-----------------------------------------------------------------------------
དཀོན་མཆོག་གསུམ་ལ་བདག་སྐྱབས་མཆི།།
སྡིག་པ་ཐམས་ཅད་སོ་སོར་བཤགས།།
འགྲོ་བའི་དགེ་ལ་རྗེས་ཡི་རང་།།
སངས་རྒྱས་བྱང་ཆུབ་ཡིད་ཀྱིས་བཟུང་།།
སངས་རྒྱས་ཆོས་དང་ཚོགས་མཆོག་ལ།།
བྱང་ཆུབ་བར་དུ་བདག་སྐྱབས་མཆི།།
རང་གཞན་དོན་ནི་རབ་བསྒྲུབ་ཕྱིར།།
བྱང་ཆུབ་སེམས་ནི་བསྐྱེད་པར་བགྱི།།
བྱང་ཆུབ་མཆོག་གི་སེམས་ནི་བསྐྱེད་བགྱི་ནས།།
སེམས་ཅན་ཐཾས་ཅད་བདག་གི་མགྲོན་དུ་གཉེར།།
བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི།།
འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག།
དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །ད་ནི་བདག་གིས་ཅི་ནས་ཀྱང་། །རིགས་དང་མཐུན་པའི་ལས་བརྩམ་ཏེ། །སྐྱོན་མེད་ནཙུན་པའི་རིགས་འདི་ལ། །རྙོག་པར་མི་འགྱུར་དེ་ལྟར་བྱ།
དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །ད་ནི་བདག་གིས་ཅི་ནས་ཀྱང་། །རིགས་དང་མཐུན་པའི་ལས་བརྩམ་ཏེ། །སྐྱོན་མེད་ནཙུན་པའི་རིགས་འདི་ལ། །རྙོག་པར་མི་འགྱུར་དེ་ལྟར་བྱ།
འགྲོ་རྣམས་བསྒྲལ་འདོད་བསམ་པ་ཡིས།།
སངས་རྒྱས་ཆོས་དང་དགེ་འདུན་ལ།།
བྱང་ཆུབ་སྙིང་པོར་མཆིས་ཀྱི་བར།།
རྟག་པར་བདག་ནི་སྐྱབས་སུ་མཆི།།
ཤེས་རབ་སྙིང་བརྩེ་དང་བཅས་པས།།
བརྩོན་པས་སེམས་ཅན་དོན་དུ་བདག།
སངས་རྒྱས་མདུན་དུ་གནས་བགྱིས་ཏེ།།
རྫོགས་པའི་བྱང་ཆུབ་སེམས་བསྐྱེད་དོ།།
ཇི་སྲིད་ནམ་མཁའ་གནས་པ་དང་།།
འགྲོ་བ་ཇི་སྲིད་གནས་འགྱུར་བ།།
དེ་སྲིད་བདག་ནི་གནས་གྱུར་ནས།།
འགྲོ་བའི་སྡུག་བསྔལ་སེལ་བར་ཤོག།
ས་སོགས་འབྱུང་བ་ཆེན་པོ་དང་།།
ནམ་མཁའ་བཞིན་དུ་རྟག་པར་ཡང་།།
སེམས་ཅན་དཔག་ཏུ་མེད་པ་ཡི།།
རྣམ་མང་ཉེར་འཚོའི་གཞིར་ཡང་ཤོག།
No comments:
Post a Comment