- mp3 audio for November 27th, 2014 ༼དང་པོ།༽
- mp3 audio for November 27th, 2014 ༼གཉིས་པ།༽
- mp3 audio for November 27th, 2014 ༼གསུམ་པ།༽
སྐྱེས་བུ་ཆེན་པོའི་ལམ་ལ་སྤྲོ་བ་བསྐྱེད་པའི་ཕྱིར་དུ་ཕན་ཡོན་བཤད་པ་ན་འདི་ལ་བཅུ།
དེ་རིང་གི་སློབ་ཚན་གྱི་སྙིང་དོན།
- ཐེག་ཆེན་གྱི་འཇུག་སྒོ་སེམས་བསྐྱེད་ཁོ་ནར་བསྟན་པ།
- རྒྱལ་བའི་སྲས་ཞེས་བྱ་བ་མིང་ཐོབ་པ།
- ཉན་རང་རིགས་ཀྱི་སྒོ་ནས་ཟིལ་གྱིས་ནོན་པ།
- མཆོད་པའི་ཞིང་མཆོག་ཏུ་འགྱུར་བ།
- ཚོགས་རྒྱ་ཆེན་པོ་བདེ་བླག་ཏུ་རྫོགས་པ།
- སྡིག་སྒྲིབ་མྱུར་དུ་་སྦྱང་བ།
- ཅི་བསམ་པ་འགྲུབ་པ།
- གནོད་པ་དང་བར་ཆད་ཀྱིས་མི་ཚུགས་པ།
- ས་ལམ་ཐམས་ཅད་མྱུར་དུ་རྫོགས་པ།
- འགྲོ་བའི་སྐྱིད་མ་ལུས་པ་འབྱུང་བའི་ཞིང་སར་འགྱུར་བ།
དེ་རིང་གི་སློབ་ཚན་གྱི་སྙིང་དོན།
གཉིས་པ་ནི། བྱང་ཆུབ་སེམས་སྐྱེས་གྱུར་ན་སྐད་ཅིག་གིས། །འཁོར་བའི་བཙོན་རར་བསྡམས་པའི་ཉམ་ཐག་རྣམས། །བདེ་གཤེགས་རྣམས་ཀྱི་སྲས་ཞེས་བརྗོད་བྱ་ཞིང་། །ཞེས་དང་། དེ་རིང་སངས་རྒྱས་རིགས་སུ་སྐྱེས།། སངས་རྒྱས་སྲས་སུ་ད་གྱུར་ཏོ། །ཞེས་པ་ལྟར། རྒྱལ་བའི་སྲས་སུ་འགྲོ་མི་འགྲོ་འདི་ལ་རག་ལས་ཏེ། དེ་མ་སྐྱེས་ན་མངོན་ཤེས་རྫུ་འཕྲུལ་ལྡན་པའམ། རིག་གནས་ལྔ་ལ་མཁས་པ། སྟོང་ཉིད་མངོན་སུམ་དུ་རྟོགས་པ། ཉོན་མོངས་ཟད་པར་སྤངས་པ་སོགས་ཡིན་ཀྱང་བྱང་ཆུབ་སེམས་དཔའ་དང་། རྒྱལ་བའི་སྲས་མིན་ཞིང་། ཐེག་ཆེན་པའི་གྲས་སུའང་མི་ཚུད་ལ། སེམས་འདི་རྒྱུད་ལ་སྐྱེས་པ་ན། དེ་ཁྱི་ཕག་སོགས་དུད་འགྲོ་དང་། ཡོན་ཏན་གཞན་མེད་པའི་གླེན་པ་བོང་བུ་དང་འདྲ་བ་ཞིག་ཡིན་ཡང་ཐེག་ཆེན་པའི་གྲས་སུ་ཚུད། བྱང་ཆུབ་ཀྱི་སེམས་སྐྱེས་སྐབས་ས་གཡོ་ཞིང་སངས་རྒྱས་ཐམས་ཅད་ཀྱི་བཞུགས་ཁྲི་གཡོ་བ་སོགས་འབྱུང་སྟེ། དེ་ནི་ས་ཆེན་པོ་འདི་སེམས་ཅན་སྤྱི་མཐུན་གྱི་ལས་དབང་ལས་གྲུབ་ཅིང་། བྱང་སེམས་སྐྱེས་པ་དེས་སེམས་ཅན་མང་པོ་འདྲེན་ཅིང་འཁོར་བ་ལ་བསྒུལ་བསྐྱོད་ཐོངས་པས་ས་འདིས་མ་བཟོད་པར་གཡོས་པ་ཡིན། སེམས་དེ་སྐྱེས་པའི་གང་ཟག་རེ་བྱུང་ན་བྱང་ཆུབ་སེམས་དཔའ་རྣམས་ཀྱིས་སྤུན་ལྟར་དགོངས་ཤིང་། ཕྱོགས་བཅུའི་སངས་རྒྱས་ཐམས་ཅད་ལ། འཁོར་བསྒྱུར་ལ་སྲས་གསར་པ་རེ་འཁྲུངས་པ་ལྟ་བུའི་ཐུགས་དགྱེས་པ་འབྱུང་བས་རྒྱལ་བའི་སྲས་སུ་འགྲོ། སེམས་དེ་དང་ནམ་བྲལ་བ་ན་ཐེག་ཆེན་གྱི་གྲལ་ནས་བུད་པ་ཡིན། རང་རེས་སྔོན་ཆད་མངོན་ཤེས་རྫུ་འཕྲུལ་མང་པོ་ཐོབ་ཀྱང་ཕུགས་སུ་ཕན་པ་གང་ཡང་མ་བྱུང་བས་དེ་ལས་བྱང་ཆུབ་ལམ་རིམ་ལ་གོ་བ་ཆགས་པ་དགའ་བ་ཡིན། མངོན་ཤེས་རྫུ་འཕྲུལ་ནི་དཀོན་ལ་དོན་ཆེ་བ་ཞིག་མ་ཡིན་པར། སྐྱེ་བ་རེ་འཕོས་ཏེ་བར་དོར་སླེབས་རེས་བཞིན་འཐོབ་འོང་གསུངས།
གསུམ་པ་ནི། སྡོང་པོ་བཀོད་པའི་མདོ་ལས། རྒྱ་མཚོའི་ནོར་བུས་འཛམ་བུ་གླིང་འདིའི་མཆིང་བུ་ཐམས་ཅད་ཟིལ་གྱིས་གནོན་པ་བཞིན་དུ། བྱང་ཆུབ་ཀྱི་སེམས་རྒྱུད་ལ་སྐྱེས་པ་དེས་ཉན་རང་གི་ཚོགས་ཐམས་ཅད་ཟིལ་གྱིས་གནོན་པར་གསུངས། བྱམས་པའི་རྣམ་པར་ཐར་པའི་མདོ་ལས། རྒྱལ་པོའ་ིསྲས་ཆུང་ངུས་བློན་པོའ་ིཚོགས་རྒན་པོ་རྣམས་ཀྱང་ཟིལ་གྱིས་གནོན་པ་བཞིན་དང་། མཁའ་ལྡིང་གི་ཕྲུ་གུས་ཀྱང་བྱའི་ཚོགས་གཞན་ཟིལ་གྱིས་གནོན་པ་བཞིན། བྱང་ཆུབ་ཀྱི་སེམས་རྒྱུད་ལ་སྐྱེས་པའི་བྱང་སེམས་ལས་དང་པོ་པས་ཀྱང་ཉན་རང་གི་ཚོགས་ཐམས་ཅད་ཟིལ་གྱིས་གནོན་པར་གསུངས་ལ། དེའང་ལྷག་པའི་བསམ་པའི་སྟོབས་ཀྱིས་ཡིན། དེ་བཞིན་དུ་རྡོ་རྗེ་རིན་པོ་ཆེ་ཆག་ཀྱང་། རྡོ་རྗེ་རིན་པོ་ཆེའི་མིང་ཡང་མི་འདོར་ལ། གསེར་གྱི་རྒྱན་ཟིལ་གྱིས་གནོན་ཅིང་། དབུལ་བ་སེལ་བ་བཞིན་དུ་བྱང་ཆུབ་ཀྱི་སེམས་རྒྱུད་ལ་སྐྱེས་ཏེ་རྒྱལ་སྲས་ཀྱི་སྤྱོད་པ་ལ་སློབ་མི་ནུས་པས་ཀྱང་། དེའི་རྒྱུད་ཀྱི་སེམས་དེའི་མཐུས་རྒྱལ་བའི་སྲས་ཞེས་པའི་མིང་མི་འདོར་ཞིང་། དགེ་བའི་ཚོགས་ཀྱི་རིན་པོ་ཆེ་ཐམས་ཅད་ལས་མཆོག་ཏུ་གྱུར་པ་དང་། ཉན་རང་གི་ཚོགས་ཀྱི་གསེར་གྱི་རྒྱན་ཡང་ཟིལ་གྱིས་གནོན་ལ། འཁོར་བའི་དབུལ་བ་སེལ་བར་གསུངས་སོ། །དེས་ན་ཆོས་ཕུང་བརྒྱད་ཁྲི་བཞི་སྟོང་གི་སྙིང་པོ་ངོས་འཛིན་ན་འདི་ཉིད་ལས་མེད། ཇོ་བོ་རྗེ་ལྷ་ཅིག་གིས་ཀྱང་། ཚེ་འདི་བློས་ཐོངས། བྱམས་སྙིང་རྗེ་བྱང་ཆུབ་ཀྱི་སེམས་སྒོམས་བྱ་བ་ཁོ་ན་གསུང་བ་ཡིན།
