ཁོ་ན་རེ། རྣམ་མཁྱེན་ཆོས་ཅན། རང་ལུགས་ཀྱི་ཀུན་རྫོབ་བདེན་པའི་མཚན་ཉིད་དེར་ཐལ། མཚོན་བྱ་དེའི་ཕྱིར། རང་མངོན་སུམ་དུ་རྟོགས་པའི་མངོན་སུམ་ཚད་མས་གཉིས་སྣང་དང་ཅས་པའི་ཚུལ་གྱིས་རྟོགས་པར་ཐལ། འདོད་པའི་ཕྱིར་ན་མ་ཁྱབ་སྟེ། དེས་ཐ་དད་པའི་ཐསུལ་གྱིས་མ་རྟོགས་པའི་ཕྱིར་དང་། དེ་དེ་ལ་མི་སྣང་བའི་ཕྱིར། ༼མི་སྣང་བའི་སྒོ་ནས་རྟོགས་༽
ཁོ་ན་རེ། སངས་རྒྱས་འཕགས་པའི་མིག་གི་རྣམ་ཤེས་དང་། དེའི་འཁོར་དུ་གྱུར་པའི་ཚོར་བ་རྣམ་པ་མི་མཚུངས་པར་ཐལ། དེ་ལྟ་བུའི་ཚོར་བ་ལ་སྣང་ན། དེའི་མིག་ཤེས་ལ་སྣང་བས་མ་ཁྱབ་སྟེ། མིག་ཤེས་དང་ཐ་དད་གང་ཞིག དེ་ལྟ་བུའི་དེ་ལྟ་བུའི་ཚོར་བ་ལ་སྣང་ན། དེའི་མིག་ཤེས་ལ་སྣང་བས་ཁྱབ་པ་དེ་གཉིས་རྣམ་པ་མཚུངས་པའི་དོན་ཡིན་པའི་ཕྱིར།
ཁ་ཅིག ལས་རྒྱུ་འབྲས་ཆོས་ཅན། རྫུན་པ་སླུ་བའི་ཆོས་ཅན་ཡིན་པར་ཐལ། འདུས་བྱས་ཡིན་པའི་ཕྱིར། འདོད་ན། སླུ་བ་ཡིན་པར་ཐལ། འདོད་པའི་ཕྱིར། འདོད་ན། མ་ཡིན་པར་ཐལ། མི་སླུ་བ་ཡིན་པའི་ཕྱིར། དེར་ཐལ། མི་སླུ་བའི་ཕྱིར་ན་མ་ཁྱབ།
རྒྱུད་བླ་མ་ལས། འདུས་བྱས་ཐམས་ཅད་སླུ་བའི་ཆོས། ཞེས་པ་ལྟར་རོ།
No comments:
Post a Comment