ཐེག་ཆེན་གྱི་གདམས་ངག བདེན་པ་གཉིས་ཀྱི་རྣམ་གཞག་བཤད་པ།

• mp3 audio for November 24th, 2014

________________________________________________

༡ མཚམ་སྦྱར་བ་དང་
   ༡ ཚིག་དོན།
   ༢ མཚའ་དཔྱད་པ།
༢ དོན་བཤད་པ།
   ༡ སྤྱིའི་དབྱེ་བ།

1. རྩ་བ།
2. འགྲེལ་པ།
1. བརྟེན་པ་སྒྲུབ་པ་ལ་གདམས་པ།
• སྒྲུབ་པ་རང་གི་ངོ་བོ་ལ་གདམས་པ།
• ཚིག་དོན།
• མཐའ་དཔྱད་པ།
• དེའི་དམིགས་པ་ལ་གདམས་པ།
1. སྒྲུབ་པའི་རྟེན་ལ་གདམས་པ།
2. སྒྲུབ་པའི་ཁྱད་པར་གྱི་ཆོས་ལ་གདམས་པ།
3. དོན་བསྡུ་བ།

   ༢ དགེ་འདུན་དཀོན་མཆོག་བྱེ་བྲག་ཏུ་བཤད་པ།
________________________________________________

མངོན་རྟོགས་རྒྱན་ལས། །སྒྲུབ་དང་བདེན་པ་རྣམས་དང་ནི། །སངས་རྒྱས་ལ་སོགས་དཀོན་མཆོག་གསུམ། །མ་ཞེན་ཡོངས་སུ་མི་ངལ་དང་། །ལམ་ནི་ཡོངས་སུ་འཛིན་པ་དང་། །སྤྱན་ལྔ་དང་ནི་མངོན་ཤེས་ཀྱི། །ཡོན་ཏན་དྲུག་དང་མཐོང་ལམ་དང་། །སྒོམ་ཞེས་བྱ་ལ་གདམས་ངག་ནི། །བཅུ་ཡི་བདག་ཉིད་ཤེས་པར་བྱ།
ཞེས་གསུངས་པ་ལྟར། ཐེག་ཆེན་གྱི་གདམས་ངག་ལ་དབྱེ་ན་བཅུའི་བདག་ཉིད་དུ་ཤེས་པར་བྱ།

1. སྒྲུབ་པ་རང་གི་ངོ་བོ་ཀུན་རྫོབ་དང་དོན་དམ་པའི་བདེན་པ་ལ་འདོམས་ཟིན་པའི་གདམས་ངག
2. སྒྲུབ་པའི་དམིགས་པ་བདེན་པ་བཞི་ལ་འདོམས་པའི་གདམས་ངག་རྣམས།
3. སྒྲུབ་པའི་རྟེན་སངས་རྒྱས་དཀོན་མཆོག་ལ་སོགས་པས་ཆོས་དཀོན་མཆོག་དང་དགེ་འདུན་དཀོན་མཆོག་གསུམ་ལ་འདོམས་པའི་གདམས་ངག
4. སྒྲུབ་པ་བསྟན་པའི་རྒྱུ་ལ་གདམས་པ་བྱ་བ་ངན་པ་ལ་མ་ཞེན་པའི་བརྩོན་འགྲུས་ལ་འདོམས་པ།
5. སྒྲུབ་པ་འཕེལ་བའི་རྒྱུ་ལ་གདམས་པ་ཡོངས་སུ་མི་ངལ་བའི་བརྩོན་འགྲུས་ལ་འདོམས་པའི་གདམས་ངག
6. སྒྲུབ་པ་མི་ཉམས་པའི་རྒྱུ་ལ་གདམས་པ་ཐེག་ཆེན་གྱི་ལམ་ནི་ཡོངས་སུ་འཛིན་པ་ལ་འདོམས་པའི་གདམས་ངག
7. སྒྲུབ་པ་ལ་རང་དབང་དུ་འཇུག་པའི་རྒྱུ་སྤྱན་ལྔ་ལ་འདོམས་པའི་གདམས་ངག
8. སྒྲུབ་པའི་འབྲས་བུ་མྱུར་དུ་རྫོགས་པའི་རྒྱུ་མངོན་ཤེས་ཀྱི་ཡོན་ཏན་ལ་འདོམས་པའི་གདམས་ངག
9. སྤང་བྱའི་ས་བོན་སེལ་བ་མཐོང་ལམ་དང་།
10. སྒམོ་ལམ།

________________________________________________

བདེན་པ་གཉིས་ཀྱི་རྣམ་གཞག་བཤད་པ།

གཉིས་པ་འགྲེལ་པ་བཤད་པ་ལ།

• བརྟེན་པ་སྒྲུབ་པ་ལ་གདམས་པ།
• སྒྲུབ་པ་རང་གི་ངོ་བོ་ལ་གདམས་པ།
• ཚིག་དོན།
• མཐའ་དཔྱད་པ།
• དེའི་དམིགས་པ་ལ་གདམས་པ།
• སྒྲུབ་པའི་རྟེན་ལ་གདམས་པ།
• སྒྲུབ་པའི་ཁྱད་པར་གྱི་ཆོས་ལ་གདམས་པ།

________________________________________________
ཚིག་དོན་ནི། འགྲེལ་པ་དོན་གསལ་ལས། །བྱང་ཆུབ་ཀྱི་སེམས་ཀྱི་རབ་ཏུ་དབྱེ་བ་ཇི་སྐད་བཤད་པ་བསྒྲུབ་པ་ལ། ཀུན་རྫོབ་དང་དོན་དམ་པའི་བདེན་པ་ལས་མི་འདའ་བས་ཉན་ཐོས་ལ་སོགས་པ་དང་ཐུན་མོང་མ་ཡིན་པ་མི་དམིགས་པའི་ཚུལ་གྱིས་འཇུག་པར་བྱའོ།
བསམ་པ་བྱང་ཆུབ་ཀྱི་སེམས་ཀྱི་རབ་ཏུ་དབྱེ་བ་དང་། དེས་འཕངས་པའི་སྦྱོར་བ་སྤྱིན་པ་ལ་སོགས་པ་སྔར་སེམས་བསྐྱེད་ཀྱི་སྐབས་སུ་ཇི་སྐད་བཤད་པ་སྒྲུབ་པ་ལ་འདོམས་པའི་གདམས་ངག་ཆོས་ཅན། ཁྱོད་སྒྲུབ་པ་རང་གི་ངོ་བོ་ལ་འདོམས་པའི་གདམས་ངག་ཡིན་ཏེ། ཁྱོད་ཀྱིས་སྒྲུབ་པ་པོ་རྟེན་གྱི་གང་ཟག་དང་། ཉམས་སུ་བླང་བྱ་དང་། དེའི་འབྲས་བུ་སོགས་གང་བཤད་པ་ལྟར་ཚད་མས་གྲུབ་ནས་ཉམས་སུ་ལེན་པ་ཀུན་རྫོབ་བདེན་པ་ལ་རྟེན་པའི་ལམ་རིམ་དང་། དེ་ཀུན་བདེན་སྟོང་དུ་རྟོགས་ནས་ཉམས་སུ་ལེན་པ་དོན་དམ་པའི་བདེན་པ་ལ་བརྟེན་པའི་ལམ་རིམ་ལས་མི་འདའ་བ་དང་། ཉན་ཐོས་དང་ལ་སོགས་པ་རང་རྒྱལ་དང་ཐུན་མོང་མ་ཡིན་པ་འགྲོ་ཀུན་མྱང་འདས་དང་ཆོས་སྐུ་འགྲུབ་བྱེད་དུ་ཡུམ་ལ་སྤྱོད་པའི་ཆོས་བཞི་མི་དམིགས་པའི་ཚུལ་གྱིས་འཇུག་པར་བྱའོ། ཞེས་སློབ་པའི་ཚུལ་གྱིས་འདོམས་པ་ཡིན་པའི་ཕྱིར།
གཉིས་པ་མཐའ་དཔྱད་པ་ལ།
ཁ་ཅིག མཐར་ཐུག་དཔྱོད་པའི་རིགས་ཤེས་ཚད་མའི་རྙེད་དོན། དོན་དམ་བདེན་པའི་མཚན་ཉིད་ཟེར་ན། བུམ་བ་ཆོས་ཅན། དོན་དམ་བདེན་པ་ཡིན་པར་ཐལ། མཐར་ཐུག་དཔྱོད་པའི་རིགས་ཤེས་ཚད་མའི་རྙེད་དོན་ཡིན་པའི་ཕྱིར། དེར་ཐལ། ཇི་ལྟ་བ་རྟོགས་པའི་རྣམ་མཁྱེན་གྱི་རྙེད་དོན་ཡིན་པའི་ཕྱིར་ཏེ། གཞི་གྲུབ་པའི་ཕྱིར།
ཁ་ཅིག ཐ་སྙད་དཔྱོད་་བྱེད་ཀྱི་རྙེད་དོན། ཀུན་རྫོབ་བདེན་པའི་མཚན་ཉིད་ཟེར་ན། བདེན་མེད་ཆོས་ཅན། ཀུན་རྫོབ་བདེན་པ་ཡིན་པར་ཐལ། ཐ་སྙད་དཔྱོད་་བྱེད་ཀྱི་རྙེད་དོན་ཡིན་པའི་ཕྱིར། དེར་ཐལ། ཇི་སྙེད་བ་རྟོགས་པའི་རྣམ་མཁྱེན་གྱི་རྙེད་དོན་ཡིན་པའི་ཕྱིར་ཏེ། གཞི་གྲུབ་པའི་ཕྱིར།

བྱས་པ་ལ་ཁོ་ན་རེ། ཇི་ལྟ་བ་རྟོགས་པའི་རྣམ་མཁྱེན་གྱི་རྙེད་དོན་ཡིན་ན། མཐར་ཐུག་དཔྱོད་པའི་རིགས་ཤེས་ཚད་མའི་རྙེད་དོན་ཡིན་མི་དགོས་པར་ཐལ། སངས་འཕགས་ཀྱི་མིག་ཤེས་ཀྱི་གསུང་བྱ་ཡིན་ན་མིག་ཤེས་ཀྱི་གཟུང་བྱ་ཡིན་མི་དགོས་པའི་ཕྱིར་ན་མ་ཁྱབ། འོ་ན། མཐར་ཐུག་དཔྱོད་པའི་མངོན་སུམ་གྱི་ཚད་མའི་རྙེད་དོན་ཉིན་ན་སློབ་པའི་མཐར་ཐུག་དཔྱོད་པའི་མངོན་སུམ་གྱི་ཚད་མའི་རྙེད་དོན་ཡིན་དགོས་པར་ཐལ། མིག་ཤེས་ཀྱི་གཟུང་བྱ་ཡིན་ན་སློབ་པའི་མིག་ཤེས་ཀྱི་གཟུང་བྱ་ཡི་དགོས་པའི་ཕྱིར། ཁྱབ་པ་ཁས། འདོད་ན། གློ་བུར་རྣམ་དག་གི་ཆར་གྱུར་པའི་ངོ་བོ་ཉིད་སྐུ་ཆོས་ཅན། སློབ་པའི་མཐར་ཐུག་དཔྱོད་པའི་མངོན་སུམ་གྱི་ཚད་མའི་རྙེད་དོན་ཡིན་པར་ཐལ། མཐར་ཐུག་དཔྱོད་པའི་མངོན་སུམ་གྱི་ཚད་མའི་རྙེད་དོན་ཡིན་པའི་ཕྱིར། འདོད་མི་ནུས་སོ།། །།
________________________________________________

རྒྱལ་དབང་སྐུ་ཕྲེང་ལྔ་པ་ངག་དབང་བློ་བཟང་རྒྱ་མཚོའི་ཕར་ཕྱིན་བློ་བཟང་དགོངས་རྒྱན་གདོང་ལྔའི་དབང་པོའི་སྒྲ་དབྱངས་ལས་ཤོག་གྲངས་ ༩༧