ཁ་ཅིག སྔར་ལྟར་སྨྲ་བ་དང་། ཐེག་ཆེན་མཐོང་ལམ་བར་ཆད་མེད་ལམ་པའི་རྒྱུད་ལ་ཀུན་རྫོབ་སེམས་བསྐྱེད་མེད་པར་འདོད་པ་འགལ་ཏེ། དེའི་རྒྱུད་ཀྱི་མཁྱེན་པ་ཡིན་ན་བར་ཆད་མེད་ལམ་ཡིན་དགོས་པའི་ཐལ། དེའི་རྒྱུད་ལ་ཀུན་རྫོབ་སེམས་བསྐྱེད་མེད་པའི་ཕྱིར། འདོད་ན། སྟོང་ཉིད་ལ་རྩེ་གཅིག་ཏུ་མཉམ་པར་གཆག་བཞིན་པའི་བྱང་སེམས་སྦྱོར་ལམ་པའི་མཁྱེན་པ་ཡིན་ན། སྟོང་ཉིད་ལ་རྩེ་གཅིག་ཏུ་མཉམ་པར་བཞག་པའི་ཡེ་ཤེས་ཡིན་དགོས་པར་ཐལ། འདོད་པའི་པ་ཕྱིར། འདོད་ན། སྟོང་ཉིལ་རྩེ་གཅིག་ཏུ་མཉམ་པར་གཞག་པའི་བྱང་སེམས་སྦྱོར་ལམ་པའི་རྒྱུད་ཀྱི་ལྷའི་སྤྱན་ཆོས་ཅན། དེར་ཐལ། དེའི་ཕྱིར། དེར་ཐལ། དེ་ཡོད་པའི་ཕྱིར། དེར་ཐལ། ཐེག་ཆེན་ཚོགས་ལམ་གྱི་གནས་སྐབས་སུ་དེ་མ་ཐོབ་ལ། ཐེག་ཆེན་གྱི་སྦྱོར་ལམ་དྲོད་ཐོབ་པ་དང་དུས་མཉམ་དུ་ལྷའི་སྤྱན་ཐོབ་པའི་གང་ཟག་ཡོད་པའི་ཕྱིར། དེར་ཐལ། ཁྱོད་ཀྱི་དམ་བཅའ་འཐད་པའི་ཕྱིར།
No comments:
Post a Comment