང་རྟོག་བྲལ་མ་འཁྲུལ་བའི། །རིག་པ་མངོན་སུམ་གྱི་མཚན་ཉིད། །དབྱེ་ན་དབང་མངོན་ཡིད་མངོན་དང་། །རང་རིག་རྣལ་འབྱོར་མངོན་སུམ་བཞི། །འཁྲུལ་རྒྱུ་བཞི་སྟེ་རྟེན་དང་ཡུལ། །གནས་དང་དེ་མ་ཐག་རྐྱེན་ལའོ། །བདག་རྐྱེན་དབང་པོ་གཟུགས་ཅན་ལས། །བྱུང་བའི་མངོན་སུམ་དབང་མངོན་ཏེ། །དེ་ལ་གཟུགས་འཛིན་དབང་མངོན་ནས། །རེག་བྱ་འཛིན་པའི་དབང་མངོན་བར། །ལྔ་ཡོད་དེ་རྣམས་རེ་རེ་ལའང་། །ཚད་མ་དང་ནི་བཅད་ཤེས་དང་། །སྣང་ལ་མ་ངེས་པ་གསུམ་ཡོད། །བདག་རྐྱེན་ཡིད་དབང་ལ་བརྟེན་ནས། །བྱུང་བའི་མངོན་སུམ་ཡིད་མངོན་ཏེ། །གཟུགས་འཛིན་ཡིད་མངོན་སོགས་ལྔ་ཡོད། །རྟོག་པ་དང་བྲལ་མ་འཁྲུལ་བའི། །འཛིན་རྣམ་རང་རིག་མངོན་སུམ་སྟེ། །དེ་གཉིས་ལ་ཡང་གོང་ལྟར་དུ། །ཚད་མ་ལ་སོགས་གསུམ་གསུམ་བཤད། །དེ་ལ་རྣལ་འབྱོར་མངོན་སུམ་ནི། །བདག་རྐྱེན་ཞི་ལྷག་ཟུང་འབྲེལ་གྱི། །ཏིང་འཛིན་བསྒོམས་སྟོབས་ལས་བྱུང་བའི། །འཕགས་པའི་རྒྱུད་ཀྱི་མངོན་སུམ་ཡིན། །རྟེན་གྱི་སྒོ་ནས་དབྱེ་ན་ནི། །ཉན་རང་ཐེག་ཆེན་འཕགས་པའི་གསུམ། །ངོ་བོའི་སྒོ་ནས་རེ་རེ་ལའང་། །མཐོང་སྒོམ་མི་སློབ་ལམ་དང་གསུམ། །ཡུལ་གྱི་སྒོ་ནས་གཉིས་ཡིན་ཏེ། །ཇི་ལྟ་ཇི་སྙེད་མཁྱེན་པ་འོ། །ལྡོག་ཕྱོགས་མངོན་སུམ་ལྟར་སྣང་ནི། །འཁྲུལ་དང་ཀུན་རྫོབ་ཤེས་པ་དང་། །རྗེས་དཔག་རྗེས་སུ་དཔག་ལས་བྱུང་། །དྲན་དང་མངོན་འདོད་ཅེས་བྱ་འོ། །མངོན་སུམ་ལྟར་སྣང་རབ་རིབ་བཅས། །ཞེས་གསུངས་དང་པོ་དྲུག་པོ་ནི། །རྟོག་པ་མངོན་སུམ་ལྟར་སྣང་དང་། །ཐ་མ་རབ་རིབ་ཅན་གྱི་བློ། །རྟོག་མེད་མངོན་སུམ་ལྟར་སྣང་སྟེ། །གོ་དོན་རིགས་རྒྱན་སོགས་སུ་ལྟོས། །རྟོག་མེད་མངོན་སུམ་ལྟར་སྣང་དང་། །མེད་པ་གསལ་སྣང་ཅན་གྱི་བློ། །རྟོག་མེད་ལོག་ཤེས་དོན་གཅིག་གོ །དེ་ཡང་སྒྲ་དོན་འདྲེས་རུང་དུ། །འཛིན་པའི་ཞེན་རིག་རྟོག་པ་སྟེ། །དབྱེ་བ་རྟོག་པ་དོན་མཐུན་དང་། །རྟོག་པ་དོན་མི་མཐུན་དང་གཉིས། །མིང་སྦྱོར་དོན་སྦྱོར་རྟོག་པ་གཉིས། །བརྡ་རྟེན་ཅན་གྱི་རྟོག་པ་དང་། །དོན་གཞན་ལ་ནི་སྒྲོ་འདོགས་དང་། །ལྐོག་ཏུ་གྱུར་པའི་དོན་ཅན་གྱི། །རྟོག་པ་གསུམ་སོགས་དབྱེ་ཚུལ་མང་། །གཞན་ཡང་ཐོས་བསམ་སྒོམ་གསུམ་གྱི། །རྟོག་པ་གསུམ་ཡོད་དོན་རིམ་བཞིན། །སྒྲ་སྤྱི་ཙམ་གྱིས་འཛིན་པ་དང་། །དོན་ལ་བསམས་ནས་ངེས་རྙེད་དང་། །བསམ་བྱུང་དོན་ལ་ཡང་ཡང་དུ། །འདྲིས་པའི་གོང་སའི་ཞེན་རིག་གོ །ཚད་མའི་གྲངས་ལ་མང་ཉུང་གི །ལོག་རྟོག་བྱུང་ཚུལ་འདི་ལྟ་སྟེ། །རྒྱང་འཕེན་པ་དང་གཅེར་བུ་པས། །མངོན་སུམ་ཚད་མ་གཅིག་ཙམ་འདོད། །གྲངས་ཅན་པ་ནི་མངོན་རྗེས་དང་། །སྒྲ་བྱུང་ཚད་མ་གསུམ་ཡིན་ཟེར། །རིགས་པ་ཅན་པས་དེ་གསུམ་སྟེང་། །དཔེ་ཉེར་འཇལ་དང་བཞི་རུ་འདོད། །རྒྱལ་དཔོག་པ་ནི་དེ་བཞི་དང་། །དོན་གྱི་གོ་བའི་ཚད་མ་དང་། །དངོས་པོ་མེད་པའི་ཚད་མ་དང་། །དྲུག་པོ་ཁོ་ནར་གྲངས་ངེས་ཟེར། །ཙ་རི་ཀ་པས་དེ་དྲུག་སྟེང་། །རིགས་པ་དང་ནི་མི་དམིགས་དང་། །ཞེས་གྲགས་པ་དང་སྲིད་པ་དང་། །སྙམ་སེམས་པ་ཡི་ཚད་མ་བཅས། །བཅུ་གཅིག་ཏུ་ནི་གྲངས་ངེས་ཟེར། །རང་ལུགས་མངོན་རྗེས་གཉིས་སུ་ངེས། །དེ་ལ་གསར་དུ་མི་སླུ་བའི། །རིག་པ་ཚད་མའི་མཚན་ཉིད་ཡིན། །དབྱེ་ན་མངོན་རྗེས་ཚད་མ་གཉིས། །གཞན་ཡང་རང་ལས་ངེས་པ་དང་། །གཞན་ལས་ངེས་ཀྱི་ཚད་མ་གཉིས། །སྒྲས་བརྗོད་སྒོ་ནས་སྐྱེས་བུ་དང་། །ངག་དང་ཤེས་པ་ཚད་མ་གསུམ། །རྟེན་རྟགས་ཡང་དག་ལ་བརྟེན་ནས། །ལྐོག་གྱུར་དོན་འཇལ་རྗེས་དཔག་སྟེ། །དབྱེ་ན་དངོས་སྟོབས་གྲགས་པའི་དང་། །ཡིད་ཆེས་རྗེས་དཔག་གསུམ་དུ་བཤད། །རྗེས་དཔག་རྗེས་དཔག་ཚད་མ་གཉིས། །དོན་གཅིག་ཏུ་ནི་ཤེས་པར་བྱ། །རང་གི་གཞལ་བྱའི་ཡུལ་སྟེང་དོན། །གྲུབ་པ་མེད་ན་མི་འབྱུང་བའི། །ངེས་པ་རང་དང་གཞན་སྟོབས་ཀྱིས། །འདྲེན་པའི་ཚད་མ་རང་ལས་དང་། །གཞན་ལས་ངེས་ཀྱི་ཚད་མ་ཡིན། །རང་རིག་རྣལ་འབྱོར་མངོན་སུམ་གྱི། །ཚད་མ་གཉིས་དང་རྗེས་དཔག་དང་། །དོན་བྱེད་སྣང་ཅན་གོམས་པ་ཅན། །གང་རུང་གྱུར་པའི་ཚད་མ་ལྔ། །རང་ལས་ངེས་ཀྱི་ཚད་མ་ཡིན། །གཞན་ལས་ངེས་ཀྱི་ཚད་མ་ལ། །སྒྲས་བརྗོད་སྒོ་ནས་དབྱེ་བ་ནི། །དང་པོ་བ་དང་ཡིད་མ་གཏད། །མངོན་སུམ་འཁྲུལ་རྒྱུ་ཅན་དང་གསུམ། །སྣང་བ་རང་དང་བདེན་པ་གཞན། །སྤྱིར་ནི་རང་དང་ཁྱད་པར་གཞན། །སྣང་བ་ཉིད་ཀྱང་གཞན་ངེས་ཀྱི། །ཚད་མ་གསུམ་སོགས་བཤད་མོད་ཀྱི། །དངོས་བརྟགས་ཁྱད་པར་ཕྱེ་བ་གཅེས། །གཞན་ལས་ངེས་ཀྱིས་ཚད་མ་ལ། །ཚད་མས་ཁྱབ་ཀྱང་ཆོས་དེ་ལ། །གཞན་ལས་ངེས་ཀྱི་ཚད་མ་ལ། །དེ་ལ་ཚད་མ་མ་ཡིན་པས། །ཁྱབ་པ་ལ་སོགས་ཞིབ་ཆ་དགོས། །ཡུལ་ལ་སྣང་གཟུང་ཞེན་འཇུག་བཞི། །སྣང་ཡུལ་གཟུང་ཡུལ་དོན་གཅིག་ཅིང་། །ཕྱི་རོལ་ཡུལ་ལ་མི་ལྟོས་པའི། །སྐྲ་ཤད་འཛག་སྣང་སོགས་མ་གཏོགས། །ཤེས་པ་ཀུན་ལ་སྣང་ཡུལ་ཡོད། །ཞེན་ཡུལ་རྟོག་པའི་སྒོས་ཆོས་ཏེ། །རྟོག་པ་དོན་མཐུན་ཀུན་ལ་ཡོད། །འཇུག་ཡུལ་ཚད་མས་བཅད་དོན་ཏེ། །ཚད་མ་དང་ནི་དེ་ལྡན་གྱི། །སྐྱེས་བུ་ཀུན་ལ་ཡོད་པ་ཡིན། །རྟོག་པའི་ཞེན་ཡུལ་རྟོག་པ་ལ། །སྣང་ཡང་དེ་ཡི་སྣང་ཡུལ་མིན། །དེ་བཞིན་དེ་ཡི་སྣང་ཡུལ་ནི། །ཞེན་ས་ཡིན་ཡང་ཞེན་ཡུལ་མིན། །དབང་མངོན་རྣམས་ལ་དམིགས་རྐྱེན་དང་། །བདག་རྐྱེན་དེ་མ་ཐག་རྐྱེན་གསུམ། །གཟུགས་འཛིན་དབང་པོའི་མངོན་སུམ་ལ། །རང་གི་རྣམ་པ་གཏོད་བྱེད་ཀྱི། །རྐྱེན་དེ་དེ་ཡི་དམིགས་རྐྱེན་ཡིན། །མཚན་གཞི་དཔེར་ན་གཟུགས་ལྟ་བུ། །དེ་འདྲའི་དབང་མངོན་རང་དབང་དུ། །སྐྱེད་བྱེད་རྐྱེན་དེ་བདག་རྐྱེན་ཏེ། །ཐུན་མོང་ཐུན་མོང་མ་ཡིན་པའི། །བདག་རྐྱེན་གཉིས་ཡོད་དང་པོ་ནི། །དེ་ཡི་བདག་རྐྱེན་ཡིད་དང་ནི། །གཉིས་པ་མིག་དབང་ལྟ་བུའོ། །དེ་འདྲའི་དབང་མངོན་གསལ་རིག་ཏུ། །སྐྱེད་པའི་རྐྱེན་ནི་གསུམ་པ་སྟེ། །དེ་ཡི་སྔ་ལོགས་དེ་མ་ཐག །བྱུང་བའི་ཡིད་ཤེས་ལྟ་བུའོ། །དེ་ཡིས་སྒྲ་འཛིན་སོགས་ལའང་འདྲ། །སེམས་ཙམ་ལུགས་ལ་བདག་རྐྱེན་དང་། །དེ་མ་ཐག་རྐྱེན་ཕལ་ཆེར་འདྲ། །དམིགས་རྐྱེན་ལ་ནི་དངོས་བཏགས་ཀྱི། །འཇོག་ཚུལ་མི་འདྲའི་ཁྱད་པར་ཡོད། །འདིར་བསྟན་ཡིད་མངོན་སྐྱེ་ཚུལ་ལ། །དབང་མངོན་སྐད་ཅིག་གཉིས་པ་ཕན། །ཡིད་མངོན་དང་ནི་དབང་ཡིད་གཉིས། །སྤེལ་མར་སྐྱེ་དང་འགྲོས་གསུམ་དང་། །རྒྱུན་གྱི་ཡིད་མངོན་འདོད་ཚུལ་རྣམས། །མི་འདོད་རང་ལུགས་དབང་མངོན་གྱི། །རྒྱུན་མཐའ་ཁོ་ནར་སྐྱེ་བར་བཞེད། །རྟོག་བཅས་རྟོག་མེད་ཁྱད་པར་ཡང་། །ཕལ་ཆེར་གོང་སྨོས་ཤེས་པར་ནུས། །དབང་ཤེས་དང་ནི་མངོན་སུམ་གཉིས། །རྟོག་མེད་ཤེས་པ་ཁོ་ན་ཡིན། །ཡིད་ཤེས་ལ་ནི་རྟོག་བཅས་དང་། །རྟོག་མེད་ཤེས་པ་གཉིས་སུ་ཡོད། །སེམས་དང་སེམས་ལས་བྱུང་བ་ནི། །སེམས་དང་ཡིད་དང་རྣམ་ཤེས་རྣམས། །དོན་གཅིག་མིང་གི་རྣམ་གྲངས་ཡིན། །དབྱེ་ན་མིག་གི་རྣམ་ཤེས་ནས། །ཡིད་ཀྱི་རྣམ་ཤེས་བར་དྲུག་ཡོད། །སེམས་བྱུང་ལྔ་བཅུ་རྩ་གཅིག་སྟེ། །ཀུན་འགྲོ་ལྔ་དང་ཡུལ་ངེས་ལྔ། །དགེ་བ་བཅུ་གཅིག་རྩ་ཉོན་དྲུག །ཉེ་ཉོན་ཉི་ཤུ་གཞན་འགྱུར་བཞིའོ། །ཚོར་བ་འདུ་ཤེས་སེམས་པ་དང་། །ཡིད་ལ་བྱེད་དང་རེག་པ་ལྔ། །གཙོ་སེམས་ཀུན་གྱི་འཁོར་དུ་ནི། །འགྲོ་ཕྱིར་ཀུན་འགྲོ་ཞེས་བྱའོ། །འདུན་པ་མོས་པ་དྲན་པ་དང་། །ཏིང་འཛིན་ཤེས་རབ་ལྔ་པོ་ཡུལ། །བྱེ་བྲག་པ་ལ་འཇུག་ངེས་ཕྱིར། །ཡུལ་ངེས་ཞེས་པར་བཤད་པ་ཡིན། །དད་དང་ངོ་ཚ་ཤེས་ཁྲེལ་ཡོད། །འདོད་ཆགས་དང་ནི་ཞེ་སྡང་དང་། །གཏི་མུག་མེད་པའི་དགེ་རྩ་གསུམ། །བརྩོན་འགྲུས་ཤིན་སྦྱངས་བག་ཡོད་དང་། །བཏང་སྙོམས་རྣམ་པར་མི་འཚེ་རྣམས། །གཉེན་པོ་ངོ་བོ་མཚུངས་ལྡན་སོགས། །ཅི་རིགས་སྒོ་ནས་དགེ་བའོ། །འདོད་ཆགས་ཁོང་ཁྲོ་ང་རྒྱལ་དང་། །མ་རིག་ཐེ་ཚོམ་ལྟ་བ་དྲུག །རྩ་ཉོན་ཡིན་ཏེ་སེམས་རྒྱུད་ནི། །ཉོན་མོངས་བྱེད་པའི་གཙོ་བོ་འོ། །ཁྲོ་བ་ཁོན་འཛིན་འཆབ་དང་འཚིག །ཕྲག་དོག་སེར་སྣ་སྒྱུ་དང་གཡོ། །རྒྱགས་དང་རྣམ་འཚེ་ངོ་ཚ་མེད། །ཁྲེལ་མེད་རྨུགས་རྒོད་མ་དད་དང་། །ལེ་ལོ་བག་མེད་བརྗེད་ངས་དང་། །ཤེས་བཞིན་མ་ཡིན་རྣམ་གཡེང་བཅས། །ཉི་ཤུ་རྩ་ཉོན་འཕེལ་སྐྱེ་དང་། །ཉེ་ཕྱིར་ཉེ་བའི་ཉོན་མོངས་སོ། །གཉིད་འགྱོད་རྟོག་དཔྱོད་གཞན་འགྱུར་ཏེ། །ཀུན་སློང་མཚུངས་ལྡན་ཅི་རིགས་ཀྱིས། །དགེ་དང་མི་དགེ་ལུང་མ་བསྟན། །གཞན་དང་གཞན་དུ་འགྱུར་བའོ། །མདོ་སྡེ་སྤྱོད་པའི་དབུ་མ་པ། །ཐལ་འགྱུར་བ་དང་བྱེ་སྨྲ་གསུམ། །མངོན་སུམ་ལ་ནི་དབང་ཡིད་དང་། །རྣལ་འབྱོར་མངོན་སུམ་གསུམ་འདོད་དེ། །རང་རིག་མངོན་སུམ་ཁས་མི་ལེན། །མདོ་སྡེ་པ་དང་སེམས་ཙམ་པ། །རྣལ་འབྱོར་སྤྱོད་པའི་དབུ་མ་པས། །དབང་མངོན་ཡིད་མངོན་རང་རིག་དང་། །རྣལ་འབྱོར་མངོན་སུམ་བཞིར་བཞེད་དོ། །འདིར་ནི་མང་དུ་དོགས་པའི་ཕྱིར། །ཕལ་ཆེར་རྐང་གྲངས་ཙམ་ཞིག་བསྟན། །སོ་སོའི་མཚན་གཞི་གོ་དོན་སོགས། །སྤྱི་དོན་རིགས་རྒྱན་སོགས་ལ་ལྟོས།། །།
སྨྲས་པ། །བློ་གྲོས་ཞིབ་མོས་བླང་དོར་གྱི། །བློ་ཡི་སྤུ་རིས་འབྱེད་པའི་ཕྱིར། །བློ་རིག་སྡོམ་ཚིག་མདོར་བསྡུས་འདི། །བློ་བཟང་མིང་ཅན་ཞིག་གིས་བཀོད། །འདིར་འབད་དགེ་བས་འགྲོ་བ་ཀུན། །ལེགས་ཉེས་ལྟ་བའི་མིག་ཕྱེ་ནས། །མ་ནོར་ལམ་བཟང་མཐར་ཕྱིན་ཏེ། །ཀུན་མཁྱེན་གོ་འཕང་མྱུར་ཐོབ་ཤོག །ཚུལ་འདི་ལྷག་བསམ་དགེ་བ་ཅན། །དགེ་སློང་ངག་དབང་བཟོད་པ་ཡིས། །མཐུན་རྐྱེན་སྦྱར་ཏེ་པར་དུ་བསྒྲུབས། །འདིས་མཚོན་དུས་གསུམ་དགེ་བའི་མཐུས། །ཚེ་འདིའི་ཕ་མས་ཐོག་དྲངས་པའི། །མཁའ་མཉམ་འགྲོ་བ་མ་ལུས་པ། །དལ་འབྱོར་རྟེན་བཟང་རིམ་བརྒྱུད་ནས། །སྐུ་གསུམ་གོ་འཕང་མྱུར་ཐོབ་ཤོག།། །།
Sunday, 26 July 2015
གཉིས་པ་རང་གི་ལན་གདབ་པ། ཁ།
དཔའ་བོ་རྡོ་རྗེས་ཀྱང་ཁ་སྦྱོར་གྱི་འགྲེལ་པར་རྒྱུད་སྡེ་བཞི་ལ་བཤད་དོ། རྡོ་རྗེ་སྙིང་པོ་རྒྱན་གྱི་རྒྱུད་ཀྱི་བཅུ་གཅིག་པ་ལས་ཀྱང་ཐབས་ཀྱི་རྒྱུད་ཀྱི་འདོད་ཆགས་ཀྱི་རྒྱུད་ཀྱི་དབྱེ་བ་མང་དུ་གསུངས་པའི་མཐར། འདི་ནི་གཉིས་པོ་འཁྱུད་པ་ཡིས། །རྒྱུད་ཀྱི་དབྱེ་བ་བསྟན་པ་འོ། །དེ་བཞིན་དུ་ནི་ལག་བཅངས་དང༌། །རྒོད་དང་བལྟས་པས་ཤེས་པར་བྱ། །ཞེས་རྗོད་བྱེད་ཀྱི་རྒྱུད་ལ་གསུངས་པས། རྒྱུད་སྡེ་བཞིའི་དབྱེ་བ་བསྟན་པ་ཡིན་ནོ། །དེའི་ཚེ་རྒྱུད་སྡེའི་མཚན་ཡང་རྒོད་པའི་རྒྱུད་དང༌། ལྟ་བའི་རྒྱུད་དང༌། ལག་བཅངས་སམ་འཁྱུད་པའི་རྒྱུད་དང༌། གཉིས་གཉིས་སྦྱོར་བའི་རྒྱུད་ཅེས་པ་བཞིར་འགྱུར་རོ། །སྔར་བཤད་པ་ལྟར་གཟུགས་སྐུའི་ཐུན་མོང་མ་ཡིན་པའི་རྒྱུ་ལྷའི་རྣལ་འབྱོར་དུ་བཤད་པ་ནི་ཐབས་ཀྱི་གཙོ་བོ་ཡིན་ལ། ཐབས་ཀྱི་ཆ་རྣམས་ཀྱིས་སྟོང་ཉིད་རྟོགས་པའི་ཤེས་རབ་ཁྱད་ཞུགས་པར་བྱེད་པ་ནི་ཐེག་པ་ཆེན་པོ་གཉིས་ཀའི་ལུགས་ཡིན་ཏེ། སྤྱོད་འཇུག་ལས། ཡན་ལག་འདི་དག་ཐམས་ཅད་ནི། །ཐུབ་པས་ཤེས་རབ་དོན་དུ་གསུངས། །ཞེས་གསུངས་པ་ལྟར་རོ།།
ལྷའི་རྣལ་འབྱོར་གྱི་སྒོ་ནས་ཤེས་རབ་ཀྱི་ལམ་ཁྱད་ཞུགས་པར་འགྲོ་བའི་ཚུལ་ནི། ཐབས་ཤེས་ཁྱད་པར་ཅན་འདོད་པའི་ལྷ་ཡབ་ཡུམ་མཉམ་པར་སྦྱོར་བའི་རྣམ་པ་ཅན་དུ་སྣང་བའི་ལྷའི་རྣལ་འབྱོར་ཏེ། བླ་མེད་ལ་ལམ་གྱི་ཁྱད་པར་མང་དུ་ཡོད་ཀྱང་གཉིས་སྦྱོར་གྱི་རྒྱུད་ཅེས་དེའི་སྒོ་ནས་མིང་འདོགས་མཛད་ཅིང༌། རྒྱུད་རང་ནས་ཀྱང་གཉིས་སྦྱོར་གྱི་རྣམ་པ་ཅན་དུ་བཤད་པ་ཤིན་ཏུ་མང་ངོ༌། །དེའི་སྒོ་ནས་ཆགས་པ་ལམ་དུ་བྱས་པའི་བྱང་ཆུབ་ཀྱི་སེམས་གཉིས་ཀྱི་འཕྲོད་འདུའི་གནད་ལ་བརྟེན་ནས་སྟོང་ཉིད་ཀྱི་རྟོགས་པ་ཁྱད་ཞུགས་པར་འགྱུར་རོ། །དེ་འདྲ་བའི་ཆགས་པ་ལམ་བྱེད་ཀྱི་ཐབས་ཁྱད་པར་བ་དང་བྲལ་བས། རྒྱུད་སྡེ་འོག་མ་གསུམ་དུ་ཡན་ལག་བདུན་གྱི་ནང་གི་ཁ་སྦྱོར་གྱི་ཡན་ལག་མ་གསུངས་སོ། །དེ་ལྟ་ནའང་རྒོད་པ་དང་ལྟ་བ་དང་ལག་བཅངས་སམ་འཁྱུད་པ་ལས་བྱུང་བའི་དགའ་བ་ལམ་དུ་བྱེད་པ་ཡོད་པས་སྤྱིར་འདོད་ཡོན་ལ་ཆགས་པ་ལམ་བྱེད་ཙམ་ཞིག་ནི་ཡོད་དོ། །དེ་ཡང་སྙེ་མ་ཉེར་ལྔ་པ་ལས། བྱ་བ་དང་སྤྱོད་པ་དང་རྣལ་འབྱོར་དང་རྣལ་འབྱོར་བླ་མ་བཞི་རྣམས་ཀྱི་རྒྱུད་གང་ཡིན་པ་ནི་རྒོད་པ་དང་བལྟས་པ་དག་དང་འཁྱུད་པ་དང་གཉིས་གཉིས་དང་ལག་བཅངས་རྣམས་ཀྱིས་མཚོན་པའོ། །དེ་ལྟར་ནི་བྱ་བའི་རྒྱུད་ལ་སོགས་པ་ཁ་ཅིག་ཏུ་ལྷ་རྣམས་ཤེས་རབ་དང་ཐབས་དག་གི་རྗེས་སུ་ˇˇཆགས་པ་གསལ་བར་བྱེད་པ་ལྟ་བའོ། །ཁ་ཅིག་ཏུ་ནི་འཛུམ་པའོ། །ཁ་ཅིག་ཏུ་ནི་ལག་པ་འཛིན་པའོ། །ཁ་ཅིག་ཏུ་ནི་འཁྱུད་པའོ། །ཁ་ཅིག་ཏུ་ནི་གཉིས་གཉིས་སོ། །ཞེས་དང༌།
Saturday, 25 July 2015
བློ་སྦྱོང་ཚིག་བརྒྱད་མ་།།
༡༽
བདག་ནི་སེམས་ཅན་ཐམས་ཅད་ལ།།
ཡི་བཞིན་ནོར་བུ་ལས་ལྷག་པའི།།
དོན་མཆོག་སྒྲུབ་པའི་བསམ་པ་ཡིས།།
རྟག་ཏུ་གཅེས་པར་འཛིན་པར་ཤོག།
༢༽
གང་དུ་སུ་དང་འགྲོགས་པའི་ཚེ།།
བདག་ཉིད་ཀུན་ལས་དམན་ལྟ་ཞིང་།
གཞན་ལ་བསམ་པ་ཐག་པ་ཡིས།།
མཆོག་ཏུ་གཅེས་པར་འཛིན་པར་ཤོག།
༣༽
སྤྱོད་ལམ་ཀུན་ཏུ་རང་རྒྱུད་ལ།།
རྟོག་ཅིང་ཉོན་མོངས་སྐྱེས་མ་ཐག།
བདག་གཞན་མ་རུངས་བྱེད་པས་ན།།
བཙན་ཐབས་གདོང་ནས་བཟློག་པར་ཤོག།
༤༽
རང་བཞིན་ངན་པའི་སེམས་ཅན་ནི།།
སྡིག་སྡུག་དྲག་པོས་མནོན་མཐོང་ཚེ།།
རིན་ཆེན་གཏེར་དང་འཕྲད་པ་ལྟར།།
རྙེད་པར་དཀར་བས་གཅེས་འཛིན་ཤོག།
༥༽
བདག་ལ་གཞན་གྱི་ཕྲག་དོག་གིས།།
གཤེ་བསྐུར་ལ་སོགས་མི་རིགས་པའི།།
གྱོང་ཁ་རང་གིས་ལེན་པ་དང་།
རྒྱལ་ཁ་གཞན་ལ་འབུལ་བར་ཤོག།
༦༽
གང་ལ་བདག་གིས་ཕན་བཏགས་པའི།།
རེ་བ་ཆེ་བ་འགའ་ཞིག་གིས།།
ཤིན་ཏུ་མི་རིགས་གནོད་བྱེད་ནའང་།
བཤེས་གཉེན་དམ་པར་བལྟ་བར་ཤོག།
༧༽
མདོར་ན་དངོས་སམ་བརྒྱུད་པ་ཡིས།།
ཕན་བདེ་མ་རྣམས་ཀུན་ལ་འབུལ།།
མ་ཡི་གནོད་དང་སྡུག་བསྔལ་ཀུན།།
གསང་བས་བདག་ལ་ལེན་པར་ཤོག།
༨༽
དེ་དག་ཀུན་ཀྱང་ཆོས་བརྒྱད་ཀྱི།།
རྟོག་པའི་དྲི་མས་མ་སྦགས་ཤིང་།
ཆོས་ཀུན་སྒྱུ་མར་ཤེས་པའི་བློས།།
ཞེན་མེད་འཆིང་བ་ལས་གྲོལ་ཤོག།
Friday, 24 July 2015
ཡིད་དཔྱོད།
༄༅། །བློ་སྡོམ་གསལ་བའི་མེ་ལོང་ཞེས་བྱ་བ་བཞུགས་སོ། །
༄༅། །ན་མོ་མཉྫུ་ཤྲཱི་ཡེ། །བློ་རིག་རྣམ་གཞག་བཤད་པ་ལ། །ཡུལ་ཅན་བློ་དང་ཡུལ་གཉིས་ལས། །སྤྱིར་ན་ཡུལ་ཅན་གྱི་མཚན་ཉིད། །རང་ཡུལ་ཅི་རིགས་ལྡན་པ་ཡི། །དངོས་པོ་དེ་ཡིན་དབྱེ་བ་ནི། །གཟུགས་ཤེས་ལྡན་མིན་འདུ་བྱེད་གསུམ། །བརྗོད་བྱེད་སྒྲ་ཀུན་དང་པོ་དང་། །ཤེས་པ་ཐམས་ཅད་གཉིས་པ་དང་། །གང་ཟག་མཐའ་དག་གསུམ་པ་ཡིན། །བློ་ལ་མཚན་ཉིད་རྣམ་གྲངས་དང་། །དབྱེ་བ་གསུམ་ལས་དང་པོ་ནི། །རིག་པ་བློ་ཡི་མཚན་ཉིད་ཡིན། །བློ་དང་ཤེས་པ་རིག་པ་དང་། །གསལ་བ་རྣམས་ནི་དོན་གཅིག་ཡིན། །དབྱེ་ན་རྣམ་པ་མང་ཡོད་དེ། །རྟོགས་པའི་བློ་དང་མ་རྟོགས་བློ། །བློ་རིག་བདུན་དུ་དབྱེ་བ་དང་། །ཚད་མ་དང་ནི་ཚད་མིན་དང་། །རྟོག་བཅས་རྟོག་མེད་བློ་གཉིས་དང་། །མངོན་སུམ་དང་ནི་རྗེས་དཔག་དང་། །སེམས་དང་སེམས་བྱུང་གཉིས་སོགས་མང་། །རང་ཡུལ་རྟོགས་དང་མ་རྟོགས་ལ། །རྟོགས་དང་མ་རྟོགས་བློ་ཞེས་བྱ། །བློ་རིགས་བདུན་ལས་མངོན་རྗེས་དང་། །བཅད་ཤེས་གསུམ་པོ་རྟོགས་པའི་བློ། །གཞན་བཞི་མ་རྟོགས་བློ་ཡིན་ལ། །དེ་ཡང་མཁས་པ་ཁ་ཅིག་གིས། །ཡིད་དཔྱོད་རྟོགས་བློར་གསུངས་པ་ནི། །ཡིད་དཔྱོད་ཙམ་གྱིས་རྟོགས་ལ་དགོངས། །རྟོགས་ལ་དངོས་རྟོགས་ཤུགས་རྟོགས་གཉིས། །རྣམ་པ་ཤར་དང་མ་ཤར་བར། །ཡུལ་དེ་རྟོགས་ལ་རིམ་བཞིན་འདོད། །སྡེ་བདུན་ཡིད་ཀྱི་མུན་སེལ་ལས། །སྤྱིར་བཏང་ཚད་མས་དངོས་ཤུགས་དང་། །མངོན་སུམ་དང་ནི་རྗེས་དཔག་གིས། །དངོས་རྟོགས་ཤུགས་རྟོགས་གསུངས་པ་དེ། །དང་པོ་གོ་ཐོབ་རིག་པ་དང་། །གཉིས་པ་མདོ་སྡེ་པ་ཡི་ལུགས། །ཡང་ན་ཕྱི་མ་གཉིས་པོ་ནི། །མངོན་རྗེས་བྱེ་བྲག་པ་ལ་དགོངས། །ཚད་མིན་བློ་ཡི་དངོས་ཤུགས་ཀྱིས། །རྟོགས་ཚུལ་གསུངས་པའང་དེས་རིགས་འགྲེ། །བློ་རིག་བདུན་དུ་དབྱེ་བ་ནི། །ཡིད་དཔྱོད་སྣང་ལ་མ་ངེས་པ། །བཅད་ཤེས་ལོག་ཤེས་ཐེ་ཚོམ་དང་། །མངོན་སུམ་རྗེས་དཔག་དང་བཅས་བདུན། །དེ་ཡང་རང་ཡུལ་བདེན་པ་ལ། །གསར་དུ་ཞེན་པའི་ཚད་མིན་བློ། །ཡིད་དཔྱོད་ཀྱི་ནི་མཚན་ཉིད་ཡིན། །དབྱེ་ན་རྒྱུ་མཚན་མེད་པ་དང་། །དེ་བཞིན་རྒྱུ་མཚན་འགལ་བ་དང་། །མ་ངེས་པ་དང་མ་གྲུབ་དང་། །ཡོད་ཀྱང་གཏན་ལ་མ་ཕབ་པའི། །ཡིད་དཔྱོད་དང་བཅས་རྣམ་པ་ལྔ། །མཚན་གཞི་གོ་རིམ་བཞིན་དུ་སྒྲ། །མི་རྟག་ཅེས་པའི་ངག་ཙམ་ལས། །སྒྲ་མི་རྟག་པར་འཛིན་པའི་བློ། །དེ་བཞིན་དུ་ནི་དེ་སྒྲུབ་ཀྱི། །འགལ་དང་མ་ངེས་མ་གྲུབ་པའི། །རྟགས་ལས་དེ་ལྟར་འཛིན་པ་དང་། །བྱས་པའི་རྟགས་ལ་བརྟེན་ནས་སྒྲ། །མི་རྟག་པ་རུ་འཛིན་པ་ཡི། །ཡིད་དཔྱོད་ལྟ་བུ་ཡིན་ཞེས་གསུངས། །བསྡུས་ན་གཉིས་ཏེ་དང་པོ་ནི། །རྒྱུ་མཚན་མེད་པའི་ཡིད་དཔྱོད་དང་། །ཡིད་དཔྱོད་ཕྱི་མ་བཞི་པོ་ནི། །རྒྱུ་མཚན་ཅན་གྱི་ཡིད་དཔྱོད་དོ། །ཐོས་བྱུང་ཙམ་གྱི་གོ་བ་ནི། །ཕལ་ཆེར་ཡིད་དཔྱོད་ཡིན་པས་ན། །དེ་རྒྱུན་བརྟན་པོ་མིན་ཞེས་གསུངས། །སྣང་ལ་མ་ངེས་པ་ཡི་བློ། །རང་གི་འཇུག་ཡུལ་རང་མཚན་ནི། །གསལ་བར་སྣང་ཡང་མ་ངེས་པའོ། །དབྱེ་ན་གསུམ་སྟེ་དེར་གྱུར་པའི། །དབང་མངོན་ཡིད་མངོན་རང་རིག་གསུམ། །དེ་ལ་རྣལ་འབྱོར་མངོན་སུམ་ནི། །གང་སྣང་ཐམས་ཅད་ངེས་པས་ན། །སྣང་ལ་མ་ངེས་པ་མེད་དོ། །དེ་འདྲའི་དབང་མངོན་ལ་ཡང་ལྔ། །ཡིད་ནི་གཞན་དུ་ཕྱོགས་དུས་ཀྱི། །སོ་སྐྱེའི་གཟུགས་འཛིན་དབང་མངོན་ནས། །རེག་འཛིན་དབང་མངོན་བར་ལྔ་འམ། །སོ་སྐྱེའི་རྒྱུད་ཀྱི་དབང་མངོན་ལྔའི། །སྐད་ཅིག་ཐ་མ་ལྟ་བུའོ། །སོ་སྐྱེའི་དུས་མཐའ་སྐད་ཅིག་མའི། །ཡིད་མངོན་དང་ནི་རང་རིག་ཀུན། །སྣང་ལ་མ་ངེས་པ་ཡིན་ལ། །འཕགས་པའི་འདིར་བསྟན་ཡིད་མངོན་ནི། །ཚད་མར་རིགས་པའི་རྒྱན་ལས་གསུངས། །དེ་འདྲའི་རང་རིག་མངོན་སུམ་ནི། །རྒྱང་འཕེན་པ་དང་གཅེར་བུ་པའི། །རྒྱུད་ཀྱི་རྗེས་དཔག་ཚད་མ་དང་། །ལོག་པའི་ཤེས་པ་ལ་སོགས་པ། །ཉམས་སུ་མྱོང་བའི་རང་རིག་དང་། །རང་སྡེ་བྱེ་བྲག་སྨྲ་བ་ཡི། །རྒྱུད་ཀྱི་རང་རིག་ལྟ་བུ་དང་། །སོ་སྐྱེའི་རྒྱུད་ཀྱི་རང་རིག་གི །སྐད་ཅིག་ཐ་མ་ལྟ་བུ་མང་། །རྟོགས་ཟིན་རྟོགས་པའི་ཚད་མིན་གྱི། །རིག་པ་བཅད་ཤེས་ཀྱི་མཚན་ཉིད། །དབྱེ་ན་མངོན་སུམ་རྗེས་དཔག་གི །རྒྱུན་དུ་གྱུར་པའི་བཅད་ཤེས་དང་། །དེ་གཉིས་གང་རུང་མ་ཡིན་པའི། །བཅད་ཤེས་དང་བཅས་གསུམ་དུ་ཡོད། །དང་པོ་ལ་ཡང་དབང་ཡིད་དང་། །རང་རིག་རྣལ་འབྱོར་མངོན་སུམ་གྱི། །བཅད་ཤེས་ལ་སོགས་དུ་མ་ཡོད། །རིམ་བཞིན་དབང་མངོན་ལྔ་པོ་དང་། །གཞན་སེམས་ཤེས་པའི་མངོན་ཤེས་དང་། །རྒྱུན་དང་ལྡན་པའི་རང་རིག་དང་། །སློབ་པའི་རྣལ་འབྱོར་མངོན་སུམ་གྱི། །སྐད་ཅིག་གཉིས་པ་ལྟ་བུའོ། །མངོན་སུམ་སྐད་ཅིག་གཉིས་པ་ནི། །དེ་བཞི་གང་རུང་མ་ཡིན་པའི། །བཅད་ཤེས་སུ་ནི་འཇོག་ཀྱང་རུང་། །གཉིས་པ་རྗེས་དཔག་ཚད་མ་ཡི། །སྐད་ཅིག་གཉིས་པ་ལྟ་བུ་ཡིན། །གསུམ་པ་མངོན་རྗེས་སོ་སོ་ཡིས། །དྲངས་པའི་ངེས་ཤེས་ལྟ་བུ་དང་། །ཚད་མ་སྐད་ཅིག་གཉིས་པ་བཞིན། །བསྡུ་ན་རྟོག་པ་བཅད་ཤེས་དང་། །རྟོག་མེད་བཅད་ཤེས་གཉིས་སུ་འདུས། །ལོག་ཤེས་མཚན་ཉིད་རང་གི་ཡུལ། །ཕྱིན་ཅི་ལོག་ཏུ་འཛིན་པའི་བློའོ། །དབྱེ་ན་རྟོག་པ་ལོག་ཤེས་དང་། །རྟོག་མེད་ལོག་ཤེས་གཉིས་སུ་ཡོད། །རང་གི་ཞེན་ཡུལ་ལ་འཁྲུལ་བའི། །ཞེན་རིག་དང་པོའི་མཚན་ཉིད་དང་། །རང་གི་འཛིན་སྟངས་ལ་འཁྲུལ་བའི། །གསལ་སྣང་ཅན་གྱི་རིག་པ་དེ། །རྟོག་མེད་ལོག་ཤེས་ཀྱི་མཚན་ཉིད། །དང་པོ་ཆོས་དང་གང་ཟག་གི །བདག་འཛིན་རྣམ་གཉིས་ལྟ་བུ་དང་། །གངས་རི་སྔོན་པོར་སྣང་བ་ཡི། །དབང་ཤེས་ལྟ་བུ་གཉིས་པ་ཡིན། །ཚད་མ་ཡིད་ཀྱི་མུན་སེལ་ལས། །ལོག་རྟོག་རྟོག་པ་ལོག་ཤེས་དང་། །སྒྲོ་འདོགས་གསུམ་པོ་དོན་གཅིག་དང་། །དོན་མི་འགྱུར་གྱི་ཐེ་ཚོམ་ཡང་། །རྟོག་པ་ལོག་ཤེས་ཡིན་པར་གསུངས། །རང་གི་ཡུལ་ལ་མཐའ་གཉིས་སུ། །དོགས་པའི་སེམས་བྱུང་ཐེ་ཚོམ་སྟེ། །དོན་འགྱུར་མི་འགྱུར་ཆ་མཉམ་པའི། །ཐེ་ཚོམ་གསུམ་ཡོད་རིམ་པ་བཞིན། །སྒྲ་མི་རྟག་གམ་སྙམ་པ་དང་། །དེ་བཞིན་རྟག་གམ་སྙམ་པ་དང་། །རྟག་གམ་མི་རྟག་སྙམ་པའི་བློའོ། །ཐེ་ཚོམ་ལ་ནི་རྩ་ཉོན་གྱིས། །ཁྱབ་པར་བཞེད་དང་ཉོན་མོངས་ཅན། །ཡིན་མིན་གཉིས་སུ་ཕྱེ་བའང་ཡོད། །རང་མཚན་དང་ནི་སྤྱི་མཚན་ཉིད། །རིམ་བཞིན་སྣང་ཡུལ་བྱེད་པའི་བློ། །མངོན་སུམ་དང་ནི་རྟོག་པ་འོ། །དེ་ཡང་རྟོག་བྲལ་མ་འཁྲུལ་བའི། །རིག་པ་མངོན་སུམ་གྱི་མཚན་ཉིད། །དབྱེ་ན་དབང་མངོན་ཡིད་མངོན་དང་། །རང་རིག་རྣལ་འབྱོར་མངོན་སུམ་བཞི། །འཁྲུལ་རྒྱུ་བཞི་སྟེ་རྟེན་དང་ཡུལ། །གནས་དང་དེ་མ་ཐག་རྐྱེན་ལའོ། །བདག་རྐྱེན་དབང་པོ་གཟུགས་ཅན་ལས། །བྱུང་བའི་མངོན་སུམ་དབང་མངོན་ཏེ། །དེ་ལ་གཟུགས་འཛིན་དབང་མངོན་ནས། །རེག་བྱ་འཛིན་པའི་དབང་མངོན་བར། །ལྔ་ཡོད་དེ་རྣམས་རེ་རེ་ལའང་། །ཚད་མ་དང་ནི་བཅད་ཤེས་དང་། །སྣང་ལ་མ་ངེས་པ་གསུམ་ཡོད། །བདག་རྐྱེན་ཡིད་དབང་ལ་བརྟེན་ནས། །བྱུང་བའི་མངོན་སུམ་ཡིད་མངོན་ཏེ། །གཟུགས་འཛིན་ཡིད་མངོན་སོགས་ལྔ་ཡོད། །རྟོག་པ་དང་བྲལ་མ་འཁྲུལ་བའི། །འཛིན་རྣམ་རང་རིག་མངོན་སུམ་སྟེ། །དེ་གཉིས་ལ་ཡང་གོང་ལྟར་དུ། །ཚད་མ་ལ་སོགས་གསུམ་གསུམ་བཤད། །དེ་ལ་རྣལ་འབྱོར་མངོན་སུམ་ནི། །བདག་རྐྱེན་ཞི་ལྷག་ཟུང་འབྲེལ་གྱི། །ཏིང་འཛིན་བསྒོམས་སྟོབས་ལས་བྱུང་བའི། །འཕགས་པའི་རྒྱུད་ཀྱི་མངོན་སུམ་ཡིན། །རྟེན་གྱི་སྒོ་ནས་དབྱེ་ན་ནི། །ཉན་རང་ཐེག་ཆེན་འཕགས་པའི་གསུམ། །ངོ་བོའི་སྒོ་ནས་རེ་རེ་ལའང་། །མཐོང་སྒོམ་མི་སློབ་ལམ་དང་གསུམ། །ཡུལ་གྱི་སྒོ་ནས་གཉིས་ཡིན་ཏེ། །ཇི་ལྟ་ཇི་སྙེད་མཁྱེན་པ་འོ། །ལྡོག་ཕྱོགས་མངོན་སུམ་ལྟར་སྣང་ནི། །འཁྲུལ་དང་ཀུན་རྫོབ་ཤེས་པ་དང་། །རྗེས་དཔག་རྗེས་སུ་དཔག་ལས་བྱུང་། །དྲན་དང་མངོན་འདོད་ཅེས་བྱ་འོ། །མངོན་སུམ་ལྟར་སྣང་རབ་རིབ་བཅས། །ཞེས་གསུངས་དང་པོ་དྲུག་པོ་ནི། །རྟོག་པ་མངོན་སུམ་ལྟར་སྣང་དང་། །ཐ་མ་རབ་རིབ་ཅན་གྱི་བློ། །རྟོག་མེད་མངོན་སུམ་ལྟར་སྣང་སྟེ། །གོ་དོན་རིགས་རྒྱན་སོགས་སུ་ལྟོས། །རྟོག་མེད་མངོན་སུམ་ལྟར་སྣང་དང་། །མེད་པ་གསལ་སྣང་ཅན་གྱི་བློ། །རྟོག་མེད་ལོག་ཤེས་དོན་གཅིག་གོ །དེ་ཡང་སྒྲ་དོན་འདྲེས་རུང་དུ། །འཛིན་པའི་ཞེན་རིག་རྟོག་པ་སྟེ། །དབྱེ་བ་རྟོག་པ་དོན་མཐུན་དང་། །རྟོག་པ་དོན་མི་མཐུན་དང་གཉིས། །མིང་སྦྱོར་དོན་སྦྱོར་རྟོག་པ་གཉིས། །བརྡ་རྟེན་ཅན་གྱི་རྟོག་པ་དང་། །དོན་གཞན་ལ་ནི་སྒྲོ་འདོགས་དང་། །ལྐོག་ཏུ་གྱུར་པའི་དོན་ཅན་གྱི། །རྟོག་པ་གསུམ་སོགས་དབྱེ་ཚུལ་མང་། །གཞན་ཡང་ཐོས་བསམ་སྒོམ་གསུམ་གྱི། །རྟོག་པ་གསུམ་ཡོད་དོན་རིམ་བཞིན། །སྒྲ་སྤྱི་ཙམ་གྱིས་འཛིན་པ་དང་། །དོན་ལ་བསམས་ནས་ངེས་རྙེད་དང་། །བསམ་བྱུང་དོན་ལ་ཡང་ཡང་དུ། །འདྲིས་པའི་གོང་སའི་ཞེན་རིག་གོ །ཚད་མའི་གྲངས་ལ་མང་ཉུང་གི །ལོག་རྟོག་བྱུང་ཚུལ་འདི་ལྟ་སྟེ། །རྒྱང་འཕེན་པ་དང་གཅེར་བུ་པས། །མངོན་སུམ་ཚད་མ་གཅིག་ཙམ་འདོད། །གྲངས་ཅན་པ་ནི་མངོན་རྗེས་དང་། །སྒྲ་བྱུང་ཚད་མ་གསུམ་ཡིན་ཟེར། །རིགས་པ་ཅན་པས་དེ་གསུམ་སྟེང་། །དཔེ་ཉེར་འཇལ་དང་བཞི་རུ་འདོད། །རྒྱལ་དཔོག་པ་ནི་དེ་བཞི་དང་། །དོན་གྱི་གོ་བའི་ཚད་མ་དང་། །དངོས་པོ་མེད་པའི་ཚད་མ་དང་། །དྲུག་པོ་ཁོ་ནར་གྲངས་ངེས་ཟེར། །ཙ་རི་ཀ་པས་དེ་དྲུག་སྟེང་། །རིགས་པ་དང་ནི་མི་དམིགས་དང་། །ཞེས་གྲགས་པ་དང་སྲིད་པ་དང་། །སྙམ་སེམས་པ་ཡི་ཚད་མ་བཅས། །བཅུ་གཅིག་ཏུ་ནི་གྲངས་ངེས་ཟེར། །རང་ལུགས་མངོན་རྗེས་གཉིས་སུ་ངེས། །དེ་ལ་གསར་དུ་མི་སླུ་བའི། །རིག་པ་ཚད་མའི་མཚན་ཉིད་ཡིན། །དབྱེ་ན་མངོན་རྗེས་ཚད་མ་གཉིས། །གཞན་ཡང་རང་ལས་ངེས་པ་དང་། །གཞན་ལས་ངེས་ཀྱི་ཚད་མ་གཉིས། །སྒྲས་བརྗོད་སྒོ་ནས་སྐྱེས་བུ་དང་། །ངག་དང་ཤེས་པ་ཚད་མ་གསུམ། །རྟེན་རྟགས་ཡང་དག་ལ་བརྟེན་ནས། །ལྐོག་གྱུར་དོན་འཇལ་རྗེས་དཔག་སྟེ། །དབྱེ་ན་དངོས་སྟོབས་གྲགས་པའི་དང་། །ཡིད་ཆེས་རྗེས་དཔག་གསུམ་དུ་བཤད། །རྗེས་དཔག་རྗེས་དཔག་ཚད་མ་གཉིས། །དོན་གཅིག་ཏུ་ནི་ཤེས་པར་བྱ། །རང་གི་གཞལ་བྱའི་ཡུལ་སྟེང་དོན། །གྲུབ་པ་མེད་ན་མི་འབྱུང་བའི། །ངེས་པ་རང་དང་གཞན་སྟོབས་ཀྱིས། །འདྲེན་པའི་ཚད་མ་རང་ལས་དང་། །གཞན་ལས་ངེས་ཀྱི་ཚད་མ་ཡིན། །རང་རིག་རྣལ་འབྱོར་མངོན་སུམ་གྱི། །ཚད་མ་གཉིས་དང་རྗེས་དཔག་དང་། །དོན་བྱེད་སྣང་ཅན་གོམས་པ་ཅན། །གང་རུང་གྱུར་པའི་ཚད་མ་ལྔ། །རང་ལས་ངེས་ཀྱི་ཚད་མ་ཡིན། །གཞན་ལས་ངེས་ཀྱི་ཚད་མ་ལ། །སྒྲས་བརྗོད་སྒོ་ནས་དབྱེ་བ་ནི། །དང་པོ་བ་དང་ཡིད་མ་གཏད། །མངོན་སུམ་འཁྲུལ་རྒྱུ་ཅན་དང་གསུམ། །སྣང་བ་རང་དང་བདེན་པ་གཞན། །སྤྱིར་ནི་རང་དང་ཁྱད་པར་གཞན། །སྣང་བ་ཉིད་ཀྱང་གཞན་ངེས་ཀྱི། །ཚད་མ་གསུམ་སོགས་བཤད་མོད་ཀྱི། །དངོས་བརྟགས་ཁྱད་པར་ཕྱེ་བ་གཅེས། །གཞན་ལས་ངེས་ཀྱིས་ཚད་མ་ལ། །ཚད་མས་ཁྱབ་ཀྱང་ཆོས་དེ་ལ། །གཞན་ལས་ངེས་ཀྱི་ཚད་མ་ལ། །དེ་ལ་ཚད་མ་མ་ཡིན་པས། །ཁྱབ་པ་ལ་སོགས་ཞིབ་ཆ་དགོས། །ཡུལ་ལ་སྣང་གཟུང་ཞེན་འཇུག་བཞི། །སྣང་ཡུལ་གཟུང་ཡུལ་དོན་གཅིག་ཅིང་། །ཕྱི་རོལ་ཡུལ་ལ་མི་ལྟོས་པའི། །སྐྲ་ཤད་འཛག་སྣང་སོགས་མ་གཏོགས། །ཤེས་པ་ཀུན་ལ་སྣང་ཡུལ་ཡོད། །ཞེན་ཡུལ་རྟོག་པའི་སྒོས་ཆོས་ཏེ། །རྟོག་པ་དོན་མཐུན་ཀུན་ལ་ཡོད། །འཇུག་ཡུལ་ཚད་མས་བཅད་དོན་ཏེ། །ཚད་མ་དང་ནི་དེ་ལྡན་གྱི། །སྐྱེས་བུ་ཀུན་ལ་ཡོད་པ་ཡིན། །རྟོག་པའི་ཞེན་ཡུལ་རྟོག་པ་ལ། །སྣང་ཡང་དེ་ཡི་སྣང་ཡུལ་མིན། །དེ་བཞིན་དེ་ཡི་སྣང་ཡུལ་ནི། །ཞེན་ས་ཡིན་ཡང་ཞེན་ཡུལ་མིན། །དབང་མངོན་རྣམས་ལ་དམིགས་རྐྱེན་དང་། །བདག་རྐྱེན་དེ་མ་ཐག་རྐྱེན་གསུམ། །གཟུགས་འཛིན་དབང་པོའི་མངོན་སུམ་ལ། །རང་གི་རྣམ་པ་གཏོད་བྱེད་ཀྱི། །རྐྱེན་དེ་དེ་ཡི་དམིགས་རྐྱེན་ཡིན། །མཚན་གཞི་དཔེར་ན་གཟུགས་ལྟ་བུ། །དེ་འདྲའི་དབང་མངོན་རང་དབང་དུ། །སྐྱེད་བྱེད་རྐྱེན་དེ་བདག་རྐྱེན་ཏེ། །ཐུན་མོང་ཐུན་མོང་མ་ཡིན་པའི། །བདག་རྐྱེན་གཉིས་ཡོད་དང་པོ་ནི། །དེ་ཡི་བདག་རྐྱེན་ཡིད་དང་ནི། །གཉིས་པ་མིག་དབང་ལྟ་བུའོ། །དེ་འདྲའི་དབང་མངོན་གསལ་རིག་ཏུ། །སྐྱེད་པའི་རྐྱེན་ནི་གསུམ་པ་སྟེ། །དེ་ཡི་སྔ་ལོགས་དེ་མ་ཐག །བྱུང་བའི་ཡིད་ཤེས་ལྟ་བུའོ། །དེ་ཡིས་སྒྲ་འཛིན་སོགས་ལའང་འདྲ། །སེམས་ཙམ་ལུགས་ལ་བདག་རྐྱེན་དང་། །དེ་མ་ཐག་རྐྱེན་ཕལ་ཆེར་འདྲ། །དམིགས་རྐྱེན་ལ་ནི་དངོས་བཏགས་ཀྱི། །འཇོག་ཚུལ་མི་འདྲའི་ཁྱད་པར་ཡོད། །འདིར་བསྟན་ཡིད་མངོན་སྐྱེ་ཚུལ་ལ། །དབང་མངོན་སྐད་ཅིག་གཉིས་པ་ཕན། །ཡིད་མངོན་དང་ནི་དབང་ཡིད་གཉིས། །སྤེལ་མར་སྐྱེ་དང་འགྲོས་གསུམ་དང་། །རྒྱུན་གྱི་ཡིད་མངོན་འདོད་ཚུལ་རྣམས། །མི་འདོད་རང་ལུགས་དབང་མངོན་གྱི། །རྒྱུན་མཐའ་ཁོ་ནར་སྐྱེ་བར་བཞེད། །རྟོག་བཅས་རྟོག་མེད་ཁྱད་པར་ཡང་། །ཕལ་ཆེར་གོང་སྨོས་ཤེས་པར་ནུས། །དབང་ཤེས་དང་ནི་མངོན་སུམ་གཉིས། །རྟོག་མེད་ཤེས་པ་ཁོ་ན་ཡིན། །ཡིད་ཤེས་ལ་ནི་རྟོག་བཅས་དང་། །རྟོག་མེད་ཤེས་པ་གཉིས་སུ་ཡོད། །སེམས་དང་སེམས་ལས་བྱུང་བ་ནི། །སེམས་དང་ཡིད་དང་རྣམ་ཤེས་རྣམས། །དོན་གཅིག་མིང་གི་རྣམ་གྲངས་ཡིན། །དབྱེ་ན་མིག་གི་རྣམ་ཤེས་ནས། །ཡིད་ཀྱི་རྣམ་ཤེས་བར་དྲུག་ཡོད། །སེམས་བྱུང་ལྔ་བཅུ་རྩ་གཅིག་སྟེ། །ཀུན་འགྲོ་ལྔ་དང་ཡུལ་ངེས་ལྔ། །དགེ་བ་བཅུ་གཅིག་རྩ་ཉོན་དྲུག །ཉེ་ཉོན་ཉི་ཤུ་གཞན་འགྱུར་བཞིའོ། །ཚོར་བ་འདུ་ཤེས་སེམས་པ་དང་། །ཡིད་ལ་བྱེད་དང་རེག་པ་ལྔ། །གཙོ་སེམས་ཀུན་གྱི་འཁོར་དུ་ནི། །འགྲོ་ཕྱིར་ཀུན་འགྲོ་ཞེས་བྱའོ། །འདུན་པ་མོས་པ་དྲན་པ་དང་། །ཏིང་འཛིན་ཤེས་རབ་ལྔ་པོ་ཡུལ། །བྱེ་བྲག་པ་ལ་འཇུག་ངེས་ཕྱིར། །ཡུལ་ངེས་ཞེས་པར་བཤད་པ་ཡིན། །དད་དང་ངོ་ཚ་ཤེས་ཁྲེལ་ཡོད། །འདོད་ཆགས་དང་ནི་ཞེ་སྡང་དང་། །གཏི་མུག་མེད་པའི་དགེ་རྩ་གསུམ། །བརྩོན་འགྲུས་ཤིན་སྦྱངས་བག་ཡོད་དང་། །བཏང་སྙོམས་རྣམ་པར་མི་འཚེ་རྣམས། །གཉེན་པོ་ངོ་བོ་མཚུངས་ལྡན་སོགས། །ཅི་རིགས་སྒོ་ནས་དགེ་བའོ། །འདོད་ཆགས་ཁོང་ཁྲོ་ང་རྒྱལ་དང་། །མ་རིག་ཐེ་ཚོམ་ལྟ་བ་དྲུག །རྩ་ཉོན་ཡིན་ཏེ་སེམས་རྒྱུད་ནི། །ཉོན་མོངས་བྱེད་པའི་གཙོ་བོ་འོ། །ཁྲོ་བ་ཁོན་འཛིན་འཆབ་དང་འཚིག །ཕྲག་དོག་སེར་སྣ་སྒྱུ་དང་གཡོ། །རྒྱགས་དང་རྣམ་འཚེ་ངོ་ཚ་མེད། །ཁྲེལ་མེད་རྨུགས་རྒོད་མ་དད་དང་། །ལེ་ལོ་བག་མེད་བརྗེད་ངས་དང་། །ཤེས་བཞིན་མ་ཡིན་རྣམ་གཡེང་བཅས། །ཉི་ཤུ་རྩ་ཉོན་འཕེལ་སྐྱེ་དང་། །ཉེ་ཕྱིར་ཉེ་བའི་ཉོན་མོངས་སོ། །གཉིད་འགྱོད་རྟོག་དཔྱོད་གཞན་འགྱུར་ཏེ། །ཀུན་སློང་མཚུངས་ལྡན་ཅི་རིགས་ཀྱིས། །དགེ་དང་མི་དགེ་ལུང་མ་བསྟན། །གཞན་དང་གཞན་དུ་འགྱུར་བའོ། །མདོ་སྡེ་སྤྱོད་པའི་དབུ་མ་པ། །ཐལ་འགྱུར་བ་དང་བྱེ་སྨྲ་གསུམ། །མངོན་སུམ་ལ་ནི་དབང་ཡིད་དང་། །རྣལ་འབྱོར་མངོན་སུམ་གསུམ་འདོད་དེ། །རང་རིག་མངོན་སུམ་ཁས་མི་ལེན། །མདོ་སྡེ་པ་དང་སེམས་ཙམ་པ། །རྣལ་འབྱོར་སྤྱོད་པའི་དབུ་མ་པས། །དབང་མངོན་ཡིད་མངོན་རང་རིག་དང་། །རྣལ་འབྱོར་མངོན་སུམ་བཞིར་བཞེད་དོ། །འདིར་ནི་མང་དུ་དོགས་པའི་ཕྱིར། །ཕལ་ཆེར་རྐང་གྲངས་ཙམ་ཞིག་བསྟན། །སོ་སོའི་མཚན་གཞི་གོ་དོན་སོགས། །སྤྱི་དོན་རིགས་རྒྱན་སོགས་ལ་ལྟོས།། །།
སྨྲས་པ། །བློ་གྲོས་ཞིབ་མོས་བླང་དོར་གྱི། །བློ་ཡི་སྤུ་རིས་འབྱེད་པའི་ཕྱིར། །བློ་རིག་སྡོམ་ཚིག་མདོར་བསྡུས་འདི། །བློ་བཟང་མིང་ཅན་ཞིག་གིས་བཀོད། །འདིར་འབད་དགེ་བས་འགྲོ་བ་ཀུན། །ལེགས་ཉེས་ལྟ་བའི་མིག་ཕྱེ་ནས། །མ་ནོར་ལམ་བཟང་མཐར་ཕྱིན་ཏེ། །ཀུན་མཁྱེན་གོ་འཕང་མྱུར་ཐོབ་ཤོག །ཚུལ་འདི་ལྷག་བསམ་དགེ་བ་ཅན། །དགེ་སློང་ངག་དབང་བཟོད་པ་ཡིས། །མཐུན་རྐྱེན་སྦྱར་ཏེ་པར་དུ་བསྒྲུབས། །འདིས་མཚོན་དུས་གསུམ་དགེ་བའི་མཐུས། །ཚེ་འདིའི་ཕ་མས་ཐོག་དྲངས་པའི། །མཁའ་མཉམ་འགྲོ་བ་མ་ལུས་པ། །དལ་འབྱོར་རྟེན་བཟང་རིམ་བརྒྱུད་ནས། །སྐུ་གསུམ་གོ་འཕང་མྱུར་ཐོབ་ཤོག།། །།
Wednesday, 22 July 2015
བླང་དོར་གསལ་བའི་མེ་ལོང་། ཉིན་གསུམ་པ།
༄༅། །བློ་སྡོམ་གསལ་བའི་མེ་ལོང་ཞེས་བྱ་བ་བཞུགས་སོ། །
༄༅། །ན་མོ་མཉྫུ་ཤྲཱི་ཡེ། །བློ་རིག་རྣམ་གཞག་བཤད་པ་ལ། །ཡུལ་ཅན་བློ་དང་ཡུལ་གཉིས་ལས། །སྤྱིར་ན་ཡུལ་ཅན་གྱི་མཚན་ཉིད། །རང་ཡུལ་ཅི་རིགས་ལྡན་པ་ཡི། །དངོས་པོ་དེ་ཡིན་དབྱེ་བ་ནི། །གཟུགས་ཤེས་ལྡན་མིན་འདུ་བྱེད་གསུམ། །བརྗོད་བྱེད་སྒྲ་ཀུན་དང་པོ་དང་། །ཤེས་པ་ཐམས་ཅད་གཉིས་པ་དང་། །གང་ཟག་མཐའ་དག་གསུམ་པ་ཡིན། །བློ་ལ་མཚན་ཉིད་རྣམ་གྲངས་དང་། །དབྱེ་བ་གསུམ་ལས་དང་པོ་ནི། །རིག་པ་བློ་ཡི་མཚན་ཉིད་ཡིན། །བློ་དང་ཤེས་པ་རིག་པ་དང་། །གསལ་བ་རྣམས་ནི་དོན་གཅིག་ཡིན། །དབྱེ་ན་རྣམ་པ་མང་ཡོད་དེ། །རྟོགས་པའི་བློ་དང་མ་རྟོགས་བློ། །བློ་རིག་བདུན་དུ་དབྱེ་བ་དང་། །ཚད་མ་དང་ནི་ཚད་མིན་དང་། །རྟོག་བཅས་རྟོག་མེད་བློ་གཉིས་དང་། །མངོན་སུམ་དང་ནི་རྗེས་དཔག་དང་། །སེམས་དང་སེམས་བྱུང་གཉིས་སོགས་མང་། །རང་ཡུལ་རྟོགས་དང་མ་རྟོགས་ལ། །རྟོགས་དང་མ་རྟོགས་བློ་ཞེས་བྱ། །བློ་རིགས་བདུན་ལས་མངོན་རྗེས་དང་། །བཅད་ཤེས་གསུམ་པོ་རྟོགས་པའི་བློ། །གཞན་བཞི་མ་རྟོགས་བློ་ཡིན་ལ། །དེ་ཡང་མཁས་པ་ཁ་ཅིག་གིས། །ཡིད་དཔྱོད་རྟོགས་བློར་གསུངས་པ་ནི། །ཡིད་དཔྱོད་ཙམ་གྱིས་རྟོགས་ལ་དགོངས། །རྟོགས་ལ་དངོས་རྟོགས་ཤུགས་རྟོགས་གཉིས། །རྣམ་པ་ཤར་དང་མ་ཤར་བར། །ཡུལ་དེ་རྟོགས་ལ་རིམ་བཞིན་འདོད། །སྡེ་བདུན་ཡིད་ཀྱི་མུན་སེལ་ལས། །སྤྱིར་བཏང་ཚད་མས་དངོས་ཤུགས་དང་། །མངོན་སུམ་དང་ནི་རྗེས་དཔག་གིས། །དངོས་རྟོགས་ཤུགས་རྟོགས་གསུངས་པ་དེ། །དང་པོ་གོ་ཐོབ་རིག་པ་དང་། །གཉིས་པ་མདོ་སྡེ་པ་ཡི་ལུགས། །ཡང་ན་ཕྱི་མ་གཉིས་པོ་ནི། །མངོན་རྗེས་བྱེ་བྲག་པ་ལ་དགོངས། །ཚད་མིན་བློ་ཡི་དངོས་ཤུགས་ཀྱིས། །རྟོགས་ཚུལ་གསུངས་པའང་དེས་རིགས་འགྲེ། །བློ་རིག་བདུན་དུ་དབྱེ་བ་ནི། །ཡིད་དཔྱོད་སྣང་ལ་མ་ངེས་པ། །བཅད་ཤེས་ལོག་ཤེས་ཐེ་ཚོམ་དང་། །མངོན་སུམ་རྗེས་དཔག་དང་བཅས་བདུན། །དེ་ཡང་རང་ཡུལ་བདེན་པ་ལ། །གསར་དུ་ཞེན་པའི་ཚད་མིན་བློ། །ཡིད་དཔྱོད་ཀྱི་ནི་མཚན་ཉིད་ཡིན། །དབྱེ་ན་རྒྱུ་མཚན་མེད་པ་དང་། །དེ་བཞིན་རྒྱུ་མཚན་འགལ་བ་དང་། །མ་ངེས་པ་དང་མ་གྲུབ་དང་། །ཡོད་ཀྱང་གཏན་ལ་མ་ཕབ་པའི། །ཡིད་དཔྱོད་དང་བཅས་རྣམ་པ་ལྔ། །མཚན་གཞི་གོ་རིམ་བཞིན་དུ་སྒྲ། །མི་རྟག་ཅེས་པའི་ངག་ཙམ་ལས། །སྒྲ་མི་རྟག་པར་འཛིན་པའི་བློ། །དེ་བཞིན་དུ་ནི་དེ་སྒྲུབ་ཀྱི། །འགལ་དང་མ་ངེས་མ་གྲུབ་པའི། །རྟགས་ལས་དེ་ལྟར་འཛིན་པ་དང་། །བྱས་པའི་རྟགས་ལ་བརྟེན་ནས་སྒྲ། །མི་རྟག་པ་རུ་འཛིན་པ་ཡི། །ཡིད་དཔྱོད་ལྟ་བུ་ཡིན་ཞེས་གསུངས། །བསྡུས་ན་གཉིས་ཏེ་དང་པོ་ནི། །རྒྱུ་མཚན་མེད་པའི་ཡིད་དཔྱོད་དང་། །ཡིད་དཔྱོད་ཕྱི་མ་བཞི་པོ་ནི། །རྒྱུ་མཚན་ཅན་གྱི་ཡིད་དཔྱོད་དོ། །ཐོས་བྱུང་ཙམ་གྱི་གོ་བ་ནི། །ཕལ་ཆེར་ཡིད་དཔྱོད་ཡིན་པས་ན། །དེ་རྒྱུན་བརྟན་པོ་མིན་ཞེས་གསུངས། །སྣང་ལ་མ་ངེས་པ་ཡི་བློ། །རང་གི་འཇུག་ཡུལ་རང་མཚན་ནི། །གསལ་བར་སྣང་ཡང་མ་ངེས་པའོ། །དབྱེ་ན་གསུམ་སྟེ་དེར་གྱུར་པའི། །དབང་མངོན་ཡིད་མངོན་རང་རིག་གསུམ། །དེ་ལ་རྣལ་འབྱོར་མངོན་སུམ་ནི། །གང་སྣང་ཐམས་ཅད་ངེས་པས་ན། །སྣང་ལ་མ་ངེས་པ་མེད་དོ། །དེ་འདྲའི་དབང་མངོན་ལ་ཡང་ལྔ། །ཡིད་ནི་གཞན་དུ་ཕྱོགས་དུས་ཀྱི། །སོ་སྐྱེའི་གཟུགས་འཛིན་དབང་མངོན་ནས། །རེག་འཛིན་དབང་མངོན་བར་ལྔ་འམ། །སོ་སྐྱེའི་རྒྱུད་ཀྱི་དབང་མངོན་ལྔའི། །སྐད་ཅིག་ཐ་མ་ལྟ་བུའོ། །སོ་སྐྱེའི་དུས་མཐའ་སྐད་ཅིག་མའི། །ཡིད་མངོན་དང་ནི་རང་རིག་ཀུན། །སྣང་ལ་མ་ངེས་པ་ཡིན་ལ། །འཕགས་པའི་འདིར་བསྟན་ཡིད་མངོན་ནི། །ཚད་མར་རིགས་པའི་རྒྱན་ལས་གསུངས། །དེ་འདྲའི་རང་རིག་མངོན་སུམ་ནི། །རྒྱང་འཕེན་པ་དང་གཅེར་བུ་པའི། །རྒྱུད་ཀྱི་རྗེས་དཔག་ཚད་མ་དང་། །ལོག་པའི་ཤེས་པ་ལ་སོགས་པ། །ཉམས་སུ་མྱོང་བའི་རང་རིག་དང་། །རང་སྡེ་བྱེ་བྲག་སྨྲ་བ་ཡི། །རྒྱུད་ཀྱི་རང་རིག་ལྟ་བུ་དང་། །སོ་སྐྱེའི་རྒྱུད་ཀྱི་རང་རིག་གི །སྐད་ཅིག་ཐ་མ་ལྟ་བུ་མང་། །རྟོགས་ཟིན་རྟོགས་པའི་ཚད་མིན་གྱི། །རིག་པ་བཅད་ཤེས་ཀྱི་མཚན་ཉིད། །དབྱེ་ན་མངོན་སུམ་རྗེས་དཔག་གི །རྒྱུན་དུ་གྱུར་པའི་བཅད་ཤེས་དང་། །དེ་གཉིས་གང་རུང་མ་ཡིན་པའི། །བཅད་ཤེས་དང་བཅས་གསུམ་དུ་ཡོད། །དང་པོ་ལ་ཡང་དབང་ཡིད་དང་། །རང་རིག་རྣལ་འབྱོར་མངོན་སུམ་གྱི། །བཅད་ཤེས་ལ་སོགས་དུ་མ་ཡོད། །རིམ་བཞིན་དབང་མངོན་ལྔ་པོ་དང་། །གཞན་སེམས་ཤེས་པའི་མངོན་ཤེས་དང་། །རྒྱུན་དང་ལྡན་པའི་རང་རིག་དང་། །སློབ་པའི་རྣལ་འབྱོར་མངོན་སུམ་གྱི། །སྐད་ཅིག་གཉིས་པ་ལྟ་བུའོ། །མངོན་སུམ་སྐད་ཅིག་གཉིས་པ་ནི། །དེ་བཞི་གང་རུང་མ་ཡིན་པའི། །བཅད་ཤེས་སུ་ནི་འཇོག་ཀྱང་རུང་། །གཉིས་པ་རྗེས་དཔག་ཚད་མ་ཡི། །སྐད་ཅིག་གཉིས་པ་ལྟ་བུ་ཡིན། །གསུམ་པ་མངོན་རྗེས་སོ་སོ་ཡིས། །དྲངས་པའི་ངེས་ཤེས་ལྟ་བུ་དང་། །ཚད་མ་སྐད་ཅིག་གཉིས་པ་བཞིན། །བསྡུ་ན་རྟོག་པ་བཅད་ཤེས་དང་། །རྟོག་མེད་བཅད་ཤེས་གཉིས་སུ་འདུས། །ལོག་ཤེས་མཚན་ཉིད་རང་གི་ཡུལ། །ཕྱིན་ཅི་ལོག་ཏུ་འཛིན་པའི་བློའོ། །དབྱེ་ན་རྟོག་པ་ལོག་ཤེས་དང་། །རྟོག་མེད་ལོག་ཤེས་གཉིས་སུ་ཡོད། །རང་གི་ཞེན་ཡུལ་ལ་འཁྲུལ་བའི། །ཞེན་རིག་དང་པོའི་མཚན་ཉིད་དང་། །རང་གི་འཛིན་སྟངས་ལ་འཁྲུལ་བའི། །གསལ་སྣང་ཅན་གྱི་རིག་པ་དེ། །རྟོག་མེད་ལོག་ཤེས་ཀྱི་མཚན་ཉིད། །དང་པོ་ཆོས་དང་གང་ཟག་གི །བདག་འཛིན་རྣམ་གཉིས་ལྟ་བུ་དང་། །གངས་རི་སྔོན་པོར་སྣང་བ་ཡི། །དབང་ཤེས་ལྟ་བུ་གཉིས་པ་ཡིན། །ཚད་མ་ཡིད་ཀྱི་མུན་སེལ་ལས། །ལོག་རྟོག་རྟོག་པ་ལོག་ཤེས་དང་། །སྒྲོ་འདོགས་གསུམ་པོ་དོན་གཅིག་དང་། །དོན་མི་འགྱུར་གྱི་ཐེ་ཚོམ་ཡང་། །རྟོག་པ་ལོག་ཤེས་ཡིན་པར་གསུངས། །རང་གི་ཡུལ་ལ་མཐའ་གཉིས་སུ། །དོགས་པའི་སེམས་བྱུང་ཐེ་ཚོམ་སྟེ། །དོན་འགྱུར་མི་འགྱུར་ཆ་མཉམ་པའི། །ཐེ་ཚོམ་གསུམ་ཡོད་རིམ་པ་བཞིན། །སྒྲ་མི་རྟག་གམ་སྙམ་པ་དང་། །དེ་བཞིན་རྟག་གམ་སྙམ་པ་དང་། །རྟག་གམ་མི་རྟག་སྙམ་པའི་བློའོ། །ཐེ་ཚོམ་ལ་ནི་རྩ་ཉོན་གྱིས། །ཁྱབ་པར་བཞེད་དང་ཉོན་མོངས་ཅན། །ཡིན་མིན་གཉིས་སུ་ཕྱེ་བའང་ཡོད། །རང་མཚན་དང་ནི་སྤྱི་མཚན་ཉིད། །རིམ་བཞིན་སྣང་ཡུལ་བྱེད་པའི་བློ། །མངོན་སུམ་དང་ནི་རྟོག་པ་འོ། །དེ་ཡང་རྟོག་བྲལ་མ་འཁྲུལ་བའི། །རིག་པ་མངོན་སུམ་གྱི་མཚན་ཉིད། །དབྱེ་ན་དབང་མངོན་ཡིད་མངོན་དང་། །རང་རིག་རྣལ་འབྱོར་མངོན་སུམ་བཞི། །འཁྲུལ་རྒྱུ་བཞི་སྟེ་རྟེན་དང་ཡུལ། །གནས་དང་དེ་མ་ཐག་རྐྱེན་ལའོ། །བདག་རྐྱེན་དབང་པོ་གཟུགས་ཅན་ལས། །བྱུང་བའི་མངོན་སུམ་དབང་མངོན་ཏེ། །དེ་ལ་གཟུགས་འཛིན་དབང་མངོན་ནས། །རེག་བྱ་འཛིན་པའི་དབང་མངོན་བར། །ལྔ་ཡོད་དེ་རྣམས་རེ་རེ་ལའང་། །ཚད་མ་དང་ནི་བཅད་ཤེས་དང་། །སྣང་ལ་མ་ངེས་པ་གསུམ་ཡོད། །བདག་རྐྱེན་ཡིད་དབང་ལ་བརྟེན་ནས། །བྱུང་བའི་མངོན་སུམ་ཡིད་མངོན་ཏེ། །གཟུགས་འཛིན་ཡིད་མངོན་སོགས་ལྔ་ཡོད། །རྟོག་པ་དང་བྲལ་མ་འཁྲུལ་བའི། །འཛིན་རྣམ་རང་རིག་མངོན་སུམ་སྟེ། །དེ་གཉིས་ལ་ཡང་གོང་ལྟར་དུ། །ཚད་མ་ལ་སོགས་གསུམ་གསུམ་བཤད། །དེ་ལ་རྣལ་འབྱོར་མངོན་སུམ་ནི། །བདག་རྐྱེན་ཞི་ལྷག་ཟུང་འབྲེལ་གྱི། །ཏིང་འཛིན་བསྒོམས་སྟོབས་ལས་བྱུང་བའི། །འཕགས་པའི་རྒྱུད་ཀྱི་མངོན་སུམ་ཡིན། །རྟེན་གྱི་སྒོ་ནས་དབྱེ་ན་ནི། །ཉན་རང་ཐེག་ཆེན་འཕགས་པའི་གསུམ། །ངོ་བོའི་སྒོ་ནས་རེ་རེ་ལའང་། །མཐོང་སྒོམ་མི་སློབ་ལམ་དང་གསུམ། །ཡུལ་གྱི་སྒོ་ནས་གཉིས་ཡིན་ཏེ། །ཇི་ལྟ་ཇི་སྙེད་མཁྱེན་པ་འོ། །ལྡོག་ཕྱོགས་མངོན་སུམ་ལྟར་སྣང་ནི། །འཁྲུལ་དང་ཀུན་རྫོབ་ཤེས་པ་དང་། །རྗེས་དཔག་རྗེས་སུ་དཔག་ལས་བྱུང་། །དྲན་དང་མངོན་འདོད་ཅེས་བྱ་འོ། །མངོན་སུམ་ལྟར་སྣང་རབ་རིབ་བཅས། །ཞེས་གསུངས་དང་པོ་དྲུག་པོ་ནི། །རྟོག་པ་མངོན་སུམ་ལྟར་སྣང་དང་། །ཐ་མ་རབ་རིབ་ཅན་གྱི་བློ། །རྟོག་མེད་མངོན་སུམ་ལྟར་སྣང་སྟེ། །གོ་དོན་རིགས་རྒྱན་སོགས་སུ་ལྟོས། །རྟོག་མེད་མངོན་སུམ་ལྟར་སྣང་དང་། །མེད་པ་གསལ་སྣང་ཅན་གྱི་བློ། །རྟོག་མེད་ལོག་ཤེས་དོན་གཅིག་གོ །དེ་ཡང་སྒྲ་དོན་འདྲེས་རུང་དུ། །འཛིན་པའི་ཞེན་རིག་རྟོག་པ་སྟེ། །དབྱེ་བ་རྟོག་པ་དོན་མཐུན་དང་། །རྟོག་པ་དོན་མི་མཐུན་དང་གཉིས། །མིང་སྦྱོར་དོན་སྦྱོར་རྟོག་པ་གཉིས། །བརྡ་རྟེན་ཅན་གྱི་རྟོག་པ་དང་། །དོན་གཞན་ལ་ནི་སྒྲོ་འདོགས་དང་། །ལྐོག་ཏུ་གྱུར་པའི་དོན་ཅན་གྱི། །རྟོག་པ་གསུམ་སོགས་དབྱེ་ཚུལ་མང་། །གཞན་ཡང་ཐོས་བསམ་སྒོམ་གསུམ་གྱི། །རྟོག་པ་གསུམ་ཡོད་དོན་རིམ་བཞིན། །སྒྲ་སྤྱི་ཙམ་གྱིས་འཛིན་པ་དང་། །དོན་ལ་བསམས་ནས་ངེས་རྙེད་དང་། །བསམ་བྱུང་དོན་ལ་ཡང་ཡང་དུ། །འདྲིས་པའི་གོང་སའི་ཞེན་རིག་གོ །ཚད་མའི་གྲངས་ལ་མང་ཉུང་གི །ལོག་རྟོག་བྱུང་ཚུལ་འདི་ལྟ་སྟེ། །རྒྱང་འཕེན་པ་དང་གཅེར་བུ་པས། །མངོན་སུམ་ཚད་མ་གཅིག་ཙམ་འདོད། །གྲངས་ཅན་པ་ནི་མངོན་རྗེས་དང་། །སྒྲ་བྱུང་ཚད་མ་གསུམ་ཡིན་ཟེར། །རིགས་པ་ཅན་པས་དེ་གསུམ་སྟེང་། །དཔེ་ཉེར་འཇལ་དང་བཞི་རུ་འདོད། །རྒྱལ་དཔོག་པ་ནི་དེ་བཞི་དང་། །དོན་གྱི་གོ་བའི་ཚད་མ་དང་། །དངོས་པོ་མེད་པའི་ཚད་མ་དང་། །དྲུག་པོ་ཁོ་ནར་གྲངས་ངེས་ཟེར། །ཙ་རི་ཀ་པས་དེ་དྲུག་སྟེང་། །རིགས་པ་དང་ནི་མི་དམིགས་དང་། །ཞེས་གྲགས་པ་དང་སྲིད་པ་དང་། །སྙམ་སེམས་པ་ཡི་ཚད་མ་བཅས། །བཅུ་གཅིག་ཏུ་ནི་གྲངས་ངེས་ཟེར། །རང་ལུགས་མངོན་རྗེས་གཉིས་སུ་ངེས། །དེ་ལ་གསར་དུ་མི་སླུ་བའི། །རིག་པ་ཚད་མའི་མཚན་ཉིད་ཡིན། །དབྱེ་ན་མངོན་རྗེས་ཚད་མ་གཉིས། །གཞན་ཡང་རང་ལས་ངེས་པ་དང་། །གཞན་ལས་ངེས་ཀྱི་ཚད་མ་གཉིས། །སྒྲས་བརྗོད་སྒོ་ནས་སྐྱེས་བུ་དང་། །ངག་དང་ཤེས་པ་ཚད་མ་གསུམ། །རྟེན་རྟགས་ཡང་དག་ལ་བརྟེན་ནས། །ལྐོག་གྱུར་དོན་འཇལ་རྗེས་དཔག་སྟེ། །དབྱེ་ན་དངོས་སྟོབས་གྲགས་པའི་དང་། །ཡིད་ཆེས་རྗེས་དཔག་གསུམ་དུ་བཤད། །རྗེས་དཔག་རྗེས་དཔག་ཚད་མ་གཉིས། །དོན་གཅིག་ཏུ་ནི་ཤེས་པར་བྱ། །རང་གི་གཞལ་བྱའི་ཡུལ་སྟེང་དོན། །གྲུབ་པ་མེད་ན་མི་འབྱུང་བའི། །ངེས་པ་རང་དང་གཞན་སྟོབས་ཀྱིས། །འདྲེན་པའི་ཚད་མ་རང་ལས་དང་། །གཞན་ལས་ངེས་ཀྱི་ཚད་མ་ཡིན། །རང་རིག་རྣལ་འབྱོར་མངོན་སུམ་གྱི། །ཚད་མ་གཉིས་དང་རྗེས་དཔག་དང་། །དོན་བྱེད་སྣང་ཅན་གོམས་པ་ཅན། །གང་རུང་གྱུར་པའི་ཚད་མ་ལྔ། །རང་ལས་ངེས་ཀྱི་ཚད་མ་ཡིན། །གཞན་ལས་ངེས་ཀྱི་ཚད་མ་ལ། །སྒྲས་བརྗོད་སྒོ་ནས་དབྱེ་བ་ནི། །དང་པོ་བ་དང་ཡིད་མ་གཏད། །མངོན་སུམ་འཁྲུལ་རྒྱུ་ཅན་དང་གསུམ། །སྣང་བ་རང་དང་བདེན་པ་གཞན། །སྤྱིར་ནི་རང་དང་ཁྱད་པར་གཞན། །སྣང་བ་ཉིད་ཀྱང་གཞན་ངེས་ཀྱི། །ཚད་མ་གསུམ་སོགས་བཤད་མོད་ཀྱི། །དངོས་བརྟགས་ཁྱད་པར་ཕྱེ་བ་གཅེས། །གཞན་ལས་ངེས་ཀྱིས་ཚད་མ་ལ། །ཚད་མས་ཁྱབ་ཀྱང་ཆོས་དེ་ལ། །གཞན་ལས་ངེས་ཀྱི་ཚད་མ་ལ། །དེ་ལ་ཚད་མ་མ་ཡིན་པས། །ཁྱབ་པ་ལ་སོགས་ཞིབ་ཆ་དགོས། །ཡུལ་ལ་སྣང་གཟུང་ཞེན་འཇུག་བཞི། །སྣང་ཡུལ་གཟུང་ཡུལ་དོན་གཅིག་ཅིང་། །ཕྱི་རོལ་ཡུལ་ལ་མི་ལྟོས་པའི། །སྐྲ་ཤད་འཛག་སྣང་སོགས་མ་གཏོགས། །ཤེས་པ་ཀུན་ལ་སྣང་ཡུལ་ཡོད། །ཞེན་ཡུལ་རྟོག་པའི་སྒོས་ཆོས་ཏེ། །རྟོག་པ་དོན་མཐུན་ཀུན་ལ་ཡོད། །འཇུག་ཡུལ་ཚད་མས་བཅད་དོན་ཏེ། །ཚད་མ་དང་ནི་དེ་ལྡན་གྱི། །སྐྱེས་བུ་ཀུན་ལ་ཡོད་པ་ཡིན། །རྟོག་པའི་ཞེན་ཡུལ་རྟོག་པ་ལ། །སྣང་ཡང་དེ་ཡི་སྣང་ཡུལ་མིན། །དེ་བཞིན་དེ་ཡི་སྣང་ཡུལ་ནི། །ཞེན་ས་ཡིན་ཡང་ཞེན་ཡུལ་མིན། །དབང་མངོན་རྣམས་ལ་དམིགས་རྐྱེན་དང་། །བདག་རྐྱེན་དེ་མ་ཐག་རྐྱེན་གསུམ། །གཟུགས་འཛིན་དབང་པོའི་མངོན་སུམ་ལ། །རང་གི་རྣམ་པ་གཏོད་བྱེད་ཀྱི། །རྐྱེན་དེ་དེ་ཡི་དམིགས་རྐྱེན་ཡིན། །མཚན་གཞི་དཔེར་ན་གཟུགས་ལྟ་བུ། །དེ་འདྲའི་དབང་མངོན་རང་དབང་དུ། །སྐྱེད་བྱེད་རྐྱེན་དེ་བདག་རྐྱེན་ཏེ། །ཐུན་མོང་ཐུན་མོང་མ་ཡིན་པའི། །བདག་རྐྱེན་གཉིས་ཡོད་དང་པོ་ནི། །དེ་ཡི་བདག་རྐྱེན་ཡིད་དང་ནི། །གཉིས་པ་མིག་དབང་ལྟ་བུའོ། །དེ་འདྲའི་དབང་མངོན་གསལ་རིག་ཏུ། །སྐྱེད་པའི་རྐྱེན་ནི་གསུམ་པ་སྟེ། །དེ་ཡི་སྔ་ལོགས་དེ་མ་ཐག །བྱུང་བའི་ཡིད་ཤེས་ལྟ་བུའོ། །དེ་ཡིས་སྒྲ་འཛིན་སོགས་ལའང་འདྲ། །སེམས་ཙམ་ལུགས་ལ་བདག་རྐྱེན་དང་། །དེ་མ་ཐག་རྐྱེན་ཕལ་ཆེར་འདྲ། །དམིགས་རྐྱེན་ལ་ནི་དངོས་བཏགས་ཀྱི། །འཇོག་ཚུལ་མི་འདྲའི་ཁྱད་པར་ཡོད། །འདིར་བསྟན་ཡིད་མངོན་སྐྱེ་ཚུལ་ལ། །དབང་མངོན་སྐད་ཅིག་གཉིས་པ་ཕན། །ཡིད་མངོན་དང་ནི་དབང་ཡིད་གཉིས། །སྤེལ་མར་སྐྱེ་དང་འགྲོས་གསུམ་དང་། །རྒྱུན་གྱི་ཡིད་མངོན་འདོད་ཚུལ་རྣམས། །མི་འདོད་རང་ལུགས་དབང་མངོན་གྱི། །རྒྱུན་མཐའ་ཁོ་ནར་སྐྱེ་བར་བཞེད། །རྟོག་བཅས་རྟོག་མེད་ཁྱད་པར་ཡང་། །ཕལ་ཆེར་གོང་སྨོས་ཤེས་པར་ནུས། །དབང་ཤེས་དང་ནི་མངོན་སུམ་གཉིས། །རྟོག་མེད་ཤེས་པ་ཁོ་ན་ཡིན། །ཡིད་ཤེས་ལ་ནི་རྟོག་བཅས་དང་། །རྟོག་མེད་ཤེས་པ་གཉིས་སུ་ཡོད། །སེམས་དང་སེམས་ལས་བྱུང་བ་ནི། །སེམས་དང་ཡིད་དང་རྣམ་ཤེས་རྣམས། །དོན་གཅིག་མིང་གི་རྣམ་གྲངས་ཡིན། །དབྱེ་ན་མིག་གི་རྣམ་ཤེས་ནས། །ཡིད་ཀྱི་རྣམ་ཤེས་བར་དྲུག་ཡོད། །སེམས་བྱུང་ལྔ་བཅུ་རྩ་གཅིག་སྟེ། །ཀུན་འགྲོ་ལྔ་དང་ཡུལ་ངེས་ལྔ། །དགེ་བ་བཅུ་གཅིག་རྩ་ཉོན་དྲུག །ཉེ་ཉོན་ཉི་ཤུ་གཞན་འགྱུར་བཞིའོ། །ཚོར་བ་འདུ་ཤེས་སེམས་པ་དང་། །ཡིད་ལ་བྱེད་དང་རེག་པ་ལྔ། །གཙོ་སེམས་ཀུན་གྱི་འཁོར་དུ་ནི། །འགྲོ་ཕྱིར་ཀུན་འགྲོ་ཞེས་བྱའོ། །འདུན་པ་མོས་པ་དྲན་པ་དང་། །ཏིང་འཛིན་ཤེས་རབ་ལྔ་པོ་ཡུལ། །བྱེ་བྲག་པ་ལ་འཇུག་ངེས་ཕྱིར། །ཡུལ་ངེས་ཞེས་པར་བཤད་པ་ཡིན། །དད་དང་ངོ་ཚ་ཤེས་ཁྲེལ་ཡོད། །འདོད་ཆགས་དང་ནི་ཞེ་སྡང་དང་། །གཏི་མུག་མེད་པའི་དགེ་རྩ་གསུམ། །བརྩོན་འགྲུས་ཤིན་སྦྱངས་བག་ཡོད་དང་། །བཏང་སྙོམས་རྣམ་པར་མི་འཚེ་རྣམས། །གཉེན་པོ་ངོ་བོ་མཚུངས་ལྡན་སོགས། །ཅི་རིགས་སྒོ་ནས་དགེ་བའོ། །འདོད་ཆགས་ཁོང་ཁྲོ་ང་རྒྱལ་དང་། །མ་རིག་ཐེ་ཚོམ་ལྟ་བ་དྲུག །རྩ་ཉོན་ཡིན་ཏེ་སེམས་རྒྱུད་ནི། །ཉོན་མོངས་བྱེད་པའི་གཙོ་བོ་འོ། །ཁྲོ་བ་ཁོན་འཛིན་འཆབ་དང་འཚིག །ཕྲག་དོག་སེར་སྣ་སྒྱུ་དང་གཡོ། །རྒྱགས་དང་རྣམ་འཚེ་ངོ་ཚ་མེད། །ཁྲེལ་མེད་རྨུགས་རྒོད་མ་དད་དང་། །ལེ་ལོ་བག་མེད་བརྗེད་ངས་དང་། །ཤེས་བཞིན་མ་ཡིན་རྣམ་གཡེང་བཅས། །ཉི་ཤུ་རྩ་ཉོན་འཕེལ་སྐྱེ་དང་། །ཉེ་ཕྱིར་ཉེ་བའི་ཉོན་མོངས་སོ། །གཉིད་འགྱོད་རྟོག་དཔྱོད་གཞན་འགྱུར་ཏེ། །ཀུན་སློང་མཚུངས་ལྡན་ཅི་རིགས་ཀྱིས། །དགེ་དང་མི་དགེ་ལུང་མ་བསྟན། །གཞན་དང་གཞན་དུ་འགྱུར་བའོ། །མདོ་སྡེ་སྤྱོད་པའི་དབུ་མ་པ། །ཐལ་འགྱུར་བ་དང་བྱེ་སྨྲ་གསུམ། །མངོན་སུམ་ལ་ནི་དབང་ཡིད་དང་། །རྣལ་འབྱོར་མངོན་སུམ་གསུམ་འདོད་དེ། །རང་རིག་མངོན་སུམ་ཁས་མི་ལེན། །མདོ་སྡེ་པ་དང་སེམས་ཙམ་པ། །རྣལ་འབྱོར་སྤྱོད་པའི་དབུ་མ་པས། །དབང་མངོན་ཡིད་མངོན་རང་རིག་དང་། །རྣལ་འབྱོར་མངོན་སུམ་བཞིར་བཞེད་དོ། །འདིར་ནི་མང་དུ་དོགས་པའི་ཕྱིར། །ཕལ་ཆེར་རྐང་གྲངས་ཙམ་ཞིག་བསྟན། །སོ་སོའི་མཚན་གཞི་གོ་དོན་སོགས། །སྤྱི་དོན་རིགས་རྒྱན་སོགས་ལ་ལྟོས།། །།
སྨྲས་པ། །བློ་གྲོས་ཞིབ་མོས་བླང་དོར་གྱི། །བློ་ཡི་སྤུ་རིས་འབྱེད་པའི་ཕྱིར། །བློ་རིག་སྡོམ་ཚིག་མདོར་བསྡུས་འདི། །བློ་བཟང་མིང་ཅན་ཞིག་གིས་བཀོད། །འདིར་འབད་དགེ་བས་འགྲོ་བ་ཀུན། །ལེགས་ཉེས་ལྟ་བའི་མིག་ཕྱེ་ནས། །མ་ནོར་ལམ་བཟང་མཐར་ཕྱིན་ཏེ། །ཀུན་མཁྱེན་གོ་འཕང་མྱུར་ཐོབ་ཤོག །ཚུལ་འདི་ལྷག་བསམ་དགེ་བ་ཅན། །དགེ་སློང་ངག་དབང་བཟོད་པ་ཡིས། །མཐུན་རྐྱེན་སྦྱར་ཏེ་པར་དུ་བསྒྲུབས། །འདིས་མཚོན་དུས་གསུམ་དགེ་བའི་མཐུས། །ཚེ་འདིའི་ཕ་མས་ཐོག་དྲངས་པའི། །མཁའ་མཉམ་འགྲོ་བ་མ་ལུས་པ། །དལ་འབྱོར་རྟེན་བཟང་རིམ་བརྒྱུད་ནས། །སྐུ་གསུམ་གོ་འཕང་མྱུར་ཐོབ་ཤོག།། །།
Tuesday, 21 July 2015
གཅེས་འཛིན་གཉིས་ཀྱི་སྐྱོན་ཡོན་གྱི་སྐོར་ལ་བློ་སྦྱོང་ཚུལ།
གཅེས་འཛིན་ལ་ལྟས་ངན་བྱེའུ་མགོ་སྔོན་དང༌། བློ་སྦྱོང་ལ་འགོང་པོ་འགོང་རྫོང་གི་ཆོས་ཞེས་གསུངས་པའང་དེའི་གནད་ཀྱིས་ཡིན། སྔར་གཅོད་པ་ཞིག་གིས་བཙན་གྱི་གནས་ས་འཕྲོགས་ཏེ་བསྡད་པའི་འཕྲུལ་གྱིས། ཉིན་གཅིག་གཅོད་པའི་སྦྱིན་བདག་གཉིས་འཐབ་རྩོད་བྱུང་བ་ན། གཅོད་པ་དེས་སྦྱིན་བདག་གཉིས་ལ་བར་འདུམ་བྱེད་པར་སོང་བས་སྦྱིན་བདག་གཅིག་གིས་མཚོན་འཕངས་པ་གཅོད་པ་ལ་ཐེབས་ཏེ་བསད་ཚུལ་བདག་གི་བླ་མ་རིན་པོ་ཆེས་གསུངས། དེ་ལྟ་བུའི་གྲིར་ཤི་བ་སོགས་ཀྱི་རྩ་བའམ་ལན་རྩ་ཡང་རང་གཅེས་འཛིན་འདི་ཁོ་ན་ལ་ཐུག་ཅིང༌། སྤྱོད་འཇུག་ལས་ཀྱང༌། ཡིད་ཁྱོད་རང་དོན་བྱེད་འདོད་པས། །བསྐལ་པ་གྲངས་མེད་འདས་གྱུར་ཀྱང༌། ། ངལ་བ་ཆེན་པོ་དེ་ལྟ་བུས། །ཁྱོད་ཀྱིས་སྡུག་བསྔལ་འབའ་ཞིག་སྒྲུབ། །ཅེས་གསུངས་པ་བཞིན། རང་རེ་འཁོར་བ་ཐོག་མེད་ནས་སྡུག་ཏུ་འཇུག་མཁན་ནི་རང་གཅེས་འཛིན་འདི་ཉིད་ཡིན། བདག་གཅེས་འཛིན་དང་བདག་འཛིན་གཉིས་སོ་སོ་ཡིན་ཡང་བློ་སྦྱོང་ལས་གཅིག་ལྟ་བུར་གསུངས་པ་དེ་གཉིས་ཕྱོགས་མཐུན་པས་ཡིན། མདོར་ན་དེ་གཉིས་ནི་ཉེས་པ་ཀུན་གྱི་རྩ་བ་ལྟ་བུ་སྟེ། གཅིག་གིས་ང་ང་སྙམ་དུ་ང་བདེན་གྲུབ་ཏུ་བཟུང་ཞིང༌། གཅིག་གིས་ང་བློས་མ་ཐོངས་པར་གཅེས་པར་བཟུང་ནས་བསྡད་ཡོད་པ་ཡིན། མདོར་ན་ཉེས་པ་ཐམས་ཅད་ང་བདེ་བ་ཞིག་དགོས་ཞེས་བློ་ཕུགས་སུ་བཞག་པ་དེ་ལས་བྱུང༌།
དེ་ལྟར་རང་གཅེས་འཛིན་མ་བཏུལ་ན་སྐྱིད་མི་འབྱུང་བས། དེ་སྔོན་རང་ལ་སྡུག་བསྔལ་བྱུང་བའི་ལན་རྩ་རྩད་མ་བཅད་པས་ལན་པར་འདུག། ད་ཕྱིན་ཆད་ལན་རྩ་རྩད་ཆོད་པས་རང་གཅེས་འཛིན་འདི་ལ་དགྲར་བལྟས་ཏེ་སྤོང་ཐབས་བྱ་དགོས་གསུངས།
Monday, 20 July 2015
དྲི་བ་དྲི་ལན།
ས་དང་ཆུ་དང་མེ་དང་རླུང་། །
སྨན་དང་དགོན་པའི་ཤིང་བཞིན་དུ། །
རྟག་ཏུ་སངས་རྒྱས་ཐམས་ཅད་ཀྱིས། །
རང་དགར་དགག་མེད་སྤྱོད་པར་ཤོག ། ༨༣
སེམས་ཅན་རྣམས་ལ་སྲོག་བཞིན་ཕངས། །
བདག་ལས་དེ་དག་ཆེས་ཕངས་ཤོག །
བདག་ལ་དེ་དག་སྡིག་སྨིན་ཅིང་། །
བདག་དགེ་མ་ལུས་དེར་སྨིན་ཤོག ། ༨༤
ཇི་སྲིད་སེམས་ཅན་འགའ་ཞིག་ཀྱང་། །
གང་དུ་མ་གྲོལ་དེ་སྲིད་དུ། །
དེ་ཕྱིར་བླ་ན་མེད་པ་ཡི། །
བྱང་ཆུབ་ཐོབ་ཀྱང་གནས་གྱུར་ཅིག ། ༨༥
སྐྱེས་བུ་ས་མིན་ཆུ་མ་ཡིན། །
མེ་མིན་རླུང་མིན་ནམ་མཁའ་མིན། །
རྣམ་ཤེས་མ་ཡིན་ཀུན་མིན་ན། །
དེ་ལས་གཞན་དོན་སྐྱེས་བུ་གང་། ། ༨༠
སྐྱེས་བུ་ཁམས་དྲུག་འདུས་པའི་ཕྱིར། །
ཡང་དག་མ་ཡིན་ཇི་ལྟ་བ། །
དེ་བཞིན་ཁམས་ནི་རེ་རེ་ལའང་། །
འདུས་ཕྱིར་ཡང་དག་ཉིད་དུ་མིན། ། ༨༡
གཟུགས་ཀྱི་དངོས་པོ་མིང་ཙམ་ཕྱིར། །
ནམ་མཁའ་ཡང་ནི་མིང་ཙམ་མོ། །
འབྱུང་མེད་གཟུགས་ལྟ་ག་ལ་ཡོད། །
དེ་ཕྱིར་མིང་ཙམ་ཉིད་ཀྱང་མེད། །
- དྲི་བ་གཉི་པ། ལས་རུང་མ་གཏང་བའི་སྔོན་དུ་སྔོན་འགྲོ་གང་གཏང་དགོས་གསུང་གནང་ཞུ།
- དྲི་བ་གསུམ་པ། ཚིག་དོན་འབྲས་བཤད་སྐྱབས་འཇུག་གནང་རོགས་གནང་།
ཨཿ ཀཿ སཿ མཿ རཿ ཙཿ ཤཿ དཿ རཿ སཿ མཿ རཿ ཡཿ ཕཊཿ ཟེར་བ་གངས་ངེས་ལ་
Sunday, 19 July 2015
གཉིས་པ་རང་གི་ལན་གདབ་པ།
གཉིས་པ་རང་གིས་ལན་གདབ་པ་ནི། རྒྱུད་སྡེའི་སྒོ་ནས་འཇུག་སྒོ་མི་འདྲ་བ་བཞིར་བཞག་པ་ནི་ཐེག་པ་སོ་སོ་བ་ཡང་མ་ཡིན་ལ། ལྷའི་རྣལ་འབྱོར་སོགས་ལམ་གྱི་ཁྱད་པར་མི་འདྲ་བ་ཙམ་གྱིས་ཀྱང་མ་ཡིན་མོད། འོན་ཀྱང་རྡོ་རྗེ་ཐེག་པ་ལ་འཇུག་པའི་གདུལ་བྱའི་གཙོ་བོ་ཆེས་མི་འདྲ་བ་བཞི་ཡོད་པས་འཇུག་སྒོ་བཞིར་བཞག་གོ །གདུལ་བྱ་མི་འདྲ་བའི་ཁྱད་པར་དེ་ལྟར་འོང་བ་ཡང་སྒོ་གཉིས་ནས་ཡིན་ཏེ། འདོད་ཡོན་ལ་ཆགས་པ་ལམ་དུ་བྱེད་ཚུལ་མི་འདྲ་བ་བཞི་ཡོད་པ་དང༌། གང་གི་སྒོ་ནས་དེ་ལྟར་ལམ་དུ་བྱེད་པའི་སྟོང་པ་དང་ལྷའི་རྣལ་འབྱོར་རྒྱུད་ལ་སྐྱེད་པའི་ནུས་པ་མཆོག་དམན་བཞི་ཡོད་པའི་དབང་གིས་ཡིན་ནོ། །དེ་ལ་དང་པོ་ནི། ཁ་སྦྱོར་གྱི་བརྟག་པ་དྲུག་པའི་རབ་བྱེད་གསུམ་པ་ལས། རྒོད་དང་ལྟ་དང་ལག་བཅངས་དང༌། །གཉིས་གཉིས་འཁྱུད་དང་རྣམ་པ་བཞི། །སྲིན་བུའི་ཚུལ་གྱིས་རྒྱུད་བཞིར་གནས། །ཞེས་གསུངས་ཤིང༌། བརྟག་གཉིས་ལས་ཀྱང་འདི་དང་དོན་འདྲ་བར་གསུངས་སོ། །འདི་མན་ངག་སྙེ་མར་ལམ་གྱི་རྒྱུད་ལ་བཤད་ཅིང་གཞུང་གི་རྒྱུད་ལ་མ་བཤད་ཀྱང༌། བརྟག་པ་བདུན་པའི་རབ་བྱེད་དང་པོའ་ིསྙེ་མར་གཞུང་གི་རྒྱུད་ལ་ཡང་བཤད་ལ། དཔའ་བོ་རྡོ་རྗེས་ཀྱང་ཁ་སྦྱོར་གྱི་འགྲེལ་པར་རྒྱུད་སྡེ་བཞི་ལ་བཤད་དོ། རྡོ་རྗེ་སྙིང་པོ་རྒྱན་གྱི་རྒྱུད་ཀྱི་བཅུ་གཅིག་པ་ལས་ཀྱང་ཐབས་ཀྱི་རྒྱུད་ཀྱི་འདོད་ཆགས་ཀྱི་རྒྱུད་ཀྱི་དབྱེ་བ་མང་དུ་གསུངས་པའི་མཐར། འདི་ནི་གཉིས་པོ་འཁྱུད་པ་ཡིས། །རྒྱུད་ཀྱི་དབྱེ་བ་བསྟན་པ་འོ།
Saturday, 18 July 2015
Thursday, 16 July 2015
བདག་གཅེས་འཛིན་གྱི་སྐྱོན་སྒོ་དུ་མ་ནས་བསམ་པ།
དེར་མ་ཟད། མཐོ་རིས་དང་ཐར་པའི་སྲོག་གཅོད་པའི་བཤན་པ་ལྟ་བུ། དུག་གསུམ་གྱི་རྐྱལ་བ་ཁུར་ནས་དགེ་བའི་ལོ་ཏོག་བརྐུ་བའི་ཆོམ་རྐུན་ལྟ་བུ། མ་རིག་པའི་ཞིང་ས་ལ་ལས་ངན་པའི་ས་བོན་བཏབ་ནས་འཁོར་བའི་ལོ་ཏོག་འགྲུབ་པར་བྱེད་པའི་སོ་ནམ་མཁན་ལྟ་བུ། མདའ་མདུང་གྲི་ཁ་འཐབ་པའི་དཀྱིལ་ཚུན་ནས་ཁེ་ཞིག་ཐོབ་ཏུ་རེ་བའི་བརྣབ་སེམས་མཁན། གྱོང་འདུག་ན་བླ་མ་མཁན་པོ་ཕ་མ་ཚུན་གྱི་ཐོག་ཏུའང་གཡུག་ཕོད་པའི་ཁྲེལ་མེད་གཞུང་ངན་པོ། ཐོག་མེད་ནས་ལེགས་པའི་ཡོན་ཏན་གང་གིའང་དོན་མ་གྲུབ་པའི་སྒྲེན་མོ་ལག་སྟོང་ཅན། རེ་དོགས་མེད་པ་ལ་རེ་དོགས་བྱེད་མཁན། མཐོ་མཉམ་དམན་གསུམ་ལ་ཕྲག་དོག །འགྲན་སེམས། ཁྱད་གསོད་བྱེད་ཅིང༌། བསྟོད་ན་དྲེགས་ཤིང་སྨད་ན་ཁྲོ་བ། འཇིག་རྟེན་གྱི་མི་ལེགས་པ་ཐམས་ཅད་འགུགས་མཁན། མི་དགེ་ཐམས་ཅད་ཀྱི་འབྱུང་ཁུངས། ཐོག་མེད་ནས་རང་ཉིད་སྡུག་བསྔལ་ལ་སྦྱོར་མཁན་ཕུང་བྱེད་འུག་པའི་མགོ་ཅན་དང་འདྲ་བའང་རང་གཅེས་འཛིན་ཡིན་པས། གཏད་རང་གི་སྙིང་དབུས་སུ་ཡོད་པ་ལ། བསྐུལ་དང་གཏོར་མ་བརྒྱག་ན་འདི་ཐོག་ཏུ་བརྒྱག་དགོས་པ་ལས། ངེད་ཚོས་གཏོར་བརྒྱག་གི་སྐབས་དགྲ་ཨམ་ཞིག་ཡིན་ཟེར་ནས་མ་རྒན་སེམས་ཅན་གྱི་སྟེང་དུ་གཏོར་རྒྱག་བྱེད་པ་གོ་ནོར་བ་རེད།
Wednesday, 15 July 2015
བླང་དོར་གསལ་བའི་མེ་ལོང་། ཉིན་གཉིས་པ།
༄༅། །བློ་སྡོམ་གསལ་བའི་མེ་ལོང་ཞེས་བྱ་བ་བཞུགས་སོ། །
༄༅། །ན་མོ་མཉྫུ་ཤྲཱི་ཡེ། །བློ་རིག་རྣམ་གཞག་བཤད་པ་ལ། །ཡུལ་ཅན་བློ་དང་ཡུལ་གཉིས་ལས། །སྤྱིར་ན་ཡུལ་ཅན་གྱི་མཚན་ཉིད། །རང་ཡུལ་ཅི་རིགས་ལྡན་པ་ཡི། །དངོས་པོ་དེ་ཡིན་དབྱེ་བ་ནི། །གཟུགས་ཤེས་ལྡན་མིན་འདུ་བྱེད་གསུམ། །བརྗོད་བྱེད་སྒྲ་ཀུན་དང་པོ་དང་། །ཤེས་པ་ཐམས་ཅད་གཉིས་པ་དང་། །གང་ཟག་མཐའ་དག་གསུམ་པ་ཡིན། །བློ་ལ་མཚན་ཉིད་རྣམ་གྲངས་དང་། །དབྱེ་བ་གསུམ་ལས་དང་པོ་ནི། །རིག་པ་བློ་ཡི་མཚན་ཉིད་ཡིན། །བློ་དང་ཤེས་པ་རིག་པ་དང་། །གསལ་བ་རྣམས་ནི་དོན་གཅིག་ཡིན། །དབྱེ་ན་རྣམ་པ་མང་ཡོད་དེ། །རྟོགས་པའི་བློ་དང་མ་རྟོགས་བློ། །བློ་རིག་བདུན་དུ་དབྱེ་བ་དང་། །ཚད་མ་དང་ནི་ཚད་མིན་དང་། །རྟོག་བཅས་རྟོག་མེད་བློ་གཉིས་དང་། །མངོན་སུམ་དང་ནི་རྗེས་དཔག་དང་། །སེམས་དང་སེམས་བྱུང་གཉིས་སོགས་མང་། །རང་ཡུལ་རྟོགས་དང་མ་རྟོགས་ལ། །རྟོགས་དང་མ་རྟོགས་བློ་ཞེས་བྱ། །བློ་རིགས་བདུན་ལས་མངོན་རྗེས་དང་། །བཅད་ཤེས་གསུམ་པོ་རྟོགས་པའི་བློ། །གཞན་བཞི་མ་རྟོགས་བློ་ཡིན་ལ། །དེ་ཡང་མཁས་པ་ཁ་ཅིག་གིས། །ཡིད་དཔྱོད་རྟོགས་བློར་གསུངས་པ་ནི། །ཡིད་དཔྱོད་ཙམ་གྱིས་རྟོགས་ལ་དགོངས། །རྟོགས་ལ་དངོས་རྟོགས་ཤུགས་རྟོགས་གཉིས། །རྣམ་པ་ཤར་དང་མ་ཤར་བར། །ཡུལ་དེ་རྟོགས་ལ་རིམ་བཞིན་འདོད། །སྡེ་བདུན་ཡིད་ཀྱི་མུན་སེལ་ལས། །སྤྱིར་བཏང་ཚད་མས་དངོས་ཤུགས་དང་། །མངོན་སུམ་དང་ནི་རྗེས་དཔག་གིས། །དངོས་རྟོགས་ཤུགས་རྟོགས་གསུངས་པ་དེ། །དང་པོ་གོ་ཐོབ་རིག་པ་དང་། །གཉིས་པ་མདོ་སྡེ་པ་ཡི་ལུགས། །ཡང་ན་ཕྱི་མ་གཉིས་པོ་ནི། །མངོན་རྗེས་བྱེ་བྲག་པ་ལ་དགོངས། །ཚད་མིན་བློ་ཡི་དངོས་ཤུགས་ཀྱིས། །རྟོགས་ཚུལ་གསུངས་པའང་དེས་རིགས་འགྲེ། །བློ་རིག་བདུན་དུ་དབྱེ་བ་ནི། །ཡིད་དཔྱོད་སྣང་ལ་མ་ངེས་པ། །བཅད་ཤེས་ལོག་ཤེས་ཐེ་ཚོམ་དང་། །མངོན་སུམ་རྗེས་དཔག་དང་བཅས་བདུན། །དེ་ཡང་རང་ཡུལ་བདེན་པ་ལ། །གསར་དུ་ཞེན་པའི་ཚད་མིན་བློ། །ཡིད་དཔྱོད་ཀྱི་ནི་མཚན་ཉིད་ཡིན། །དབྱེ་ན་རྒྱུ་མཚན་མེད་པ་དང་། །དེ་བཞིན་རྒྱུ་མཚན་འགལ་བ་དང་། །མ་ངེས་པ་དང་མ་གྲུབ་དང་། །ཡོད་ཀྱང་གཏན་ལ་མ་ཕབ་པའི། །ཡིད་དཔྱོད་དང་བཅས་རྣམ་པ་ལྔ། །མཚན་གཞི་གོ་རིམ་བཞིན་དུ་སྒྲ། །མི་རྟག་ཅེས་པའི་ངག་ཙམ་ལས། །སྒྲ་མི་རྟག་པར་འཛིན་པའི་བློ། །དེ་བཞིན་དུ་ནི་དེ་སྒྲུབ་ཀྱི། །འགལ་དང་མ་ངེས་མ་གྲུབ་པའི། །རྟགས་ལས་དེ་ལྟར་འཛིན་པ་དང་། །བྱས་པའི་རྟགས་ལ་བརྟེན་ནས་སྒྲ། །མི་རྟག་པ་རུ་འཛིན་པ་ཡི། །ཡིད་དཔྱོད་ལྟ་བུ་ཡིན་ཞེས་གསུངས། །བསྡུས་ན་གཉིས་ཏེ་དང་པོ་ནི། །རྒྱུ་མཚན་མེད་པའི་ཡིད་དཔྱོད་དང་། །ཡིད་དཔྱོད་ཕྱི་མ་བཞི་པོ་ནི། །རྒྱུ་མཚན་ཅན་གྱི་ཡིད་དཔྱོད་དོ། །ཐོས་བྱུང་ཙམ་གྱི་གོ་བ་ནི། །ཕལ་ཆེར་ཡིད་དཔྱོད་ཡིན་པས་ན། །དེ་རྒྱུན་བརྟན་པོ་མིན་ཞེས་གསུངས། །སྣང་ལ་མ་ངེས་པ་ཡི་བློ། །རང་གི་འཇུག་ཡུལ་རང་མཚན་ནི། །གསལ་བར་སྣང་ཡང་མ་ངེས་པའོ། །དབྱེ་ན་གསུམ་སྟེ་དེར་གྱུར་པའི། །དབང་མངོན་ཡིད་མངོན་རང་རིག་གསུམ། །དེ་ལ་རྣལ་འབྱོར་མངོན་སུམ་ནི། །གང་སྣང་ཐམས་ཅད་ངེས་པས་ན། །སྣང་ལ་མ་ངེས་པ་མེད་དོ། །དེ་འདྲའི་དབང་མངོན་ལ་ཡང་ལྔ། །ཡིད་ནི་གཞན་དུ་ཕྱོགས་དུས་ཀྱི། །སོ་སྐྱེའི་གཟུགས་འཛིན་དབང་མངོན་ནས། །རེག་འཛིན་དབང་མངོན་བར་ལྔ་འམ། །སོ་སྐྱེའི་རྒྱུད་ཀྱི་དབང་མངོན་ལྔའི། །སྐད་ཅིག་ཐ་མ་ལྟ་བུའོ། །སོ་སྐྱེའི་དུས་མཐའ་སྐད་ཅིག་མའི། །ཡིད་མངོན་དང་ནི་རང་རིག་ཀུན། །སྣང་ལ་མ་ངེས་པ་ཡིན་ལ། །འཕགས་པའི་འདིར་བསྟན་ཡིད་མངོན་ནི། །ཚད་མར་རིགས་པའི་རྒྱན་ལས་གསུངས། །དེ་འདྲའི་རང་རིག་མངོན་སུམ་ནི། །རྒྱང་འཕེན་པ་དང་གཅེར་བུ་པའི། །རྒྱུད་ཀྱི་རྗེས་དཔག་ཚད་མ་དང་། །ལོག་པའི་ཤེས་པ་ལ་སོགས་པ། །ཉམས་སུ་མྱོང་བའི་རང་རིག་དང་། །རང་སྡེ་བྱེ་བྲག་སྨྲ་བ་ཡི། །རྒྱུད་ཀྱི་རང་རིག་ལྟ་བུ་དང་། །སོ་སྐྱེའི་རྒྱུད་ཀྱི་རང་རིག་གི །སྐད་ཅིག་ཐ་མ་ལྟ་བུ་མང་། །རྟོགས་ཟིན་རྟོགས་པའི་ཚད་མིན་གྱི། །རིག་པ་བཅད་ཤེས་ཀྱི་མཚན་ཉིད། །དབྱེ་ན་མངོན་སུམ་རྗེས་དཔག་གི །རྒྱུན་དུ་གྱུར་པའི་བཅད་ཤེས་དང་། །དེ་གཉིས་གང་རུང་མ་ཡིན་པའི། །བཅད་ཤེས་དང་བཅས་གསུམ་དུ་ཡོད། །དང་པོ་ལ་ཡང་དབང་ཡིད་དང་། །རང་རིག་རྣལ་འབྱོར་མངོན་སུམ་གྱི། །བཅད་ཤེས་ལ་སོགས་དུ་མ་ཡོད། །རིམ་བཞིན་དབང་མངོན་ལྔ་པོ་དང་། །གཞན་སེམས་ཤེས་པའི་མངོན་ཤེས་དང་། །རྒྱུན་དང་ལྡན་པའི་རང་རིག་དང་། །སློབ་པའི་རྣལ་འབྱོར་མངོན་སུམ་གྱི། །སྐད་ཅིག་གཉིས་པ་ལྟ་བུའོ། །མངོན་སུམ་སྐད་ཅིག་གཉིས་པ་ནི། །དེ་བཞི་གང་རུང་མ་ཡིན་པའི། །བཅད་ཤེས་སུ་ནི་འཇོག་ཀྱང་རུང་། །གཉིས་པ་རྗེས་དཔག་ཚད་མ་ཡི། །སྐད་ཅིག་གཉིས་པ་ལྟ་བུ་ཡིན། །གསུམ་པ་མངོན་རྗེས་སོ་སོ་ཡིས། །དྲངས་པའི་ངེས་ཤེས་ལྟ་བུ་དང་། །ཚད་མ་སྐད་ཅིག་གཉིས་པ་བཞིན། །བསྡུ་ན་རྟོག་པ་བཅད་ཤེས་དང་། །རྟོག་མེད་བཅད་ཤེས་གཉིས་སུ་འདུས། །ལོག་ཤེས་མཚན་ཉིད་རང་གི་ཡུལ། །ཕྱིན་ཅི་ལོག་ཏུ་འཛིན་པའི་བློའོ། །དབྱེ་ན་རྟོག་པ་ལོག་ཤེས་དང་། །རྟོག་མེད་ལོག་ཤེས་གཉིས་སུ་ཡོད། །རང་གི་ཞེན་ཡུལ་ལ་འཁྲུལ་བའི། །ཞེན་རིག་དང་པོའི་མཚན་ཉིད་དང་། །རང་གི་འཛིན་སྟངས་ལ་འཁྲུལ་བའི། །གསལ་སྣང་ཅན་གྱི་རིག་པ་དེ། །རྟོག་མེད་ལོག་ཤེས་ཀྱི་མཚན་ཉིད། །དང་པོ་ཆོས་དང་གང་ཟག་གི །བདག་འཛིན་རྣམ་གཉིས་ལྟ་བུ་དང་། །གངས་རི་སྔོན་པོར་སྣང་བ་ཡི། །དབང་ཤེས་ལྟ་བུ་གཉིས་པ་ཡིན། །ཚད་མ་ཡིད་ཀྱི་མུན་སེལ་ལས། །ལོག་རྟོག་རྟོག་པ་ལོག་ཤེས་དང་། །སྒྲོ་འདོགས་གསུམ་པོ་དོན་གཅིག་དང་། །དོན་མི་འགྱུར་གྱི་ཐེ་ཚོམ་ཡང་། །རྟོག་པ་ལོག་ཤེས་ཡིན་པར་གསུངས། །རང་གི་ཡུལ་ལ་མཐའ་གཉིས་སུ། །དོགས་པའི་སེམས་བྱུང་ཐེ་ཚོམ་སྟེ། །དོན་འགྱུར་མི་འགྱུར་ཆ་མཉམ་པའི། །ཐེ་ཚོམ་གསུམ་ཡོད་རིམ་པ་བཞིན། །སྒྲ་མི་རྟག་གམ་སྙམ་པ་དང་། །དེ་བཞིན་རྟག་གམ་སྙམ་པ་དང་། །རྟག་གམ་མི་རྟག་སྙམ་པའི་བློའོ། །ཐེ་ཚོམ་ལ་ནི་རྩ་ཉོན་གྱིས། །ཁྱབ་པར་བཞེད་དང་ཉོན་མོངས་ཅན། །ཡིན་མིན་གཉིས་སུ་ཕྱེ་བའང་ཡོད། །རང་མཚན་དང་ནི་སྤྱི་མཚན་ཉིད། །རིམ་བཞིན་སྣང་ཡུལ་བྱེད་པའི་བློ། །མངོན་སུམ་དང་ནི་རྟོག་པ་འོ། །དེ་ཡང་རྟོག་བྲལ་མ་འཁྲུལ་བའི། །རིག་པ་མངོན་སུམ་གྱི་མཚན་ཉིད། །དབྱེ་ན་དབང་མངོན་ཡིད་མངོན་དང་། །རང་རིག་རྣལ་འབྱོར་མངོན་སུམ་བཞི། །འཁྲུལ་རྒྱུ་བཞི་སྟེ་རྟེན་དང་ཡུལ། །གནས་དང་དེ་མ་ཐག་རྐྱེན་ལའོ། །བདག་རྐྱེན་དབང་པོ་གཟུགས་ཅན་ལས། །བྱུང་བའི་མངོན་སུམ་དབང་མངོན་ཏེ། །དེ་ལ་གཟུགས་འཛིན་དབང་མངོན་ནས། །རེག་བྱ་འཛིན་པའི་དབང་མངོན་བར། །ལྔ་ཡོད་དེ་རྣམས་རེ་རེ་ལའང་། །ཚད་མ་དང་ནི་བཅད་ཤེས་དང་། །སྣང་ལ་མ་ངེས་པ་གསུམ་ཡོད། །བདག་རྐྱེན་ཡིད་དབང་ལ་བརྟེན་ནས། །བྱུང་བའི་མངོན་སུམ་ཡིད་མངོན་ཏེ། །གཟུགས་འཛིན་ཡིད་མངོན་སོགས་ལྔ་ཡོད། །རྟོག་པ་དང་བྲལ་མ་འཁྲུལ་བའི། །འཛིན་རྣམ་རང་རིག་མངོན་སུམ་སྟེ། །དེ་གཉིས་ལ་ཡང་གོང་ལྟར་དུ། །ཚད་མ་ལ་སོགས་གསུམ་གསུམ་བཤད། །དེ་ལ་རྣལ་འབྱོར་མངོན་སུམ་ནི། །བདག་རྐྱེན་ཞི་ལྷག་ཟུང་འབྲེལ་གྱི། །ཏིང་འཛིན་བསྒོམས་སྟོབས་ལས་བྱུང་བའི། །འཕགས་པའི་རྒྱུད་ཀྱི་མངོན་སུམ་ཡིན། །རྟེན་གྱི་སྒོ་ནས་དབྱེ་ན་ནི། །ཉན་རང་ཐེག་ཆེན་འཕགས་པའི་གསུམ། །ངོ་བོའི་སྒོ་ནས་རེ་རེ་ལའང་། །མཐོང་སྒོམ་མི་སློབ་ལམ་དང་གསུམ། །ཡུལ་གྱི་སྒོ་ནས་གཉིས་ཡིན་ཏེ། །ཇི་ལྟ་ཇི་སྙེད་མཁྱེན་པ་འོ། །ལྡོག་ཕྱོགས་མངོན་སུམ་ལྟར་སྣང་ནི། །འཁྲུལ་དང་ཀུན་རྫོབ་ཤེས་པ་དང་། །རྗེས་དཔག་རྗེས་སུ་དཔག་ལས་བྱུང་། །དྲན་དང་མངོན་འདོད་ཅེས་བྱ་འོ། །མངོན་སུམ་ལྟར་སྣང་རབ་རིབ་བཅས། །ཞེས་གསུངས་དང་པོ་དྲུག་པོ་ནི། །རྟོག་པ་མངོན་སུམ་ལྟར་སྣང་དང་། །ཐ་མ་རབ་རིབ་ཅན་གྱི་བློ། །རྟོག་མེད་མངོན་སུམ་ལྟར་སྣང་སྟེ། །གོ་དོན་རིགས་རྒྱན་སོགས་སུ་ལྟོས། །རྟོག་མེད་མངོན་སུམ་ལྟར་སྣང་དང་། །མེད་པ་གསལ་སྣང་ཅན་གྱི་བློ། །རྟོག་མེད་ལོག་ཤེས་དོན་གཅིག་གོ །དེ་ཡང་སྒྲ་དོན་འདྲེས་རུང་དུ། །འཛིན་པའི་ཞེན་རིག་རྟོག་པ་སྟེ། །དབྱེ་བ་རྟོག་པ་དོན་མཐུན་དང་། །རྟོག་པ་དོན་མི་མཐུན་དང་གཉིས། །མིང་སྦྱོར་དོན་སྦྱོར་རྟོག་པ་གཉིས། །བརྡ་རྟེན་ཅན་གྱི་རྟོག་པ་དང་། །དོན་གཞན་ལ་ནི་སྒྲོ་འདོགས་དང་། །ལྐོག་ཏུ་གྱུར་པའི་དོན་ཅན་གྱི། །རྟོག་པ་གསུམ་སོགས་དབྱེ་ཚུལ་མང་། །གཞན་ཡང་ཐོས་བསམ་སྒོམ་གསུམ་གྱི། །རྟོག་པ་གསུམ་ཡོད་དོན་རིམ་བཞིན། །སྒྲ་སྤྱི་ཙམ་གྱིས་འཛིན་པ་དང་། །དོན་ལ་བསམས་ནས་ངེས་རྙེད་དང་། །བསམ་བྱུང་དོན་ལ་ཡང་ཡང་དུ། །འདྲིས་པའི་གོང་སའི་ཞེན་རིག་གོ །ཚད་མའི་གྲངས་ལ་མང་ཉུང་གི །ལོག་རྟོག་བྱུང་ཚུལ་འདི་ལྟ་སྟེ། །རྒྱང་འཕེན་པ་དང་གཅེར་བུ་པས། །མངོན་སུམ་ཚད་མ་གཅིག་ཙམ་འདོད། །གྲངས་ཅན་པ་ནི་མངོན་རྗེས་དང་། །སྒྲ་བྱུང་ཚད་མ་གསུམ་ཡིན་ཟེར། །རིགས་པ་ཅན་པས་དེ་གསུམ་སྟེང་། །དཔེ་ཉེར་འཇལ་དང་བཞི་རུ་འདོད། །རྒྱལ་དཔོག་པ་ནི་དེ་བཞི་དང་། །དོན་གྱི་གོ་བའི་ཚད་མ་དང་། །དངོས་པོ་མེད་པའི་ཚད་མ་དང་། །དྲུག་པོ་ཁོ་ནར་གྲངས་ངེས་ཟེར། །ཙ་རི་ཀ་པས་དེ་དྲུག་སྟེང་། །རིགས་པ་དང་ནི་མི་དམིགས་དང་། །ཞེས་གྲགས་པ་དང་སྲིད་པ་དང་། །སྙམ་སེམས་པ་ཡི་ཚད་མ་བཅས། །བཅུ་གཅིག་ཏུ་ནི་གྲངས་ངེས་ཟེར། །རང་ལུགས་མངོན་རྗེས་གཉིས་སུ་ངེས། །དེ་ལ་གསར་དུ་མི་སླུ་བའི། །རིག་པ་ཚད་མའི་མཚན་ཉིད་ཡིན། །དབྱེ་ན་མངོན་རྗེས་ཚད་མ་གཉིས། །གཞན་ཡང་རང་ལས་ངེས་པ་དང་། །གཞན་ལས་ངེས་ཀྱི་ཚད་མ་གཉིས། །སྒྲས་བརྗོད་སྒོ་ནས་སྐྱེས་བུ་དང་། །ངག་དང་ཤེས་པ་ཚད་མ་གསུམ། །རྟེན་རྟགས་ཡང་དག་ལ་བརྟེན་ནས། །ལྐོག་གྱུར་དོན་འཇལ་རྗེས་དཔག་སྟེ། །དབྱེ་ན་དངོས་སྟོབས་གྲགས་པའི་དང་། །ཡིད་ཆེས་རྗེས་དཔག་གསུམ་དུ་བཤད། །རྗེས་དཔག་རྗེས་དཔག་ཚད་མ་གཉིས། །དོན་གཅིག་ཏུ་ནི་ཤེས་པར་བྱ། །རང་གི་གཞལ་བྱའི་ཡུལ་སྟེང་དོན། །གྲུབ་པ་མེད་ན་མི་འབྱུང་བའི། །ངེས་པ་རང་དང་གཞན་སྟོབས་ཀྱིས། །འདྲེན་པའི་ཚད་མ་རང་ལས་དང་། །གཞན་ལས་ངེས་ཀྱི་ཚད་མ་ཡིན། །རང་རིག་རྣལ་འབྱོར་མངོན་སུམ་གྱི། །ཚད་མ་གཉིས་དང་རྗེས་དཔག་དང་། །དོན་བྱེད་སྣང་ཅན་གོམས་པ་ཅན། །གང་རུང་གྱུར་པའི་ཚད་མ་ལྔ། །རང་ལས་ངེས་ཀྱི་ཚད་མ་ཡིན། །གཞན་ལས་ངེས་ཀྱི་ཚད་མ་ལ། །སྒྲས་བརྗོད་སྒོ་ནས་དབྱེ་བ་ནི། །དང་པོ་བ་དང་ཡིད་མ་གཏད། །མངོན་སུམ་འཁྲུལ་རྒྱུ་ཅན་དང་གསུམ། །སྣང་བ་རང་དང་བདེན་པ་གཞན། །སྤྱིར་ནི་རང་དང་ཁྱད་པར་གཞན། །སྣང་བ་ཉིད་ཀྱང་གཞན་ངེས་ཀྱི། །ཚད་མ་གསུམ་སོགས་བཤད་མོད་ཀྱི། །དངོས་བརྟགས་ཁྱད་པར་ཕྱེ་བ་གཅེས། །གཞན་ལས་ངེས་ཀྱིས་ཚད་མ་ལ། །ཚད་མས་ཁྱབ་ཀྱང་ཆོས་དེ་ལ། །གཞན་ལས་ངེས་ཀྱི་ཚད་མ་ལ། །དེ་ལ་ཚད་མ་མ་ཡིན་པས། །ཁྱབ་པ་ལ་སོགས་ཞིབ་ཆ་དགོས། །ཡུལ་ལ་སྣང་གཟུང་ཞེན་འཇུག་བཞི། །སྣང་ཡུལ་གཟུང་ཡུལ་དོན་གཅིག་ཅིང་། །ཕྱི་རོལ་ཡུལ་ལ་མི་ལྟོས་པའི། །སྐྲ་ཤད་འཛག་སྣང་སོགས་མ་གཏོགས། །ཤེས་པ་ཀུན་ལ་སྣང་ཡུལ་ཡོད། །ཞེན་ཡུལ་རྟོག་པའི་སྒོས་ཆོས་ཏེ། །རྟོག་པ་དོན་མཐུན་ཀུན་ལ་ཡོད། །འཇུག་ཡུལ་ཚད་མས་བཅད་དོན་ཏེ། །ཚད་མ་དང་ནི་དེ་ལྡན་གྱི། །སྐྱེས་བུ་ཀུན་ལ་ཡོད་པ་ཡིན། །རྟོག་པའི་ཞེན་ཡུལ་རྟོག་པ་ལ། །སྣང་ཡང་དེ་ཡི་སྣང་ཡུལ་མིན། །དེ་བཞིན་དེ་ཡི་སྣང་ཡུལ་ནི། །ཞེན་ས་ཡིན་ཡང་ཞེན་ཡུལ་མིན། །དབང་མངོན་རྣམས་ལ་དམིགས་རྐྱེན་དང་། །བདག་རྐྱེན་དེ་མ་ཐག་རྐྱེན་གསུམ། །གཟུགས་འཛིན་དབང་པོའི་མངོན་སུམ་ལ། །རང་གི་རྣམ་པ་གཏོད་བྱེད་ཀྱི། །རྐྱེན་དེ་དེ་ཡི་དམིགས་རྐྱེན་ཡིན། །མཚན་གཞི་དཔེར་ན་གཟུགས་ལྟ་བུ། །དེ་འདྲའི་དབང་མངོན་རང་དབང་དུ། །སྐྱེད་བྱེད་རྐྱེན་དེ་བདག་རྐྱེན་ཏེ། །ཐུན་མོང་ཐུན་མོང་མ་ཡིན་པའི། །བདག་རྐྱེན་གཉིས་ཡོད་དང་པོ་ནི། །དེ་ཡི་བདག་རྐྱེན་ཡིད་དང་ནི། །གཉིས་པ་མིག་དབང་ལྟ་བུའོ། །དེ་འདྲའི་དབང་མངོན་གསལ་རིག་ཏུ། །སྐྱེད་པའི་རྐྱེན་ནི་གསུམ་པ་སྟེ། །དེ་ཡི་སྔ་ལོགས་དེ་མ་ཐག །བྱུང་བའི་ཡིད་ཤེས་ལྟ་བུའོ། །དེ་ཡིས་སྒྲ་འཛིན་སོགས་ལའང་འདྲ། །སེམས་ཙམ་ལུགས་ལ་བདག་རྐྱེན་དང་། །དེ་མ་ཐག་རྐྱེན་ཕལ་ཆེར་འདྲ། །དམིགས་རྐྱེན་ལ་ནི་དངོས་བཏགས་ཀྱི། །འཇོག་ཚུལ་མི་འདྲའི་ཁྱད་པར་ཡོད། །འདིར་བསྟན་ཡིད་མངོན་སྐྱེ་ཚུལ་ལ། །དབང་མངོན་སྐད་ཅིག་གཉིས་པ་ཕན། །ཡིད་མངོན་དང་ནི་དབང་ཡིད་གཉིས། །སྤེལ་མར་སྐྱེ་དང་འགྲོས་གསུམ་དང་། །རྒྱུན་གྱི་ཡིད་མངོན་འདོད་ཚུལ་རྣམས། །མི་འདོད་རང་ལུགས་དབང་མངོན་གྱི། །རྒྱུན་མཐའ་ཁོ་ནར་སྐྱེ་བར་བཞེད། །རྟོག་བཅས་རྟོག་མེད་ཁྱད་པར་ཡང་། །ཕལ་ཆེར་གོང་སྨོས་ཤེས་པར་ནུས། །དབང་ཤེས་དང་ནི་མངོན་སུམ་གཉིས། །རྟོག་མེད་ཤེས་པ་ཁོ་ན་ཡིན། །ཡིད་ཤེས་ལ་ནི་རྟོག་བཅས་དང་། །རྟོག་མེད་ཤེས་པ་གཉིས་སུ་ཡོད། །སེམས་དང་སེམས་ལས་བྱུང་བ་ནི། །སེམས་དང་ཡིད་དང་རྣམ་ཤེས་རྣམས། །དོན་གཅིག་མིང་གི་རྣམ་གྲངས་ཡིན། །དབྱེ་ན་མིག་གི་རྣམ་ཤེས་ནས། །ཡིད་ཀྱི་རྣམ་ཤེས་བར་དྲུག་ཡོད། །སེམས་བྱུང་ལྔ་བཅུ་རྩ་གཅིག་སྟེ། །ཀུན་འགྲོ་ལྔ་དང་ཡུལ་ངེས་ལྔ། །དགེ་བ་བཅུ་གཅིག་རྩ་ཉོན་དྲུག །ཉེ་ཉོན་ཉི་ཤུ་གཞན་འགྱུར་བཞིའོ། །ཚོར་བ་འདུ་ཤེས་སེམས་པ་དང་། །ཡིད་ལ་བྱེད་དང་རེག་པ་ལྔ། །གཙོ་སེམས་ཀུན་གྱི་འཁོར་དུ་ནི། །འགྲོ་ཕྱིར་ཀུན་འགྲོ་ཞེས་བྱའོ། །འདུན་པ་མོས་པ་དྲན་པ་དང་། །ཏིང་འཛིན་ཤེས་རབ་ལྔ་པོ་ཡུལ། །བྱེ་བྲག་པ་ལ་འཇུག་ངེས་ཕྱིར། །ཡུལ་ངེས་ཞེས་པར་བཤད་པ་ཡིན། །དད་དང་ངོ་ཚ་ཤེས་ཁྲེལ་ཡོད། །འདོད་ཆགས་དང་ནི་ཞེ་སྡང་དང་། །གཏི་མུག་མེད་པའི་དགེ་རྩ་གསུམ། །བརྩོན་འགྲུས་ཤིན་སྦྱངས་བག་ཡོད་དང་། །བཏང་སྙོམས་རྣམ་པར་མི་འཚེ་རྣམས། །གཉེན་པོ་ངོ་བོ་མཚུངས་ལྡན་སོགས། །ཅི་རིགས་སྒོ་ནས་དགེ་བའོ། །འདོད་ཆགས་ཁོང་ཁྲོ་ང་རྒྱལ་དང་། །མ་རིག་ཐེ་ཚོམ་ལྟ་བ་དྲུག །རྩ་ཉོན་ཡིན་ཏེ་སེམས་རྒྱུད་ནི། །ཉོན་མོངས་བྱེད་པའི་གཙོ་བོ་འོ། །ཁྲོ་བ་ཁོན་འཛིན་འཆབ་དང་འཚིག །ཕྲག་དོག་སེར་སྣ་སྒྱུ་དང་གཡོ། །རྒྱགས་དང་རྣམ་འཚེ་ངོ་ཚ་མེད། །ཁྲེལ་མེད་རྨུགས་རྒོད་མ་དད་དང་། །ལེ་ལོ་བག་མེད་བརྗེད་ངས་དང་། །ཤེས་བཞིན་མ་ཡིན་རྣམ་གཡེང་བཅས། །ཉི་ཤུ་རྩ་ཉོན་འཕེལ་སྐྱེ་དང་། །ཉེ་ཕྱིར་ཉེ་བའི་ཉོན་མོངས་སོ། །གཉིད་འགྱོད་རྟོག་དཔྱོད་གཞན་འགྱུར་ཏེ། །ཀུན་སློང་མཚུངས་ལྡན་ཅི་རིགས་ཀྱིས། །དགེ་དང་མི་དགེ་ལུང་མ་བསྟན། །གཞན་དང་གཞན་དུ་འགྱུར་བའོ། །མདོ་སྡེ་སྤྱོད་པའི་དབུ་མ་པ། །ཐལ་འགྱུར་བ་དང་བྱེ་སྨྲ་གསུམ། །མངོན་སུམ་ལ་ནི་དབང་ཡིད་དང་། །རྣལ་འབྱོར་མངོན་སུམ་གསུམ་འདོད་དེ། །རང་རིག་མངོན་སུམ་ཁས་མི་ལེན། །མདོ་སྡེ་པ་དང་སེམས་ཙམ་པ། །རྣལ་འབྱོར་སྤྱོད་པའི་དབུ་མ་པས། །དབང་མངོན་ཡིད་མངོན་རང་རིག་དང་། །རྣལ་འབྱོར་མངོན་སུམ་བཞིར་བཞེད་དོ། །འདིར་ནི་མང་དུ་དོགས་པའི་ཕྱིར། །ཕལ་ཆེར་རྐང་གྲངས་ཙམ་ཞིག་བསྟན། །སོ་སོའི་མཚན་གཞི་གོ་དོན་སོགས། །སྤྱི་དོན་རིགས་རྒྱན་སོགས་ལ་ལྟོས།། །།
སྨྲས་པ། །བློ་གྲོས་ཞིབ་མོས་བླང་དོར་གྱི། །བློ་ཡི་སྤུ་རིས་འབྱེད་པའི་ཕྱིར། །བློ་རིག་སྡོམ་ཚིག་མདོར་བསྡུས་འདི། །བློ་བཟང་མིང་ཅན་ཞིག་གིས་བཀོད། །འདིར་འབད་དགེ་བས་འགྲོ་བ་ཀུན། །ལེགས་ཉེས་ལྟ་བའི་མིག་ཕྱེ་ནས། །མ་ནོར་ལམ་བཟང་མཐར་ཕྱིན་ཏེ། །ཀུན་མཁྱེན་གོ་འཕང་མྱུར་ཐོབ་ཤོག །ཚུལ་འདི་ལྷག་བསམ་དགེ་བ་ཅན། །དགེ་སློང་ངག་དབང་བཟོད་པ་ཡིས། །མཐུན་རྐྱེན་སྦྱར་ཏེ་པར་དུ་བསྒྲུབས། །འདིས་མཚོན་དུས་གསུམ་དགེ་བའི་མཐུས། །ཚེ་འདིའི་ཕ་མས་ཐོག་དྲངས་པའི། །མཁའ་མཉམ་འགྲོ་བ་མ་ལུས་པ། །དལ་འབྱོར་རྟེན་བཟང་རིམ་བརྒྱུད་ནས། །སྐུ་གསུམ་གོ་འཕང་མྱུར་ཐོབ་ཤོག།། །།
Subscribe to:
Posts (Atom)