ཁ་ཅིག ཤའི་སྤྱན་མིན་དབང་གཟུགས་ཅན་པ་ཡིན་པར་ཐལ། ལྷའི་སྤྱན་དེ་ཡིན་པའི་ཕྱིར། དེར་ཐལ་ལྷའི་མིག་དེ་ཡིན་པའི་ཕྱིར་ཟེར་ན་མ་ཁྱབ།
- ཤའི་སྤྱན། སྤྱན་ལྔ་པོ་གང་རུང་གང་ཡང་ཡིན། རང་ཡུལ་དུ་གྱུར་པའི་སྟོང་གསུམ་ཚུན་ཆད་ཀྱི་གཟུགས་ཅི་རིགས་པ་མཐོང་བ་ཡང་ཡིན་པའི་གཞི་མཐུན་པར་གྱུར་པའི་ཡིད་བློ་དེ། ཤའི་སྤྱན་གྱི་མཚན་ཉིད།
- ལྷའི་སྤྱན། སྤྱན་ལྔ་པོ་གང་རུང་གང་ཡང་ཡིན། རང་ཡུལ་དུ་གྱུར་པའི་སེམས་ཅན་འཆི་འཕོ་བ་དང་སྐྱེ་བ་ཅི་རིགས་མཐོང་བ་ཡང་ཡིན་ཡིདཔའི་གཞི་མཐུན་པར་གྱུར་པའི་ཡིད་བློ་དེ། ལྷའི་སྤྱན་གྱི་མཚན་ཉིད།
- ཤེས་རབ་གྱི་སྤྱན། སྤྱན་ལྔ་པོ་གང་རུང་གང་ཡང་ཡིན། རང་ཡུལ་དུ་གྱུར་པའི་བདག་མེད་ཕྲ་རགས་གང་རུང་མངོན་སུམ་དུ་རྟོགས་པ་ཡང་ཡིན་པའི་གཞི་མཐུན་པར་གྱུར་པའི་ཡིད་བློ་དེ། ཤེས་རབ་ཀྱི་སྤྱན་གྱི་མཚན་ཉིད།
- ཆོས་ཀྱི་སྤྱན། སྤྱན་ལྔ་པོ་གང་རུང་གང་ཡང་ཡིན། རང་ཡུལ་དུ་གྱུར་པའི་འཕགས་པའི་གང་ཟག་གི་དབང་པོའི་རིམ་པ་མངོན་སུམ་དུ་རྟོགས་པ་ཡང་ཡིན་པའི་གཞི་མཐུན་པར་གྱུར་པའི་འཕགས་པའི་མཀགྱེན་པ། ཆོས་ཀྱི་སྤྱན་གྱི་མཚན་ཉིད།
- སངས་རྒྱས་ཀྱི་སྤྱན། སྤྱན་ལྔ་པོ་གང་རུང་གང་ཡང་ཡིན། ཆོས་ཐམས་ཅད་མངོན་སུམ་དུ་རྟོགས་པ་མཐར་ཕྱིན་པ་ཡང་ཡིན་པའི་གཞི་མཐུན་པར་གྱུར་པའི་ཡེ་ཤེ་དེ། ཞའི་སྤྱན་གྱི་མཚན་ཉིད།
No comments:
Post a Comment